గత నాలుగు రోజులుగా భారత సైన్యం యొక్క సామర్థ్యాన్ని దేశం చూసిందని, నిఘా మరియు శాస్త్ర సాంకేతిక రంగాలలో భారతదేశం యొక్క శక్తిని దేశం గమనించిందని ప్రధాని నరేంద్ర మోదీ పేర్కొన్నారు. భారతదేశ రక్షణ దళాలు ప్రదర్శించిన ధైర్యసాహసాలు దేశానికి గర్వకారణమని ఆయన అన్నారు. 'ఆపరేషన్ సింధూర్' తర్వాత ఢిల్లీ నుండి జాతిని ఉద్దేశించి మోదీ మాట్లాడారు.
పహల్గామ్లో ఉగ్రవాదులు మతం పేరు అడిగి కుటుంబ సభ్యుల ముందే అమాయకులను కాల్చి చంపారని మోదీ ఆవేదన వ్యక్తం చేశారు. పహల్గాం ఉగ్రదాడి దేశాన్ని దిగ్భ్రాంతికి గురిచేసిందని, ఉగ్రవాద దాడులపై ప్రతి ఒక్క హృదయం రగిలిపోయిందని ఆయన అన్నారు. పౌరులు మరియు రాజకీయ పార్టీలు ఏకతాటిపైకి వచ్చి ఉగ్రవాదానికి వ్యతిరేకంగా నిలిచారని మోదీ తెలిపారు.
భారత సైన్యం యొక్క సాహసం మరియు పరాక్రమాన్ని దేశం చూసిందని మోదీ అన్నారు. 'ఆపరేషన్ సింధూర్' అనేది భారతీయ మహిళల నుదుటిపై సింధూరం తుడిచేసిన వారికి సరైన బుద్ధి చెప్పే చర్య అని ఆయన పేర్కొన్నారు. 'ఆపరేషన్ సింధూర్' అనేది కేవలం ఒక పేరు కాదని, అది ఒక ఆవేదన అని మోదీ అన్నారు. 'ఆపరేషన్ సింధూర్' న్యాయం కోసం చేసిన ఒక ప్రతిజ్ఞ అని, ఈ నెల ఏడవ తేదీ తెల్లవారుజామున ఆ ప్రతిజ్ఞ నెరవేరడాన్ని ప్రపంచం చూసిందని మోదీ అన్నారు.
