ఒక క్షణం పాటు ప్రపంచం ఊపిరి బిగబట్టింది.. డిజిటల్ మెదడుకు పక్షవాతం వస్తే ఎలా ఉంటుందో జనం కళ్లారా చూశారు! ఏ చిన్న అనుమానం వచ్చినా, దారి తప్పినా గుడ్డిగా నమ్మే 'గూగుల్' సడన్గా సైలెంట్ అయిపోతే ఏమవుతుంది? కేవలం కొన్ని నిమిషాల సర్వర్ క్రాష్.. యావత్ ప్రపంచాన్ని మనం టెక్నాలజీకి ఎంతగా బానిసలమయ్యామో పచ్చిగా గుర్తుచేసింది!
స్తంభించిన సెర్చ్.. తలపట్టుకున్న జనం!
ప్రపంచానికి సమాచారం అందించే అతిపెద్ద డిజిటల్ సెర్చ్ ఒక్కసారిగా మొరాయించింది. మంగళవారం గూగుల్ సేవల్లో ఊహించని తాత్కాలిక అంతరాయం ఏర్పడటంతో కోట్లాది మంది యూజర్లు తీవ్ర ఆందోళనకు గురయ్యారు. ఎప్పటిలాగే గూగుల్ సెర్చ్ ఓపెన్ చేసిన నెటిజన్లకు "సర్వర్ ఎర్రర్" (Server Error) అనే వార్నింగ్ దర్శనమిచ్చింది.
సెర్చ్ రిజల్ట్స్ పూర్తిగా బ్లాంక్ అయిపోవడం, పేజీలు ఎంతకీ లోడ్ కాకపోవడంతో అసలేం జరుగుతుందో అర్థంకాక వినియోగదారులు జుట్టు పీక్కున్నారు. ఈ భయానక డిజిటల్ సమస్య కేవలం భారతదేశానికే పరిమితం కాలేదు, ప్రపంచవ్యాప్తంగా పలు దేశాలను వణికించింది.
"మా ఇంజినీర్లు పని చేస్తున్నారు".. గూగుల్ మెసేజ్!
గూగుల్ సెర్చ్ ఓపెన్ చేయడానికి ప్రయత్నించిన ప్రతి ఒక్కరికీ ఒకే మెసేజ్! "మీ అభ్యర్థనను ప్రాసెస్ చేసే సమయంలో అంతర్గత సర్వర్ లోపం ఏర్పడింది. మా ఇంజినీర్లు సమస్యను పరిష్కరించేందుకు పనిచేస్తున్నారు" అనే సందేశం స్క్రీన్పై ప్రత్యక్షమైంది.
మొదట ఇది తమ ఫోన్ లేదా ఇంటర్నెట్ కనెక్షన్ ప్రాబ్లమ్ ఏమో అని చాలామంది భ్రమపడ్డారు. ఆ తర్వాత అసలు విషయం తెలిసి, సమస్య తమ నెట్వర్క్లో ఉందా లేక గూగుల్ సర్వర్లలోనా అన్న అనుమానంతో సోషల్ మీడియా ప్లాట్ఫారమ్ల వైపు పరుగులు తీశారు.
రెడిట్, ఎక్స్లో మీమ్స్ వర్షం.. ఆశ్చర్యంలో నెటిజన్లు!
ప్రత్యేకంగా ఎక్స్ (ట్విట్టర్), రెడిట్ (Reddit) వంటి సామాజిక వేదికలపై వేలాది మంది యూజర్లు తమకు ఎదురైన చేదు అనుభవాలను పంచుకున్నారు. కొందరు ఎర్రర్ స్క్రీన్షాట్లు పోస్ట్ చేస్తూ "నమ్మలేకపోతున్నాం.. గూగుల్ కూడా డౌన్ అవుతుందా?" అంటూ తీవ్ర ఆశ్చర్యం వ్యక్తం చేశారు.
మరికొందరు "ఇలాంటి సర్వర్ క్రాష్ ఘటన చాలా అరుదుగా జరుగుతుంది" అని కామెంట్లు పెట్టారు. అయితే కొంతమంది యూజర్లు చెబుతున్న దాని ప్రకారం.. మొదట కొన్ని ప్రత్యేకమైన సెర్చ్లలో మాత్రమే ఈ ఎర్రర్ కనిపించిందని, ఆ తర్వాత నిమిషాల వ్యవధిలోనే అన్ని సెర్చ్లపై దీని ప్రభావం పడిందని వాపోయారు.
