కూరగాయల్లో దాగి ఉన్న ప్రమాదం: టేప్‌వార్మ్‌ల నుంచి మిమ్మల్ని మీరు కాపాడుకోండి!

 

ఆరోగ్యానికి శుభ్రత, పౌష్టికాహారం రెండూ చాలా ముఖ్యం. ముఖ్యంగా ఆకుకూరలు, కూరగాయలు మనకు ఎన్నో పోషకాలను అందిస్తాయి. అయితే, కొన్నిసార్లు వాటిలో దాగి ఉండే సూక్ష్మజీవులు, పురుగులు మన ఆరోగ్యానికి ప్రమాదకరంగా మారే అవకాశం ఉంది.  అటువంటి ప్రమాదాలను, వాటి నుంచి రక్షించుకునే పద్ధతులను వివరంగా తెలుసుకుందాం.

కనిపించని పురుగులు - ఆరోగ్యంపై వాటి ప్రభావం

క్యాబేజీ, కాలీఫ్లవర్ వంటి కూరగాయల్లో కంటికి కనిపించని పురుగులు దాగి ఉంటాయి. వీటిని సరిగ్గా శుభ్రం చేయకుండా తింటే, ఆ పురుగులు మన శరీరంలోకి ప్రవేశించి కడుపు సమస్యలనే కాకుండా, కొన్నిసార్లు మెదడుకు చేరి తీవ్రమైన ఇన్ఫెక్షన్లను (ఉదాహరణకు, న్యూరోసిస్టిసర్కోసిస్) కూడా కలిగించవచ్చు. ఈ ఇన్ఫెక్షన్లు తలనొప్పి, పక్షవాతం, గుండె ఆగిపోవడం వంటి తీవ్రమైన ఆరోగ్య సమస్యలకు దారితీయవచ్చు. అందుకే, ఈ కూరగాయలను తినే ముందు బాగా ఉడికించడం తప్పనిసరి.

టేప్‌వార్మ్స్ ప్రమాదం ఉన్న కూరగాయలు

కొన్ని కూరగాయల్లో టేప్‌వార్మ్స్ (బద్దె పురుగులు) ఎక్కువగా ఉండే అవకాశం ఉంది. వీటిని సరిగా ఉడికించకుండా తింటే, ఈ పురుగులు మన మెదడుకు చేరే ప్రమాదం ఉంది. అటువంటి కూరగాయలు ఏవో ఇప్పుడు వివరంగా చూద్దాం:

కాలీఫ్లవర్: ఈ కూరగాయలో చిన్న పురుగులు కంటికి కనిపించకుండా దాగి ఉంటాయి. ఇవి శరీరంలోకి చేరితే కండరాలు, కాలేయం, మెదడు వరకు చేరే ప్రమాదం ఉంది. అందుకే, కాలీఫ్లవర్‌ను ఉడికించిన నీటిని పారవేసి మాత్రమే వండాలి.

వంకాయ: వంకాయలో కూడా పురుగులు ఎక్కువగా ఉంటాయి. కోసినప్పుడు క్రిములు కనిపిస్తే, దాన్ని పూర్తిగా పారవేయడం మంచిది. ఎందుకంటే కొన్ని పురుగులు ఉడికించిన తర్వాత కూడా బతికి ఉండే ప్రమాదం ఉంది.

బీరకాయ: ఈ కూరలో చిన్న చిన్న పురుగులు త్వరగా పెరిగి పూర్తిగా కూరను ఆక్రమించే అవకాశం ఉంటుంది. అవి మన శరీరంలోకి ప్రవేశిస్తే మెదడు వరకూ వెళ్లే ప్రమాదం ఉంది. అందుకే బీరకాయను వాడేముందు బాగా శుభ్రంగా కడగడం అత్యంత అవసరం.

