విదేశాల్లో చదువుకుని లైఫ్‌లో సెటిల్ అవ్వాలని ప్రతి మిడిల్ క్లాస్ కుర్రాడు కలలు కంటాడు. కానీ, ఆ కలను నిజం చేసుకునే షార్ట్ కట్ రూట్‌లో వెళ్తే ఎదురయ్యే ఊహించని పరిణామాలు ఎలా ఉంటాయి? బస్తీ కుర్రాళ్లు ఏకంగా శ్రీలంక ఇంటర్నేషనల్ గ్యాంబ్లింగ్ మాఫియాలో చిక్కుకుంటే ఏం జరుగుతుందో చూపిస్తూ వస్తున్న తాజా సినిమానే 'పాకెట్ రాకెట్స్'. మెగా డాటర్ నిహారిక కొణిదెల నిర్మిస్తున్న ఈ డార్క్ అండ్ గ్యాంబ్లింగ్ డ్రామా తాలూకు ఫస్ట్ లుక్ టీజర్ ఇప్పుడు యూత్‌ను విపరీతంగా ఆకట్టుకుంటోంది.
[FEATURED_IMAGE]బస్తీ కుర్రాళ్లు.. శ్రీలంకలో గ్యాంబ్లింగ్!
చదువు, బతుకుదెరువు కోసం అహర్నిశలు కష్టపడే ఇద్దరు అమాయక బస్తీ కుర్రాళ్ల జీవితం చుట్టూ ఈ కథ తిరుగుతుంది. ఊహించని విధంగా వారు శ్రీలంక వెళ్లి ఇంటర్నేషనల్ జూదం ఊబిలో కూరుకుపోతారు. విదేశాల్లో పైచదువులు చదవాలనే లక్ష్యంతో వాళ్లు ఎంచుకున్న ఈ ప్రమాదకరమైన మార్గం, వారి లైఫ్‌ను ఎలాంటి మలుపులు తిప్పిందనేది ఈ సినిమా మెయిన్ పాయింట్.
ఆ అందమైన అమ్మాయి వెనుక మిస్టరీ?
పూట గడవడానికే నానా అవస్థలు పడే ఆ యువకుల జీవితాల్లోకి ఒక అందమైన అమ్మాయి (శ్రియా కొంతం) ఎంట్రీ ఇస్తుంది. ఆమె పక్కా ప్లాన్ ప్రకారం వాళ్లిద్దరినీ శ్రీలంక పంపించడం కథలో బిగ్గెస్ట్ ట్విస్ట్. అసలు ఆ అమ్మాయి ఆడిన గేమ్ ఏంటి? అక్కడి గ్యాంబ్లింగ్ మాఫియాలో అత్యంత కీలక పాత్ర పోషిస్తున్న జేడీ చక్రవర్తితో వీరు ఎలా డీల్ చేశారనేది థియేటర్లలోనే చూడాలి.
డైలాగ్స్ అండ్ టెక్నికల్ బ్రిలియన్స్
తాజాగా విడుదలైన 'ది ఫస్ట్ హ్యాండ్' టీజర్‌లో శ్రీలంక ప్రకృతి అందాలతో పాటు డైలాగ్స్ ఆకట్టుకుంటున్నాయి. "కల కంటే రియాలిటీనే ఫస్ట్ టైమ్ బావుంది" అనే డైలాగ్‌తో పాటు, "డోంట్ టాక్ టు మీ తెలుగు లైక్ లోక‌ల్ బస్తీ గ‌య్స్‌" అంటూ వచ్చే కౌంటర్లు వాళ్ల క్యారెక్టరైజేషన్‌ను ఎలివేట్ చేశాయి. గ్యానీ అందించిన బ్యాక్‌గ్రౌండ్ స్కోర్, ఎదురోలు రాజు కెమెరా వర్క్ టీజర్‌ను మరింత గ్రిప్పింగ్‌గా మార్చేశాయి.
'కమిటీ కుర్రాడు' మళ్లీ వస్తున్నాడు!
'కమిటీ కుర్రోళ్ళు' చిత్రంతో ఆకట్టుకున్న త్రినాథ్ వర్మ, నూతన నటుడు నిర్మల్ ఇందులో హీరోలుగా నటిస్తున్నారు. రుద్ర అత్రి దర్శకత్వంలో 'పింక్ ఎలిఫెంట్ పిక్చర్స్', 'మాగ్జిమం సిటీ స్టూడియోస్' బ్యానర్లపై నిహారిక ఈ చిత్రాన్ని నిర్మిస్తున్నారు. పద్మజ కొణిదెల, రాహుల్ రాఘవేంద్ర, రాహుల్ నిమ్మకూరి సహ నిర్మాతలుగా వ్యవహరిస్తున్నారు.
కేవలం పల్లెటూరి కథలకే పరిమితం కాకుండా, నిహారిక కొణిదెల తన బ్యానర్‌పై ఇలాంటి డార్క్ అండ్ గ్యాంబ్లింగ్ డ్రామాను ఎంచుకోవడం నిజంగా సాహసమే. శ్రీనివాస్ అవసరాల, కిరీటి దామరాజు లాంటి టాలెంటెడ్ యాక్టర్స్‌తో పాటు జేడీ చక్రవర్తి లాంటి సీనియర్ నటుడు మాఫియా డాన్‌గా కనిపించడం ఈ సినిమాకు అతిపెద్ద ప్లస్ పాయింట్. శరవేగంగా పోస్ట్ ప్రొడక్షన్ పనులు జరుపుకుంటున్న ఈ 'పాకెట్ రాకెట్స్'.. త్వరలోనే థియేటర్లలోకి వచ్చి యూత్‌ను థ్రిల్ చేయడం గ్యారెంటీ!
