కొత్త జేమ్స్ బాండ్గా హాలీవుడ్ స్టార్ రాబర్ట్ ప్యాటిన్సన్ ఎంపిక కావడంపై బ్రాడ్ పిట్, రాల్ఫ్ ఫియన్నెస్, మాజీ బాండ్ హీరో జార్జ్ లాజెన్బీ ఆసక్తికరంగా స్పందించారు. ప్యాటిన్సన్ అద్భుతమైన ఎంపిక అని ప్రశంసించిన బ్రాడ్ పిట్, ‘బాండ్ 26’లో తనకు విలన్ పాత్ర ఇవ్వాలంటూ దర్శకుడు డెనిస్ విల్లెన్యూవ్కు సరదాగా ఆఫర్ విసిరారు. మరోవైపు అధికారిక ప్రకటనకు కేవలం 24 గంటల ముందే విల్లెన్యూవ్ ఫోన్ చేసి ప్యాటిన్సన్కు ఈ శుభవార్త చెప్పినట్లు తెలుస్తోంది.
[FEATURED_IMAGE]
ఐకానిక్ స్పై ఫ్రాంచైజీ ‘జేమ్స్ బాండ్’ తదుపరి హీరోగా హాలీవుడ్ నటుడు రాబర్ట్ ప్యాటిన్సన్ అధికారికంగా ఎంపికైనప్పటి నుంచి హాలీవుడ్ వర్గాల్లో సందడి నెలకొంది. తాజాగా ఈ ఎంపికపై అగ్ర నటుడు బ్రాడ్ పిట్, ‘బాండ్’ చిత్రాల్లో ఎమ్ (M) పాత్ర పోషించిన రాల్ఫ్ ఫియన్నెస్, అలాగే 1969లో జేమ్స్ బాండ్గా నటించిన జార్జ్ లాజెన్బీ తమ స్పందనలను తెలియజేశారు. తన కొత్త చిత్రం ‘ది ఫర్దర్ మిస్-అడ్వెంచర్స్ ఆఫ్ క్లిఫ్ బూత్’ ప్రమోషన్లలో ఉన్న బ్రాడ్ పిట్, రాబర్ట్ ప్యాటిన్సన్ ఎంపికను అద్భుతమైన నిర్ణయంగా అభివర్ణించారు.
‘బాండ్ 26’లో విలన్ రోల్ అడిగిన బ్రాడ్ పిట్.. డేనియల్ క్రెయిగ్ను మర్చిపోలేకపోతున్న రాల్ఫ్!
రాబర్ట్ ప్యాటిన్సన్ ఇటీవల ఎంచుకుంటున్న వైవిధ్యమైన పాత్రలు తనకు ఎంతో నచ్చాయని, ఇప్పుడు జేమ్స్ బాండ్ లాంటి కమర్షియల్ పాత్రతో బ్యాలెన్స్ చేయడం చాలా కూల్గా ఉందని బ్రాడ్ పిట్ ప్రశంసించారు. అంతేకాకుండా కెమెరా వైపు కన్నుగీటుతూ.. ‘‘వెంటనే డెనిస్ విల్లెన్యూవ్కు ఫోన్ కలపండి, నేను విలన్ పాత్రకు రెడీ’’ అంటూ ‘బాండ్ 26’లో విలన్ రోల్ కోసం సరదాగా పిచ్ చేశారు.
Also Read కొత్త జేమ్స్ బాండ్గా రాబర్ట్ ప్యాటిన్సన్ ఫిక్స్! ‘బాండ్ 26’ రిలీజ్ ఎప్పుడంటే? ➔మరోవైపు ‘ది హంగర్ గేమ్స్: సన్రైజ్ ఆన్ ది రీపింగ్’ ఇంటర్వ్యూలో పాల్గొన్న సీనియర్ నటుడు రాల్ఫ్ ఫియన్నెస్ కాస్త ఎమోషనల్గా స్పందించారు. గతంలో ‘స్కైఫాల్’, ‘స్పెక్టర్’, ‘నో టైమ్ టు డై’ చిత్రాల్లో డేనియల్ క్రెయిగ్తో కలిసి పనిచేసిన ఆయన.. ‘‘క్షమించండి, నేను ఇంకా డేనియల్ క్రెయిగ్ ప్రేమలోనే ఉన్నాను, ఆ బాధ ఇంకా మనసులోనే ఉంది’’ అని అన్నారు. అయితే రాబర్ట్ ప్యాటిన్సన్ గొప్ప నటుడని, ఆయన కచ్చితంగా బాండ్ పాత్రకు న్యాయం చేస్తారని విశ్వాసం వ్యక్తం చేశారు. ఇక 1969లో ‘ఆన్ హర్ మెజెస్టీస్ సీక్రెట్ సర్వీస్’ చిత్రంలో బాండ్గా నటించిన జార్జ్ లాజెన్బీ, ప్రపంచంలోనే అత్యంత ప్రత్యేకమైన క్లబ్లోకి స్వాగతం అంటూ తన సినిమాలోని పాత డైలాగ్ను గుర్తుచేస్తూ ప్యాటిన్సన్కు శుభాకాంక్షలు తెలిపారు.
24 గంటల ముందే ప్యాటిన్సన్కు ఫోన్ కాల్.. విల్లెన్యూవ్ ఏమన్నారంటే?
అంతర్జాతీయ మీడియా కథనాల ప్రకారం, అధికారిక ప్రకటన వెలువడటానికి కేవలం 24 గంటల ముందే దర్శకుడు డెనిస్ విల్లెన్యూవ్ స్వయంగా ఫోన్ చేసి రాబర్ట్ ప్యాటిన్సన్కు ఈ విషయం చెప్పారట. చిత్ర నిర్మాతలు అమీ పాస్కల్, డేవిడ్ హేమన్ కలిసి తుది రేసులో ఉన్న మరో నలుగురు నటులకు ఫోన్ చేసి విషయం వివరించారు. ఎంతోమంది ప్రతిభావంతులు ఆడిషన్లలో పాల్గొన్నప్పటికీ, 007 ఆత్మతో పాటు సరికొత్త ఉత్సాహాన్ని తీసుకురాగల సత్తా ప్యాటిన్సన్లో ఉందని డెనిస్ విల్లెన్యూవ్ ఒక ప్రకటనలో పేర్కొన్నారు. ఇక సోషల్ మీడియాలో ఈ ప్రకటన వెలువడిన సమయంలో ప్యాటిన్సన్ తన ‘ది లైట్హౌస్’ దర్శకుడు రాబర్ట్ ఎగ్గర్స్ కొత్త చిత్రం ‘వెర్వుల్ఫ్’ స్క్రీనింగ్లో ఉన్నారని, ఆయన ఎంపికపై తనకు ఏమాత్రం ఆశ్చర్యం కలగలేదని ఎగ్గర్స్ తెలిపారు.

