టాలీవుడ్ మోస్ట్ అవైటెడ్ మూవీ 'వృషకర్మ' థియేట్రికల్ హక్కులను బడా ప్రొడ్యూసర్ దిల్ రాజు ఏకంగా రూ.45 కోట్లకు సొంతం చేసుకుని సెన్సేషన్ క్రియేట్ చేశారు. ముందుగా సితార ఎంటర్‌టైన్‌మెంట్స్ అధినేత నాగవంశీ ఈ రైట్స్ దక్కించుకుంటారని గట్టిగా ప్రచారం జరిగినా, అనూహ్యంగా ఆయన వెనక్కి తగ్గడంతో దిల్ రాజు సీన్‌లోకి ఎంటర్ అయ్యారు. ఏపీ, తెలంగాణ, కర్ణాటక హక్కుల కోసం జరిగిన ఈ భారీ డీల్ ఇప్పుడు ట్రేడ్ వర్గాల్లో హాట్ టాపిక్‌గా మారింది.
[FEATURED_IMAGE]నాగవంశీ చేజారిన భారీ డీల్
టాలీవుడ్ బాక్సాఫీస్ వద్ద భారీ అంచనాలు రేకెత్తిస్తున్న చిత్రం 'వృషకర్మ'. ఈ సినిమా బిజినెస్ పై ఇండస్ట్రీలో మొదటి నుంచి తీవ్ర ఆసక్తి నెలకొంది. ఏపీ, తెలంగాణ, కర్ణాటక రాష్ట్రాల థియేట్రికల్ హక్కుల కోసం సితార అధినేత సూర్యదేవర నాగవంశీ గట్టిగానే ప్రయత్నించారు. డీల్ దాదాపు ఆయనకే కన్ఫర్మ్ అయిందని అంతా అనుకున్నా.. అనూహ్యంగా ఆయన ఈ ప్రాజెక్ట్ నుంచి తప్పుకోవడం ఫిల్మ్ నగర్‌లో చర్చనీయాంశమైంది. బాక్సాఫీస్ వద్ద కాసుల వర్షం కురిపించే అవకాశమున్న ఈ చిత్రాన్ని ఆయన ఎందుకు వదులుకున్నారు అన్నది ఆసక్తికరంగా మారింది.
స్పెషల్ షో చూశాకే దిల్ రాజు ఫిక్స్
నాగవంశీ డ్రాప్ అవ్వడంతో ఈ క్రేజీ ప్రాజెక్ట్ లోకి దిల్ రాజు ఎంట్రీ ఇచ్చారు. ఎప్పటిలాగే తన పక్కా స్ట్రాటజీతో వ్యవహరించిన ఆయన, హడావుడి పడకుండా సినిమా అవుట్ పుట్ మొత్తం స్పెషల్‌గా చూశారు. కంటెంట్ పై పూర్తి నమ్మకం కుదిరాకే ఈ మెగా డీల్ ను క్లోజ్ చేసినట్లు తెలుస్తోంది. ఏకంగా రూ.45 కోట్లు వెచ్చించి మూడు రాష్ట్రాల హక్కులను ఆయన ఫ్యాన్సీ రేటుకు సొంతం చేసుకున్నారు. ఈ భారీ డీల్ లో రూ.5 కోట్లు రిఫండబుల్ అని సమాచారం.
బ్రేక్ ఈవెన్ దాటడం పక్కా!
దిల్ రాజుకు డిస్ట్రిబ్యూషన్ రంగంలో ఉన్న అపారమైన అనుభవం, భారీ థియేటర్ల నెట్ వర్క్ ఈ సినిమాకు ప్లస్ కానున్నాయి. సినిమాపై ఆయన పెట్టుకున్న నమ్మకం చూస్తుంటే కంటెంట్ వేరే లెవెల్‌లో ఉందన్న టాక్ వినిపిస్తోంది. ప్రస్తుతం ఉన్న బజ్ ప్రకారం 'వృషకర్మ' కు కనుక హిట్ టాక్ వస్తే 45 కోట్ల బ్రేక్ ఈవెన్ టార్గెట్ ను సునాయాసంగా దాటేస్తుందని బాక్సాఫీస్ పండితులు అంచనా వేస్తున్నారు. మరి దిల్ రాజు నమ్మకాన్ని ఈ సినిమా ఏ రేంజ్ లో నిలబెడుతుందో, థియేటర్లలో ఎలాంటి సెన్సేషన్ క్రియేట్ చేస్తుందో చూడాలి.
