రాజకీయాల్లో ఫుల్ బిజీగా ఉన్న పవన్ కళ్యాణ్, ఇక సినిమాలకు గ్యాప్ ఇచ్చేసినట్లేనా అని అభిమానులు ఆందోళన చెందుతున్న వేళ.. ఫిలింనగర్ నుంచి ఒక మైండ్‌బ్లాక్ అయ్యే న్యూస్ బయటికొచ్చింది. ‘వకీల్ సాబ్’ లాంటి బ్లాక్‌బస్టర్ తర్వాత టాలీవుడ్ అగ్ర నిర్మాత దిల్ రాజు, పవర్ స్టార్ కాంబోలో ఏకంగా ఒక పాన్ ఇండియా యాక్షన్ మూవీ తెరకెక్కబోతోందన్న వార్త ఇప్పుడు ఇండస్ట్రీని కుదిపేస్తోంది. కేవలం తెలుగు రాష్ట్రాలకే పరిమితం కాకుండా, పవన్ క్రేజ్‌ను గ్లోబల్ రేంజ్‌లో వాడుకునేలా దిల్ రాజు వేస్తున్న ఈ మాస్టర్ స్కెచ్ సగటు అభిమానికి పూనకాలు తెప్పిస్తోంది.
[FEATURED_IMAGE]ఫిల్మ్ ఛాంబర్‌లో ‘అర్జున’ టైటిల్!
ఈ భారీ యాక్షన్ ప్రాజెక్ట్ కోసం దిల్ రాజు అప్పుడే ఫిల్మ్ ఛాంబర్‌లో ‘అర్జున’ అనే పవర్‌ఫుల్ టైటిల్‌ను రిజిస్టర్ చేయించినట్లు ఇండస్ట్రీ వర్గాల్లో గట్టిగా వినిపిస్తోంది. మహాభారతంలో లక్ష్య సాధన కోసం పోరాడే యోధుడిలా.. ఈ సినిమాలో హీరో క్యారెక్టరైజేషన్ డిజైన్ చేశారట. పవన్ బాడీ లాంగ్వేజ్‌కు, ఆయన రియల్ లైఫ్ ఫైటింగ్ స్పిరిట్‌కు ఈ టైటిల్ వందశాతం న్యాయం చేస్తుందని మేకర్స్ భావిస్తున్నారు.
డైరెక్టర్ వంశీ పైడిపల్లి.. భారీ బడ్జెట్
అయితే ఈ పాన్ ఇండియా ప్రాజెక్ట్‌ను హ్యాండిల్ చేయబోయేది డైరెక్టర్ వంశీ పైడిపల్లి అని టాక్ నడుస్తోంది. ఇప్పటికే కథకు సంబంధించిన తుది మెరుగులు దిద్దే పనిలో వంశీ బిజీగా ఉన్నట్లు సమాచారం. అన్ని భాషల ఆడియన్స్‌ను కట్టిపడేసేలా.. వందల కోట్ల భారీ బడ్జెట్‌తో దిల్ రాజు ఈ చిత్రాన్ని నిర్మించేందుకు సన్నాహాలు చేస్తున్నారు.
సల్మాన్ ఖాన్ మూవీ పూర్తవ్వగానే..
ప్రస్తుతం బాలీవుడ్ కండల వీరుడు సల్మాన్ ఖాన్‌తో దిల్ రాజు ఒక భారీ చిత్రాన్ని నిర్మిస్తున్న సంగతి తెలిసిందే. ఆ హిందీ ప్రాజెక్ట్ పనులు ముగియగానే, పవన్ కళ్యాణ్ సినిమాను సెట్స్‌పైకి తీసుకెళ్లే ప్లాన్‌లో ఉన్నారట. మరోవైపు పవన్ సైతం తన రాజకీయ షెడ్యూల్స్ నుంచి కాస్త ఫ్రీ అవ్వగానే దీనిపై ఒక క్లారిటీ వచ్చే అవకాశం ఉంది.
మాస్ ఇమేజ్‌కు వంశీ పైడిపల్లి న్యాయం చేస్తాడా?
పవన్ కళ్యాణ్ సినిమా అంటేనే థియేటర్లలో మాస్ జాతర. దానికి 'అర్జున' లాంటి పవర్‌ఫుల్ టైటిల్ పడితే అంచనాలు ఆకాశాన్ని దాటేస్తాయి. అయితే ఇక్కడే ఒక పెద్ద ప్రశ్న ఉంది. ఎమోషనల్ ఫ్యామిలీ డ్రామాలు తీసే వంశీ పైడిపల్లి.. పవన్ రేంజ్ యాక్షన్, మాస్ ఎలివేషన్స్‌ను డీల్ చేయగలడా? ఒకవేళ వంశీ తన పంథా మార్చుకుని పక్కా యాక్షన్ మోడ్‌లోకి వస్తే మాత్రం.. దిల్ రాజు బ్యానర్‌లో పవన్‌కు ఇది నెవర్ బిఫోర్ కమర్షియల్ హిట్ అవ్వడం ఖాయం. పాలిటిక్స్ గ్యాప్‌లో పవర్ స్టార్ ఈ 'అర్జున'కు ఎప్పుడు గ్రీన్ సిగ్నల్ ఇస్తాడో చూడాలి!
