రెహమాన్‌ను దాటేసిన అనిరుధ్: ఒక్కో సినిమాకు 30 కోట్లు!

naveen
By -
ఆస్కార్ విన్నర్‌నే దాటేసిన అనిరుధ్.. రెమ్యునరేషన్ తెలిస్తే మైండ్ బ్లాకే!

ఏఆర్ రెహమాన్ లాంటి ఆస్కార్ విన్నర్‌ను సైతం వెనక్కి నెట్టి, ఒక్కో సినిమాకు ఏకంగా రూ.30 కోట్లు ఛార్జ్ చేస్తున్న ఒకే ఒక్క మ్యూజిక్ డైరెక్టర్ అనిరుధ్ రవిచందర్. ఒకప్పుడు దేవిశ్రీ ప్రసాద్, తమన్ శాసించిన టాలీవుడ్‌ను.. ఇప్పుడు ఈ తమిళ సెన్సేషన్ ఏలుతున్నాడు. ట్యూన్స్ ఇవ్వడంలో లేట్ చేస్తాడన్న కంప్లైంట్స్ ఉన్నా, మన తెలుగు దర్శక నిర్మాతలు మాత్రం కోట్ల రూపాయలు కుమ్మరించి మరీ ఆయన వెంటే ఎందుకు పడుతున్నారు? టాలీవుడ్‌లో అనిరుధ్ క్రియేట్ చేస్తున్న ఆ సంచలనం ఏంటో చూద్దాం.

[FEATURED_IMAGE]

ఆస్కార్ విన్నర్‌నే దాటేసిన రాక్‌స్టార్!


గతంలో ఇండియాలో హైయెస్ట్ పెయిడ్ మ్యూజిక్ డైరెక్టర్ అంటే ఏఆర్ రెహమాన్ పేరే వినిపించేది. ఆయన ఒక్కో సినిమాకు 10 నుంచి 15 కోట్లు తీసుకునేవారు. కానీ ఇప్పుడు అనిరుధ్ ఆ రికార్డును బ్రేక్ చేశాడు. తన మార్క్ బిజిఎమ్‌తో బాక్సాఫీస్‌ను షేక్ చేస్తున్న ఈ యంగ్ సెన్సేషన్.. ప్రస్తుతం తన క్రేజ్‌ను బట్టి 25 నుంచి 30 కోట్ల రూపాయల భారీ రెమ్యునరేషన్ డిమాండ్ చేస్తూ అగ్రస్థానంలో కూర్చున్నాడు.


టాలీవుడ్‌లో దేవి, తమన్ హవా తగ్గిందా?


కొన్నేళ్లుగా తెలుగు సినిమా సంగీతం దేవిశ్రీ ప్రసాద్, తమన్ చుట్టూనే తిరిగేది. కానీ దేవిశ్రీ హీరోగా మారే ప్రయత్నాల్లో బిజీ అవ్వడం, తమన్ చేతిలో ప్రాజెక్ట్స్ ఉన్నా టాప్ ప్లేస్‌కు గట్టి పోటీ ఇవ్వలేకపోవడంతో ఆ స్పేస్‌ను అనిరుధ్ ఆక్రమించేశాడు. 'అజ్ఞాతవాసి'తో ఫ్లాప్ ఎంట్రీ ఇచ్చినా.. 'జెర్సీ'తో మెప్పించి, రీసెంట్‌గా 'దేవర'లోని చుట్టమల్లే పాటతో టాలీవుడ్‌ను తన మాయలో పడేశాడు.


లేట్ చేసినా.. అనిరుధే కావాలి!


టైమ్‌కు ట్యూన్స్ ఇవ్వడని, బ్యాక్‌గ్రౌండ్ స్కోర్ కోసం లాస్ట్ మినిట్ వరకు డైరెక్టర్లను టెన్షన్ పెడతాడని ఇండస్ట్రీలో ఓ టాక్ ఉంది. అయినా సరే తెలుగు స్టార్ హీరోలు, డైరెక్టర్లు అనిరుధ్ జపం చేస్తున్నారు. అతనికి క్రేజీ ఆఫర్స్ ఇచ్చి, 25 కోట్ల రెమ్యునరేషన్ రేంజ్‌కు తీసుకువెళ్లింది మన టాలీవుడ్ మేకర్సే అన్న వాదన కూడా బలంగా వినిపిస్తోంది. గడిచిన మూడేళ్లలో ఏడాడికి 10 సినిమాల చొప్పున చేస్తున్న అనిరుధ్ మ్యూజిక్.. నాని 'ప్యారడైజ్' లాంటి ఫ్లాప్స్ కు సైతం హైప్ తీసుకొచ్చింది.


ఆ భారీ ప్రాజెక్టులన్నీ అతని ఖాతాలోనే..


ఎన్టీఆర్-త్రివిక్రమ్ కాంబోలో రాబోతున్న 'గాడ్ ఆఫ్ వార్' థీమ్ మూవీకి గురూజీ సెంటిమెంట్ పక్కనపెట్టి మరీ అనిరుధ్‌ను తీసుకున్నాడు. అటు అల్లు అర్జున్-లోకేష్ కనకరాజ్ సినిమాకు సైతం అతనే సంగీతం అందించనున్నాడు. రజనీకాంత్ హీరోగా కమల్ హాసన్ నిర్మిస్తున్న 'ధర్మం', షారుఖ్ ఖాన్ 'కింగ్' మూవీ కూడా ఈ రాక్‌స్టార్ చేతిలోనే ఉన్నాయి.


వందల కోట్ల సినిమాలో అసలు హీరో! 


ఒక మ్యూజిక్ డైరెక్టర్‌కు 30 కోట్లు ఏంటని సామాన్యుడికి ఆశ్చర్యం కలగొచ్చు. కానీ 300 కోట్ల బడ్జెట్ పెట్టి తీస్తున్న నేటి పాన్ ఇండియా సినిమాలకు కంటెంట్‌ను మించి బిజిఎమ్ (BGM) ప్రాణంగా మారింది. విక్రమ్, జైలర్, లియో లాంటి సినిమాల సక్సెస్‌లో 50 శాతం క్రెడిట్ అనిరుధ్ కే దక్కుతుంది. సినిమా కంటెంట్ యావరేజ్‌గా ఉన్నా తన ఎలివేషన్స్‌తో వందల కోట్లు తెచ్చిపెడుతున్న ఈ సౌత్ సెన్సేషన్.. రేట్ పెంచడంలో ఏమాత్రం తప్పులేదని ట్రేడ్ వర్గాలు సైతం అంగీకరిస్తున్నాయి.