ప్రేమించి పెళ్లి చేసుకున్నందుకు ఇంత దారుణమైన శిక్షా? వారిద్దరి మెడలో చెప్పుల దండలు వేసి, ముఖానికి నలుపు పూసి ఊరేగించారు!
సాధారణంగా వేరే కులం వారిని పెళ్లి చేసుకుంటే హత్య చేయడం, విడదీయడం చూస్తుంటాం. కానీ ఝార్ఖండ్‌లో ఓ గ్రామ పెద్దలు అంతకుమించిన అమానుషానికి పాల్పడ్డారు.
ఝార్ఖండ్‌లో అమానుషం
పూర్తి వివరాల్లోకి వెళితే.. ఝార్ఖండ్‌లోని ఓ గ్రామంలో, ఇంటర్ కాస్ట్ మ్యారేజ్ చేసుకున్న ఓ ప్రేమ జంటను గ్రామ పెద్దలు దారుణంగా అవమానించారు. ప్రేమించిన పాపానికి ఆ జంటకు చెప్పుల దండలు మెడలో వేసి, రోడ్లపై ఊరేగించారు. ఇది ఏదో ఘనకార్యం చేసినట్లు, ఈ తతంగాన్నంతా వీడియో తీసి సోషల్ మీడియాలో పెట్టారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
పెళ్లి చేసి.. ముఖానికి నలుపు పూసి..
విచిత్రం ఏమిటంటే, మొదట పంచాయితీ నిర్ణయం ప్రకారం గ్రామ పెద్దలే వారికి పెళ్లి చేశారు. కానీ, ఆ వెంటనే ఇద్దరి ముఖానికి నల్లటి రంగు పూశారు. ఆ తర్వాత, ఇద్దరి మెడలో చెప్పుల దండలు వేసి గ్రామంలో ఊరేగించారు. ఈ ఘటనను చూస్తూ కొందరు ఆనందించడం, వీడియో తీయడం మరింత దారుణం.
మనుషులా.. మృగాలా? నెటిజన్ల ఆగ్రహం
ఈ వీడియో చూసిన నెటిజన్లు తీవ్ర ఆగ్రహం వ్యక్తం చేస్తున్నారు. "వాళ్లు మనుషులా.. మృగాలా?" అంటూ కామెంట్లు పెడుతున్నారు. కుల, మత పిచ్చి గురించి ప్రస్తావిస్తున్నారు.
"ఇది ప్రేమ తిరుగుబాటు.. అవమానం కాదు గౌరవం. ఇది ప్రేమికుల ఓటమి కాదు, సమాజం వైఫల్యం" అని ఒకరు కామెంట్ చేశారు. "అరేంజ్డ్ మ్యారేజ్‌లో ఎన్ని బంధాలనైనా ఒప్పుకుంటారు, కానీ విశ్వసనీయ ప్రేమ మాత్రం శిక్షించబడుతుంది", "సమాజం ప్రేమను తప్ప అన్నింటిని అంగీకరిస్తుంది.. ఇలాంటి వారిని జైలులో పెట్టాలి" అంటూ నెటిజన్లు తీవ్రంగా స్పందిస్తున్నారు.
ప్రేమించుకోవడం, పెళ్లి చేసుకోవడం రాజ్యాంగం ఇచ్చిన హక్కు అని తెలిసినా, కొందరు గ్రామ పెద్దలు ఇంకా ఇలాంటి అనాగరిక శిక్షలు విధించడం సమాజం సిగ్గుపడాల్సిన విషయం.
🔥 प्रेम का विद्रोह: यह अपमान नहीं, सम्मान है! 🔥जब समाज प्रेम को स्वीकार करने के बजाय उसे जूतों की माला पहनाकर अपमानित करता है, तो यह केवल प्रेमियों की नहीं, बल्कि समाज की ही हार होती है।समाज की रूढ़िवादिता: ये जूतों की माला समाज की उस सड़ी-गली सोच का प्रतीक है,,👇 pic.twitter.com/SdwpGHO3eA
— Neer (@neeridresi) November 9, 2025
