ప్రపంచ క్రికెట్లో భారత బ్యాటర్ల హవా నడుస్తోంది! వన్డే ర్యాంకింగ్స్లో రోహిత్, కోహ్లీ అగ్రస్థానాల్లో నిలిచి ఫ్యాన్స్కు డబుల్ ధమాకా ఇచ్చారు. టాప్-5లో మనోళ్ల ఆధిపత్యం చూస్తే గర్వంగా అనిపిస్తుంది.
ఐసీసీ తాజాగా విడుదల చేసిన వన్డే ర్యాంకింగ్స్లో టీమిండియా స్టార్ల జాతర సాగింది. బ్యాటింగ్ విభాగంలో భారత దిగ్గజాలు రోహిత్ శర్మ, విరాట్ కోహ్లీ మొదటి రెండు స్థానాలను కైవసం చేసుకుని, వన్డే ఫార్మాట్లో తమకు తిరుగులేదని నిరూపించారు.
రోహిత్ నం.1.. కోహ్లీ నం.2
ఆస్ట్రేలియా సిరీస్ తర్వాత కెరీర్లో తొలిసారి నంబర్ వన్ పీఠాన్ని అధిష్టించిన హిట్ మ్యాన్ రోహిత్ శర్మ, తన అగ్రస్థానాన్ని పదిలపరుచుకున్నాడు. మరోవైపు, రన్ మెషిన్ విరాట్ కోహ్లీ తన పూర్వ వైభవాన్ని చాటుతూ రెండో స్థానానికి దూసుకొచ్చాడు.
కోహ్లీ విశ్వరూపం: ఇటీవల దక్షిణాఫ్రికాతో జరిగిన మూడు మ్యాచ్ల వన్డే సిరీస్లో కోహ్లీ ఏకంగా 302 పరుగులు సాధించాడు. ఈ అద్భుత ప్రదర్శనతో రెండు స్థానాలు ఎగబాకి, రోహిత్ తర్వాతి స్థానంలో నిలిచాడు.
టాప్-5లో ముగ్గురు మనోళ్లే!
సీనియర్లే కాదు, జూనియర్లు కూడా ర్యాంకింగ్స్లో సత్తా చాటుతున్నారు. భారత వన్డే జట్టు కెప్టెన్ శుభ్మన్ గిల్ ఐదో స్థానంలో కొనసాగుతున్నాడు. దీంతో ఐసీసీ బ్యాటింగ్ ర్యాంకింగ్స్ టాప్-5లో ఏకంగా ముగ్గురు భారత బ్యాటర్లు ఉండటం విశేషం. ప్రపంచ క్రికెట్లో భారత బ్యాటింగ్ లైనప్ ఎంత పటిష్టంగా ఉందో చెప్పడానికి ఇదే నిదర్శనం.
Latest ODI rankings are out now and #RoKo are the Top 2 in the World Cricket.
— Cricket Movie (@DurgeshUpdates) December 10, 2025
Rohit Sharma at No.1 and Virat Kohli moved to No.2 after his dream run in the recent South Africa series.
This rankings are clear message to Gambhir and Agarkar to not think much.#ICCRankings pic.twitter.com/wz7iBqbpQN
