"ఒక దెబ్బ కొట్టాక గ్యాప్ ఇవ్వాలి.. ఆడియన్స్‌కు ఫీల్ రావాలి." 35 ఏళ్లైనా 'శివ' ఫైట్స్ గురించి ఎందుకు మాట్లాడుకుంటున్నామో RGV చెప్పిన అసలు సీక్రెట్ ఇదే!
దెబ్బ కొట్టడంలో కాదు.. తిన్నవాడి రియాక్షన్‌లో ఉంటుంది!
'శివ' 4K రీ-రిలీజ్ (నవంబర్ 14) ప్రమోషన్లలో నాగార్జునతో కలిసి పాల్గొన్న వర్మ, ఆ సినిమా యాక్షన్ సీక్వెన్సుల గురించి లోతైన విషయాలు పంచుకున్నారు. "ఒక దెబ్బ తాలూకు అసలైన ఇంపాక్ట్ కొట్టడంలో ఉండదు, ఆ దెబ్బ తిన్నవాడి రియాక్షన్‌లో ఉంటుంది. 'శివ'లో మేము ఆ టైమ్ తీసుకున్నాం," అని వర్మ అన్నారు.
ఆ 'పాజ్' ఎందుకంటే..
ఆ గ్యాప్ ప్రాముఖ్యతను వివరిస్తూ, "నాగార్జున ఒకరిని కొట్టిన తర్వాత, వాడు కిందపడి ఆ పెయిన్‌ను అనుభవించడం.. ఆ 'పాజ్' (ఆగడం) అనేది చాలా ఇంపార్టెంట్. ఆ పాజ్ ఇవ్వడం వల్లే, ఆడియన్స్‌కు, ఏం దెబ్బ అది!' అని రియాక్ట్ అవ్వడానికి టైమ్ దొరుకుతుంది," అని వర్మ తన మార్క్ అనాలిసిస్ ఇచ్చారు.
ఇప్పటి ఫైట్స్.. అన్నీ స్లో మోషన్ స్టంట్స్‌!
ఇప్పటి ఫైట్లపై వర్మ సెటైరికల్‌గా స్పందించారు. "ప్రేక్షకులకు ఆ రియాక్ట్ అయ్యే టైమ్ ఇవ్వకుండా, వరసగా పంచ్‌లు, స్లో మోషన్ షాట్లు వేసుకుంటూ వెళ్తే.. దాన్ని స్టంట్ అంటారేమో. రియల్ టైమ్‌లో ఫైట్ అలా జరగదు. నిజంగా ఒక్క పంచ్ గట్టిగా ఇస్తే, ఒక్క దెబ్బకే పడిపోతారు," అని అన్నారు.
'శివ' సక్సెస్ సీక్రెట్ అదే!
"అప్పట్లో థియేటర్లలో ఉన్న ఆడియన్స్‌కు 'శివ' ఫైట్స్ చూసినప్పుడు, 'ఆ.. నిజంగా ఫైట్ జరిగితే ఇలాగే ఉంటుంది కదా' అని కనెక్ట్ అయ్యారు. ప్రతీ పంచ్‌కు వర్మ ఇచ్చిన ఆ 'రియాక్షన్ టైమ్'.. ఆడియన్స్‌ను క్యారెక్టర్‌తో పాటు ట్రావెల్ చేయించింది. అందుకే 35 ఏళ్ల తర్వాత కూడా ఆ ఫైట్స్ గురించి మాట్లాడుకుంటున్నారు," అని వర్మ ముగించారు.
మొత్తం మీద, 'శివ' రీ-రిలీజ్‌తో నేటితరం ప్రేక్షకులు ఈ 'రా' యాక్షన్‌కు ఎంతవరకు కనెక్ట్ అవుతారో చూడాలి.
'శివ'లో మీ ఫేవరెట్ ఫైట్ సీన్ ఏది? కామెంట్స్‌లో పంచుకోండి!
మరిన్ని ఇలాంటి ఆసక్తికరమైన సినీ వార్తల కోసం, మా వెబ్‌సైట్ telugu13.com ను ఫాలో అవ్వండి.