క్యాబేజీ: ఇది పొరలు పొరలుగా ఉండటం వల్ల టేప్‌వార్మ్‌లకు మంచి నివాసంగా మారుతుంది. ఈ క్రిముల గుడ్లు మన శరీరంలోకి వెళ్లి మెదడు వరకు వెళ్తాయి. అందుకే క్యాబేజీని ఉడికించి వాడటం తప్పనిసరి.

చామదుంప ఆకులు: ఈ ఆకుల్లో టేప్‌వార్మ్ గుడ్లు దాగి ఉండే అవకాశం ఉంది. వాటిని శుభ్రంగా కడకుండా తినితే వాంతులు, కడుపు నొప్పులు, జీర్ణ సమస్యలు మాత్రమే కాదు, మెదడు సంబంధిత ఆరోగ్య సమస్యలు కూడా తలెత్తవచ్చు. అందుకే ప్రతి ఆకును విడిగా తీసుకుని చక్కగా శుభ్రం చేయడం తప్పనిసరి.

క్యాప్సికం: క్యాప్సికంలోపల గింజల దగ్గర క్రిముల గుడ్లు దాగి ఉండే అవకాశం ఉంది. అందుకే గింజలు తీసేసి బాగా కడిగిన తర్వాతే వాడాలి.

పొట్లకాయ: పొట్లకాయలో కూడా టేప్‌వార్మ్ గుడ్లు ఉండే ప్రమాదం ఉంటుంది, ముఖ్యంగా కృత్రిమ ఎరువులు, పురుగుమందులతో సాగు చేసిన కాయల్లో. శుభ్రంగా కడగకుండా వాడితే మలబద్ధకం, తలనొప్పి, ఇతర జీర్ణ సంబంధిత సమస్యలు వచ్చే అవకాశం ఉంటుంది. కాబట్టి ఈ కూరను వాడేముందు బాగా కడగడం చాలా ముఖ్యం.

టేప్‌వార్మ్స్ ఎలా వ్యాపిస్తాయి?

టేప్‌వార్మ్స్ సాధారణంగా పందుల మూత్రం ద్వారా భూమిలోకి చేరుతాయి. ఆ తర్వాత అక్కడి నుంచి కూరగాయల్లోకి ప్రబేశిస్తాయి. ముఖ్యంగా భూమికి అత్యంత దగ్గరగా పెరిగే క్యాబేజీ, కాలీఫ్లవర్, పాలకూర, బీన్స్, క్యారెట్ లాంటి కూరగాయల్లో ఈ క్రిములు ఉండే అవకాశం ఎక్కువగా ఉంటుంది.

టేప్‌వార్మ్స్ వల్ల కలిగే ఆరోగ్య సమస్యలు

టేప్‌వార్మ్స్ వల్ల గుండె ఆగిపోవడం, తలనొప్పులు, పక్షవాతం, న్యూరోసిస్టిసర్కోసిస్ (మెదడుకు వచ్చే జబ్బు) వంటి తీవ్రమైన సమస్యలు వచ్చే అవకాశం ఉంది. అందువల్ల, చూడటానికి బాగున్న కూరగాయల్లో దాగి ఉన్న ఈ ప్రమాదాన్ని తప్పించుకోవాలంటే వాటిని బాగా శుభ్రంగా కడగడం మరియు పూర్తిగా ఉడికించడం అలవాటు చేసుకోవాలి.

మీ ఆరోగ్యం మీ చేతుల్లోనే!

మన ఆరోగ్యం మన చేతుల్లోనే ఉంటుంది. అందుకే, ఏ కూరగాయ అయినా వండే ముందు శుభ్రంగా కడగడాన్ని అలవాటుగా మార్చుకోవాలి. ముఖ్యంగా ముదురు ఆకుపచ్చ కూరగాయలను తినే ముందు జాగ్రత్తగా శుభ్రం చేస్తే, అనేక ప్రమాదకరమైన ఆరోగ్య సమస్యలనుంచి మనం దూరంగా ఉండవచ్చు.