ఉదయాన్నే లేవగానే "గ్యాస్ సిలిండర్ల కొరత రాబోతోంది, వెంటనే బుక్ చేసుకోండి" అని వాట్సాప్లో వచ్చే ఫేక్ మెసేజ్లు చూసి టెన్షన్ పడుతున్నారా? పశ్చిమాసియాలో యుద్ధం జరుగుతున్న మాట వాస్తవమే కావడంతో, రేపు మన నగరాల్లో వంట గ్యాస్ దొరుకుతుందో లేదో అన్న భయం సామాన్యుల్లో మొదలైంది. అయితే, ఆందోళన చెందాల్సిన అవసరం లేదని, దేశంలో గ్యాస్ కొరత లేనే లేదని కేంద్ర ప్రభుత్వం స్పష్టం చేసింది. అసలు దేశంలో ఎల్పీజీ (LPG) నిల్వల పరిస్థితి ఏంటి? కొరత రాకుండా ఉండేందుకు, బ్లాక్ మార్కెట్ జరగకుండా ప్రభుత్వం వేసిన కొత్త స్కెచ్ ఏంటో ఇప్పుడు తెలుసుకుందాం.
వదంతులు నమ్మొద్దు.. 10 శాతం పెరిగిన గ్యాస్ ఉత్పత్తి
గృహ వినియోగానికి (Domestic) సరిపడా ఎల్పీజీ గ్యాస్ మన దగ్గర ఫుల్ గా అందుబాటులో ఉందని, కొరత వస్తుందన్నది కేవలం వదంతి మాత్రమేనని ప్రభుత్వ వర్గాలు తేల్చిచెప్పాయి.
ముందస్తు జాగ్రత్తగా, దేశంలోని చమురు శుద్ధి కర్మాగారాలన్నీ (Refineries) 100 శాతం కెపాసిటీతో పనిచేస్తూ, ఎల్పీజీ ఉత్పత్తిని రాత్రికి రాత్రే దాదాపు 10 శాతం పెంచాయి. వాణిజ్య (కమర్షియల్) సిలిండర్ల సరఫరాలో ప్రారంభంలో చిన్న ఆందోళనలు ఉన్నా, ఇప్పుడు పరిస్థితి పూర్తిగా అదుపులోనే ఉంది.
బ్లాక్ మార్కెట్కు చెక్.. ఎసెన్షియల్ కమోడిటీస్ యాక్ట్ అమలు!
గ్యాస్ కొరత వస్తుందన్న భయంతో కొందరు డీలర్లు నిల్వలు చేసి, బ్లాక్ మార్కెట్ కు తరలించకుండా ప్రభుత్వం గట్టి చర్యలు చేపట్టింది. అక్రమ నిల్వలను అడ్డుకునే 'ఎసెన్షియల్ కమోడిటీస్ యాక్ట్' (Essential Commodities Act) ను తక్షణమే అమలులోకి తెచ్చింది. అయితే పరిస్థితి మరీ తీవ్రంగా లేనందున 'ఎస్మా' (ESMA) ను మాత్రం ప్రయోగించలేదని స్పష్టం చేసింది.
అంతేకాకుండా, గ్యాస్ పంపిణీలో అక్రమాలను అరికట్టడానికి అధికారుల పర్యవేక్షణ (మానిటరింగ్) వ్యవధిని 21 రోజుల నుంచి 25 రోజులకు పెంచారు. దీనివల్ల సప్లై చైన్ లో ఎలాంటి లీకేజీలు లేకుండా ప్రభుత్వం కట్టుదిట్టం చేసింది.
గ్లోబల్ టెన్షన్స్, మిడిల్ ఈస్ట్ యుద్ధం ఉన్నప్పటికీ.. ఇంధన సరఫరాను మేనేజ్ చేయడంలో ఇండియా ఇతర దేశాల కంటే చాలా సేఫ్ జోన్ లోనే ఉంది. ఒక సామాన్యుడిగా మీరు చేయాల్సింది ఒక్కటే.. సోషల్ మీడియాలో వచ్చే ఫేక్ న్యూస్ చూసి పానిక్ అయిపోయి (Panic Buying) గ్యాస్ సిలిండర్లను బ్లాక్ లో ఎక్కువ రేటుకు కొనకండి. మీ అవసరానికి తగ్గట్టు రెగ్యులర్ గానే ఆన్లైన్లో బుక్ చేసుకోండి. ప్రభుత్వం సప్లై చైన్ ను ఎప్పటికప్పుడు మానిటర్ చేస్తోంది కాబట్టి మీ వంటగదికి ప్రస్తుతానికి ఎలాంటి ఢోకా లేదు!
