Amaravati Quantum Valley: రేపే శంకుస్థాపన.. చరిత్ర సృష్టించనున్న బాబు! 133 క్యూబిట్ కంప్యూటర్ రాక
ఐటీ విప్లవానికి 'సిలికాన్ వ్యాలీ' ఎలాగైతే కేరాఫ్ అడ్రస్ గా మారిందో.. రేపు క్వాంటం టెక్నాలజీకి 'అమరావతి' గ్లోబల్ హబ్ గా మారబోతోంది. ఏపీ చరిత్రలో శనివారం (రేపు) ఒక సువర్ణాధ్యాయం లిఖించబడనుంది. ప్రపంచాన్ని శాసించే భవిష్యత్ టెక్నాలజీకి మన రాజధాని వేదిక కానుంది. ముఖ్యమంత్రి చంద్రబాబు నాయుడు మరోసారి తన విజన్ తో ఏపీని ప్రపంచ పటంలో నిలిపేందుకు సిద్ధమయ్యారు. రేపు జరగబోయే Amaravati Quantum Valley శంకుస్థాపన విశేషాలు ఏంటి? దీనివల్ల సామాన్యుడికి ఏం లాభం?
ఉద్దండరాయునిపాలెంలో టెక్నాలజీ పండగ
తుళ్లూరు మండలం ఉద్దండరాయునిపాలెంలో కేటాయించిన 50 ఎకరాల సువిశాల విస్తీర్ణంలో ఈ అద్భుతం ఆవిష్కృతం కానుంది. శనివారం మధ్యాహ్నం 3 గంటలకు సీఎం చంద్రబాబు, కేంద్ర మంత్రి జితేంద్ర సింగ్ చేతుల మీదుగా ఈ భవన నిర్మాణానికి పునాదిరాయి పడనుంది. ఈ కార్యక్రమం కోసం సీఎం మధ్యాహ్నం 2:45 గంటలకు బయలుదేరి, సాయంత్రం 6 గంటల వరకు అక్కడే గడపనున్నారు. అనంతరం బహిరంగ సభలో భవిష్యత్ ప్రణాళికను వివరించనున్నారు.
దేశంలోనే ఫస్ట్.. 133 క్యూబిట్ కంప్యూటర్!
ఇది కేవలం ఒక భవనం కాదు.. దేశానికే గర్వకారణం. భారతదేశపు మొట్టమొదటి 133 క్యూబిట్ క్వాంటం కంప్యూటర్ను అమరావతికి తీసుకురావడమే ఈ ప్రాజెక్టు హైలైట్. ఇందుకోసం ఐబీఎం (IBM), టీసీఎస్ (TCS), ఎల్ అండ్ టి (L&T) వంటి దిగ్గజ సంస్థలు చేతులు కలిపాయి. ఆర్టిఫిషియల్ ఇంటెలిజెన్స్, సైబర్ సెక్యూరిటీ, డిఫెన్స్ వంటి రంగాల్లో ఇది గేమ్ ఛేంజర్ గా మారనుంది.
సామాన్యుడికి ఏం లాభం?
క్వాంటం టెక్నాలజీ అంటే కేవలం సైంటిస్టులకే అనుకుంటే పొరపాటే. దీనివల్ల మన జీవితాల్లో భారీ మార్పులు వస్తాయి:
వ్యవసాయం: వాతావరణం, వర్షపాతాన్ని పిన్-పాయింట్ అక్యూరసీతో అంచనా వేయొచ్చు. రైతులకు ఇది వరం.
హెల్త్: కొత్త మందుల తయారీ స్పీడ్ అవుతుంది. క్యాన్సర్ వంటి వ్యాధులను త్వరగా గుర్తించవచ్చు.
బ్యాంకింగ్: మీ డబ్బుకు హై-సెక్యూరిటీ ఉంటుంది. డిజిటల్ మోసాలకు చెక్ పెట్టొచ్చు.
డిసెంబర్ కల్లా రెడీ!
ప్రభుత్వం పెట్టుకున్న టార్గెట్స్ చూస్తే వావ్ అనాల్సిందే. ఈ ఏడాది ఆగస్టు నాటికే భవన నిర్మాణం పూర్తి చేసి, డిసెంబర్ కల్లా క్వాంటం కంప్యూటర్ను అందుబాటులోకి తీసుకురావాలని లక్ష్యంగా పెట్టుకున్నారు. స్టార్టప్ లకు, యువతకు ఉపాధి కల్పించడమే ధ్యేయంగా ఈ వ్యాలీ రూపుదిద్దుకుంటోంది.
బాబు విజన్.. అమరావతికి కొత్త మిషన్!
రేపు పడేది పునాదిరాయి మాత్రమే కాదు.. అది ఏపీ యువత భవిష్యత్తుకు బంగారు బాట. క్వాంటం విప్లవానికి అమరావతి కేరాఫ్ అడ్రస్ కాబోతోంది.
