గెస్ట్ రోల్స్లో భారీ పారితోషికం
సినీరంగంలో స్టార్ డమ్ సంపాదించుకున్నప్పటికీ, కొందరు నటులు సినిమాల్లో అతిథి పాత్రల కోసం కూడా భారీగా పారితోషికం తీసుకున్నారు. అలాంటి కొందరు స్టార్స్ గురించి ఇప్పుడు తెలుసుకుందాం.
రజినీకాంత్
సూపర్ స్టార్ రజినీకాంత్ తన కూతురు నిర్మించిన లాల్ సలామ్ సినిమాలో ముఖ్య పాత్రలో నటించారు. నివేదికల ప్రకారం, ఈ సినిమాలో గెస్ట్ రోల్ కోసం ఆయన ఏకంగా రూ.40 కోట్లు పారితోషికం తీసుకున్నారు.
అక్షయ్ కుమార్
బాలీవుడ్ స్టార్ హీరో అక్షయ్ కుమార్ ధనుష్ నటించిన ఆత్రంగి రే సినిమాలో గెస్ట్ రోల్ పోషించారు. ఇందుకోసం ఆయన దాదాపు రూ.27 కోట్లు పారితోషికంగా అందుకున్నారు.
అజయ్ దేవగన్
ఆర్ఆర్ఆర్ సినిమాలో అతిథి పాత్రలో కనిపించిన బాలీవుడ్ నటుడు అజయ్ దేవగన్ రూ.25 కోట్లు తీసుకున్నారు. అదే సమయంలో గంగూబాయి కతియావాడి చిత్రానికి ఆయన రూ.11 కోట్లు అందుకున్నారు.
అలియా భట్
ఆర్ఆర్ఆర్ సినిమాలో అతిథి పాత్రలో నటించినందుకు అలియా భట్ రూ.9 కోట్లు పారితోషికంగా తీసుకున్నారు.
బాలకృష్ణ - కొత్త రికార్డు?
ప్రస్తుతం వినిపిస్తున్న సమాచారం ప్రకారం, నందమూరి బాలకృష్ణ రజినీకాంత్ నటిస్తున్న జైలర్ 2 సినిమాలో ముఖ్య పాత్రలో కనిపించనున్నారు. ఈ సినిమా కోసం ఆయన ఏకంగా రూ.50 కోట్లు పారితోషికం తీసుకుంటున్నారని టాక్ వినిపిస్తోంది. అయితే దీనిపై అధికారికంగా స్పష్టత రావాల్సి ఉంది. ఒకవేళ ఇది నిజమైతే, అతిథి పాత్రకు అత్యధిక పారితోషికం తీసుకున్న నటుడిగా బాలకృష్ణ రికార్డు సృష్టిస్తారు.