డౌన్ డిటెక్టర్లో ఫిర్యాదుల వెల్లువ!
సాంకేతిక సమస్యలపై ఎప్పటికప్పుడు సమాచారం అందించే 'డౌన్ డిటెక్టర్' (Downdetector) వంటి వెబ్సైట్లలో సైతం యూజర్ల ఫిర్యాదులు వెల్లువెత్తాయి. అందులో అత్యధిక శాతం మంది గూగుల్ సెర్చ్ పనిచేయడం లేదని రిపోర్ట్ చేయగా, మరికొందరు కంటెంట్ లోడ్ కావడం లేదని ఆగ్రహం వ్యక్తం చేశారు. కొంతమంది వెబ్సైట్ అసలు పూర్తిగా ఓపెన్ కాకపోవడం గురించి కూడా ఫిర్యాదు చేశారు.
అయితే ప్రపంచాన్ని వణికించిన ఈ భారీ అంతరాయం వెనుక అసలు కారణం ఏమిటన్న విషయంపై గూగుల్ నుంచి ఇంకా అధికారిక ప్రకటన వెలువడలేదు. సర్వర్ స్థాయిలో జరిగిన ఏదో ఊహించని సాంకేతిక లోపమే (Technical glitch) దీనికి కారణమై ఉండొచ్చని టెక్ నిపుణులు అంచనా వేస్తున్నారు.
క్రమంగా కోలుకుంటున్న 'గూగుల్ తల్లి'.. అయినా సస్పెన్స్!
సాధారణంగా గూగుల్ వంటి అత్యంత పటిష్టమైన సేవల్లో డౌన్టైమ్ చాలా అరుదుగా జరుగుతుంది. అందుకే ఈ చిన్న క్రాష్ కూడా ప్రపంచవ్యాప్తంగా అతిపెద్ద చర్చనీయాంశంగా మారింది. ప్రస్తుతం చాలా ప్రాంతాల్లో గూగుల్ సేవలు క్రమంగా పునరుద్ధరించబడుతున్నాయని వినియోగదారులు ఊపిరి పీల్చుకుంటున్నారు.
అయినప్పటికీ కొంతమంది ఇంకా సెర్చ్ ఫలితాల్లో ఆలస్యం, పేజీ లోడింగ్ సమస్యలను ఎదుర్కొంటూనే ఉన్నట్లు సమాచారం. గూగుల్ నుంచి పూర్తి స్థాయి సాంకేతిక వివరణ వచ్చాకే ఈ సర్వర్ క్రాష్ వెనుక ఉన్న అసలు కారణాలపై స్పష్టత రానుంది.
ఇంటర్నెట్ ప్రపంచంలో గూగుల్ అంటే ఒక బ్రౌజర్ కాదు, మన జీవితాలను నడిపిస్తున్న అదృశ్య శక్తి! మనం ఎంత దారుణంగా డిజిటల్ బానిసలుగా మారిపోయామంటే.. ఉదయం లేచిన దగ్గర్నుంచి సెర్చ్, జీమెయిల్, మ్యాప్స్ లేకుండా మనం ఒక అడుగు కూడా వేయలేం. కేవలం కొద్ది నిమిషాల పాటు గూగుల్ ఆగిపోతేనే మన డిజిటల్ జీవితం స్తంభించిపోయినట్లుగా గిలగిలలాడాం. రేపు నిజంగానే ఏదైనా అతిపెద్ద సైబర్ ఎటాక్ జరిగి సిస్టమ్ మొత్తం కుప్పకూలితే.. ఒక సామాన్యుడి జీవితం ఎంత దారుణంగా అంధకారంలోకి వెళుతుందో ఈ ఘటనే ఒక భయంకరమైన ట్రైలర్!
Also Read:
US Iran War: ఇరాన్కు పాకిస్తాన్ రహస్య ఆశ్రయం!Value of Human Life: మనిషి ప్రాణానికి ఖరీదెంత?
Opinion : దేశ ఆర్థిక రక్షణకు మోదీ 7 సూత్రాలు.. పొదుపు చర్యలా లేక ఆంక్షలా?
తేలియాడే శవపేటికగా క్రూయిజ్ షిప్: 150 మంది ప్రాణాలకు హంటావైరస్ ముప్పు
నాలుగేళ్ల రక్తపాతానికి బ్రేక్: యుద్ధం ముగుస్తోందని ప్రకటించిన పుతిన్!
