సూపర్‌స్టార్ మహేష్ బాబు మరియు దర్శక ధీరుడు ఎస్.ఎస్. రాజమౌళి కాంబినేషన్‌లో రూపొందుతున్న ప్రతిష్టాత్మక ప్రాజెక్ట్ SSMB29పై సినీ అభిమానులలోనే కాక, పరిశ్రమ వర్గాల్లో కూడా భారీ స్థాయిలో ఆసక్తి ఏర్పడింది. ఇప్పటివరకు సినిమాకు సంబంధించిన అధికారిక అప్‌డేట్‌లు తక్కువగానే వచ్చినప్పటికీ, అప్పుడప్పుడు లీకులు, పుకార్ల రూపంలో వస్తున్న సమాచారం మాత్రం అంచనాలను అమాంతం పెంచేస్తోంది. ఇన్‌సైడ్ టాక్ ప్రకారం, ప్రస్తుతం రాజమౌళి ఈ సినిమాకు సంబంధించిన కీలక సన్నివేశాలను చిత్రీకరించే పనిలో నిమగ్నమై ఉన్నారని తెలుస్తోంది.
హాలీవుడ్ స్థాయి నిర్మాణంతో జక్కన్న పర్ఫెక్షన్
హాలీవుడ్ స్థాయి విజువల్స్‌తో, పాన్-వరల్డ్ రేంజ్‌లో రూపొందుతున్న ఈ సినిమాలోని ప్రతి ఒక్క సీన్ పరిపూర్ణంగా ఉండాలనే లక్ష్యంతో జక్కన్న పని చేస్తున్నారట. ఇక హీరో మహేష్ బాబు కూడా తన కొత్త లుక్ కోసం తీవ్రంగా వర్కవుట్‌లు చేస్తున్నారు. ఈ సినిమాలో కీలకమైన డ్యాన్స్ సీక్వెన్స్ ఉంటుందని, దానికోసం మహేష్ ఇప్పటికే రిహార్సల్స్ ప్రారంభించినట్టు సమాచారం. రాజమౌళి సినిమాలో ఇది మహేష్‌కు ఒక సవాలుగా మారనుందని చెబుతున్నారు.
భారీ బడ్జెట్, హాలీవుడ్ టెక్నీషియన్స్
SSMB29 కోసం సుమారు వెయ్యి కోట్ల బడ్జెట్‌ను కేటాయించినట్టు సమాచారం. ఈ ప్రాజెక్ట్‌లో హాలీవుడ్ టెక్నీషియన్లు‌తో పాటు విదేశీ నటులు కూడా పాల్గొననున్నారని తెలుస్తోంది.
అడ్వెంచర్ థ్రిల్లర్ నేపథ్యంలో తెరకెక్కుతున్న ఈ సినిమాకు ఎక్కువ భాగం అడవిలోనే షూట్ చేయనున్నారు. మొదట షెడ్యూల్‌ను కెన్యాలో ప్లాన్ చేసినప్పటికీ, అక్కడ భద్రతా అంశాలు కారణంగా రద్దు చేసినట్టు తెలుస్తోంది.
మహేష్ బర్త్‌డేకి ఫస్ట్ గ్లింప్స్?
మహేష్ బాబు పుట్టినరోజు సందర్భంగా ఆగస్టు 9న ఈ ప్రాజెక్ట్‌కి సంబంధించిన ఫస్ట్ గ్లింప్స్ విడుదల చేయనున్నారన్న వార్త ప్రస్తుతం సోషల్ మీడియాలో చక్కర్లు కొడుతోంది. ఇది అధికారికంగా ఖరారు కాకపోయినా, అభిమానుల్లో భారీ అంచనాలను పెంచుతుంది. గ్లోబల్ స్టాండర్డ్స్‌తో రూపొందుతున్న SSMB29పై ప్రేక్షకుల ఆసక్తి రోజు రోజుకీ పెరుగుతోంది.
ఇది సాధారణ తెలుగు సినిమా కాదని, హాలీవుడ్ సినిమా స్థాయిలో ఉంటుందని సినీ వర్గాల్లో ముచ్చటించుకుంటున్నారు.
