పవన్ కళ్యాణ్ మాజీ భార్య, నటి రేణు దేశాయ్ రెండో పెళ్లి ఎప్పుడూ చర్చనీయాంశంగానే ఉంటుంది. పవన్‌తో విడిపోయిన తర్వాత, రేణు దేశాయ్ తన పిల్లలు అకీరా నందన్ మరియు ఆద్యలతో కలిసి ఒంటరిగా జీవిస్తున్నారు. ఇటీవల ఇచ్చిన ఓ ఇంటర్వ్యూలో ఆమె తన రెండో పెళ్లిపై క్లారిటీ ఇచ్చారు. ఇప్పటివరకు ఎందుకు పెళ్లి కాలేదో, అలాగే పెళ్లి ఎప్పుడవుతుందో స్పష్టంగా వెల్లడించారు.
రెండో పెళ్లికి సిద్ధం: మరికొన్ని ఏళ్ళు ఆగాలి!
ఒక ఇంటర్వ్యూలో రేణు దేశాయ్ మాట్లాడుతూ, రెండో పెళ్లి చేసుకోవడానికి తాను పూర్తిగా సిద్ధంగా ఉన్నానని, అయితే మరికొన్ని సంవత్సరాలు వేచి ఉండాలని నిర్ణయించుకున్నానని చెప్పారు. "రెండు, మూడేళ్లలో పెళ్లి చేసుకుంటా. నా జీవితంలో కూడా ఓ వివాహ జీవితం ఉండాలని, ప్రేమ ఉండాలని కోరుకుంటున్నాను. అందుకే మళ్లీ పెళ్లి చేసుకోవాలని నిర్ణయించుకున్నాను" అని ఆమె స్పష్టం చేశారు.
పిల్లల కోసమే ఆలస్యం: రేణు దేశాయ్ భావోద్వేగం
"పిల్లల కోసమే ఇప్పటివరకు పెళ్లి చేసుకోలేదు. నన్ను మళ్లీ పెళ్లి చేసుకోవాలని కుటుంబం నుంచి ఒత్తిడి వచ్చినా, అప్పట్లో పిల్లలు చిన్నవారు కావడంతో వాళ్లను వదిలి కొత్త జీవితం ప్రారంభించడం సరైంది కాదనిపించింది. వాళ్లకి తండ్రి దూరంగా ఉన్నాడు. నేనూ దూరమైతే వాళ్లు ఒంటరితనంతో బాధపడతారు అనిపించింది" అని రేణు భావోద్వేగంగా వివరించారు.
పిల్లల నుండి ప్రోత్సాహం
అకీరా, ఆద్య కూడా తనను పెళ్లి చేసుకోమని చెబుతున్నారని రేణు సంతోషం వ్యక్తం చేశారు. "నా పెళ్లి గురించి పిల్లలు చాలా పాజిటివ్‌గా ఉన్నారు. మమ్మీ, నువ్వు ఎవరితో సంతోషంగా ఉంటావో వాళ్లని పెళ్లి చేసుకో అని చెప్పడం నాకు ధైర్యం ఇచ్చింది. వాళ్లే నన్ను పెళ్లి చేసుకోమని ప్రోత్సహిస్తున్నారు" అని రేణు పేర్కొన్నారు.
స్వేచ్ఛా జీవితం కోసం ఎదురుచూపు
"మరికొన్ని సంవత్సరాల తర్వాత మాత్రమే నాకు పూర్తిగా స్వేచ్ఛ వస్తుంది. అప్పుడు నా జీవితాన్ని కొత్తగా మొదలు పెట్టాలని భావిస్తున్నాను. పిల్లలు కాలేజీకి వెళ్తే వాళ్లకి కొత్త ప్రపంచం ప్రారంభమవుతుంది. అప్పుడు అంతగా తల్లిదండ్రులపై ఆధారపడరు. అప్పుడు నేను కూడా నా జీవితాన్ని ఆనందించగలుగుతాను" అని రేణు దేశాయ్ చెప్పుకొచ్చారు.
కాగా, రేణు దేశాయ్ పవన్ కళ్యాణ్‌తో 'బద్రి' సినిమాలో కలిసి నటించినప్పుడు ప్రేమలో పడ్డారు. కొంతకాలం సహజీవనం చేసిన తర్వాత పెళ్లి చేసుకున్నారు.
