2018లో యూత్‌ను ఊపేసిన బ్లాక్‌‌బస్టర్ మూవీ 'హుషారు'కు ఇప్పుడు క్రేజీ సీక్వెల్ రాబోతోంది. సూపర్ స్టార్ మహేష్ బాబు మేనల్లుడు అశోక్ గల్లా హీరోగా, డైరెక్టర్ శ్రీహర్ష కొనుగంటి తెరకెక్కిస్తున్న 'హుషారు 2' మూవీ ఫస్ట్ లుక్ పోస్టర్ నెట్టింట సెన్సేషన్ క్రియేట్ చేస్తోంది. పౌరాణిక అమృత మథనం కాన్సెప్ట్‌తో బీరు ట్రక్కును ముడిపెడుతూ రిలీజ్ చేసిన టైటిల్ పోస్టర్ టాలీవుడ్‌లో హాట్ టాపిక్‌గా మారింది. సైలెంట్‌గా షూటింగ్ పూర్తి చేసుకున్న ఈ క్రేజీ ప్రాజెక్ట్ ఈ ఏడాది చివర్లో థియేటర్లలోకి రానుంది.
[FEATURED_IMAGE]2018లో వచ్చిన 'హుషారు' మూవీ యూత్‌లో ఎలాంటి కల్ట్ ట్రెండ్ సెట్ చేసిందో ప్రత్యేకంగా చెప్పక్కర్లేదు. కుర్రాళ్ల స్నేహం, బోల్డ్ కంటెంట్, ముఖ్యంగా సిద్ శ్రీరామ్ పాడిన 'ఉండిపోరాదే' సాంగ్ అప్పట్లో ఒక సెన్సేషన్. సరిగ్గా ఆరేళ్ల తర్వాత ఇప్పుడు అదే మ్యాజిక్‌ను రిపీట్ చేసేందుకు డైరెక్టర్ శ్రీహర్ష కొనుగంటి 'హుషారు 2'తో సిద్ధమయ్యారు. తాజాగా ఈ మూవీని అఫీషియల్‌గా అనౌన్స్ చేస్తూ మేకర్స్ వదిలిన టైటిల్ పోస్టర్ ఇప్పుడు ఇండస్ట్రీ వర్గాల్లో తీవ్ర చర్చకు దారితీస్తోంది.
ఈ ఫస్ట్ లుక్ పోస్టర్‌ను డిజైన్ చేసిన తీరు నెటిజన్లను విపరీతంగా ఆకర్షిస్తోంది. మొదటి భాగంలో కుర్రాళ్లు తయారు చేసిన 'కబూమ్ బీరు'ను ఒక ట్రక్కులో పెట్టి, దానికి రెండు వైపులా పామును తాడులా వేసి లాగుతున్నట్లు చూపించారు. ట్రక్కు కింద తాబేలు, కాస్త దూరంలో పడి ఉన్న నగలు, వెనుక ఫ్యాక్టరీ.. ఇవన్నీ చూస్తుంటే హిందూ పురాణాల్లోని 'అమృత మథనం' ఘట్టం కళ్లకు కడుతోంది. పవిత్రమైన పౌరాణిక ఘట్టాన్ని ఆల్కహాల్‌కు ముడిపెడుతూ డిజైన్ చేయడం కొందరిలో భిన్నాభిప్రాయాలకు దారితీసినా, అసలు దీని వెనుక డైరెక్టర్ ఆలోచన ఏంటన్నది క్యూరియాసిటీ పెంచుతోంది.
ఇక క్యాస్టింగ్ విషయంలోనూ ఈసారి భారీ మార్పులు జరిగాయి. ఫస్ట్ పార్ట్‌లో నటించిన కొందరు హీరోలు ఈ సీక్వెల్‌లో మిస్ అవ్వగా, హీరో అశోక్ గల్లా ఇందులో మెయిన్ లీడ్‌గా ఎంట్రీ ఇస్తున్నాడు. అశోక్‌తో పాటు రాహుల్ రామకృష్ణ, దినేష్ తేజ్, రవి అంథోని, శశిధర్ కోచర్లకోట తదితరులు ముఖ్య పాత్రల్లో నటిస్తున్నారు. ఈ కొత్త క్యాస్టింగ్ కలయిక కథను ఇంకెన్ని బోల్డ్ మలుపులు తిప్పుతుందో అని యూత్ ఆసక్తిగా ఎదురుచూస్తున్నారు.
ఎలాంటి హడావుడి లేకుండా సైలెంట్‌గా మెయిన్ షూటింగ్ మొత్తం కంప్లీట్ చేసిన మేకర్స్, ప్రస్తుతం పోస్ట్ ప్రొడక్షన్ పనుల్లో బిజీగా ఉన్నారు. కేవ్‌మ్యాన్ స్టోరీస్, హెచ్‌కే ఫిల్మ్స్, కలియుగ వారధి క్రియేషన్స్ సంస్థలు సంయుక్తంగా నిర్మిస్తున్న ఈ చిత్రానికి సన్నీ ఎం.ఆర్ సంగీతం అందిస్తున్నారు. అలాగే ట్రెండింగ్ సింగర్ రామ్ మిర్యాల అడిషనల్ ట్యూన్స్ సమకూరుస్తున్నారు. యూత్‌ను ఉర్రూతలూగించడానికి వస్తున్న ఈ క్రేజీ సీక్వెల్ ఈ ఏడాది చివర్లో థియేటర్లలోకి వచ్చి బాక్సాఫీస్ వద్ద ఏ రేంజ్‌లో రచ్చ చేస్తుందో చూడాలి.
