కేవలం కాసుల లెక్కలు మాత్రమే చూసుకునే అగ్ర నిర్మాత దిల్ రాజు.. ఒక బాలీవుడ్ పౌరాణిక చిత్రం చూసి ఎమోషనల్ అయ్యారంటే అందులో కంటెంట్ ఏ స్థాయిలో ఉందో అర్థం చేసుకోవచ్చు. రేపే థియేటర్లలోకి రాబోతున్న 'రామాయణ' సినిమాపై దిల్ రాజు చేసిన సెన్సేషనల్ రివ్యూ ఇప్పుడు సోషల్ మీడియాను షేక్ చేస్తోంది.
[FEATURED_IMAGE]సాయి పల్లవి, రణ్‌బీర్ పరకాయ ప్రవేశం!
డైరెక్టర్ నితీష్ తివారీ అత్యంత భారీ కాన్వాస్‌పై ప్రతిష్టాత్మకంగా చెక్కిన ఈ ఇతిహాస దృశ్య కావ్యం, బిగ్ స్క్రీన్ మీద ఒక విజువల్ వండర్‌గా నిలవనుందని శ్రీ వెంకటేశ్వర క్రియేషన్స్ ఎక్స్ (ట్విట్టర్) ఖాతా ద్వారా దిల్ రాజు వెల్లడించారు. ముఖ్యంగా రాముడిగా రణ్‌బీర్ కపూర్, సీతమ్మగా సాయి పల్లవి కేవలం నటించలేదని.. ఆ పాత్రల్లోకి అచ్చంగా పరకాయ ప్రవేశం చేశారని ఆయన ఆకాశానికెత్తేశారు.
రావణుడిగా యష్ విశ్వరూపం..
అయితే అందరి దృష్టినీ ఆకర్షిస్తున్న అసలు పాయింట్ మరొకటి ఉంది. ఈ సినిమాలో 'రావణాసురుడు'గా రాకింగ్ స్టార్ యష్ విశ్వరూపం చూపించాడని, ఆ పాత్రను ఆయన నెక్స్ట్ లెవెల్‌కు తీసుకెళ్లాడని దిల్ రాజు ఇచ్చిన ఎలివేషన్ నెట్టింట వైరల్ అవుతోంది. ఒక పాన్ ఇండియా స్టార్ హీరో, నెగెటివ్ షేడ్స్ ఉన్న పౌరాణిక పాత్రలో ఎలా అదరగొట్టాడో చూడాలన్న క్యూరియాసిటీ సగటు ప్రేక్షకుడిలో అమాంతం పెరిగిపోయింది.
గూస్‌బంప్స్ తెప్పించే మ్యూజిక్.. రేపే రిలీజ్!
అద్భుతమైన కథాకథనాలకు, కళ్లు చెదిరే విజువల్స్ తోడవ్వడంతో ఈ ఎపిక్ డ్రామాను నిర్మించిన నమిత్ మల్హోత్రా, నితీష్ తివారీలకు దిల్ రాజు హృదయపూర్వక శుభాకాంక్షలు తెలిపారు. వీటన్నింటికీ మించి ఆస్కార్ విజేతలు ఏఆర్ రెహమాన్, హన్స్ జిమ్మర్ అందించిన బ్యాక్‌గ్రౌండ్ స్కోర్ థియేటర్లలో గూస్‌బంప్స్ తెప్పించడం గ్యారెంటీ అని, ఇది లైఫ్‌లో మర్చిపోలేని సినిమాటిక్ ఎక్స్‌పీరియన్స్ అని ఆయన ప్రశంసించారు. "ఇది కేవలం సినిమా కాదు, మన సత్యం, మన చరిత్ర.. రేపటి నుంచి ఈ అద్భుతాన్ని బిగ్ స్క్రీన్‌పై ఫీల్ అవ్వండి" అంటూ దిల్ రాజు చేసిన పోస్ట్ సినిమాకు మైండ్ బ్లోయింగ్ బూస్ట్ ఇచ్చింది.
సాధారణంగా రామాయణం కథ అందరికీ తెలిసిందే కదా అన్న చిన్న నిర్లిప్తత ప్రేక్షకుల్లో ఉంటుంది. కానీ రెహమాన్, హన్స్ జిమ్మర్ లాంటి లెజెండ్స్ మ్యూజిక్, యష్ లాంటి మాస్ హీరో రావణుడిగా చేస్తుండటంతో ఈ పౌరాణికం ఒక కమర్షియల్ విజువల్ వండర్‌గా మారిపోయింది. రేపు విడుదల కాబోతున్న ఈ చిత్రానికి దిల్ రాజు ఇచ్చిన ఈ అడ్వాన్స్ బ్లాక్‌బస్టర్ రివ్యూ.. కచ్చితంగా నార్త్‌తో పాటు సౌత్ బాక్సాఫీస్ దగ్గర కూడా అడ్వాన్స్ బుకింగ్స్ మోత మోగించడం ఖాయం!
