హైదరాబాద్లోనో, బెంగళూరులోనో లక్షల ప్యాకేజీతో జాబ్ వచ్చినా.. ముందుగా గుర్తొచ్చే టెన్షన్ ఇంటి అద్దె! ఎంత సంపాదిస్తున్నా.. అందులో సగం ఆ అద్దెలకే ఎగిరిపోతుంది. సొంతూరు వదిలి, ఆ అద్దె కొంపల్లో బతుకుతూ సతమతమయ్యే సగటు జీవికి.. ఒకవేళ ఫ్రీగా కళ్లు చెదిరే ఇల్లు ఇచ్చి, దానికి తోడు ఒక పక్కా ఉద్యోగం కూడా ఇస్తామంటే ఎలా ఉంటుంది? వినడానికే మైండ్ బ్లాంక్ అవుతున్న ఈ క్రేజీ ఆఫర్.. నిజంగానే ఒక అద్భుతం. ఒక అందమైన యూరప్ దేశం ఇస్తున్న ఈ బంపర్ ఆఫర్ వింటే.. మీరు వెంటనే మీ బ్యాగులు సర్దుకోవడం ఖాయం!
'ఎంప్టీ స్పెయిన్' క్రేజీ ఆఫర్.. అరెనిల్లాస్ పిలుస్తోంది!
Arenillas Village In Spain Offers Free House And Job To Families : స్పెయిన్ దేశంలోని 'సొరియా' ప్రాంతంలో ఉన్న ఒక చిన్న, అందమైన గ్రామం 'అరెనిల్లాస్'. ఎప్పుడూ సైలెంట్గా ఉండే ఈ పల్లెటూరు ఇప్పుడు గ్లోబల్ వైడ్గా ట్రెండింగ్ టాపిక్ గా మారింది.
గత కొన్ని దశాబ్దాలుగా ఉపాధి కోసం అక్కడి ప్రజలంతా పట్టణాలకు వలస వెళ్లిపోవడంతో.. ఈ గ్రామంలో ప్రస్తుతం కేవలం 40 మంది మాత్రమే శాశ్వతంగా నివసిస్తున్నారు.
జనాలు లేక వెలవెలబోతున్న ఈ ప్రాంతానికి 'ఎంప్టీ స్పెయిన్' (ఖాళీ స్పెయిన్) అనే పేరు కూడా వచ్చింది. ఈ దుస్థితిని మార్చి, గ్రామానికి మళ్లీ ప్రాణం పోసేందుకు అక్కడి గ్రామ పంచాయతీ ఈ సంచలన ఆఫర్ ప్రకటించింది.
జాబ్ ఫ్రీ.. ఏకంగా బంగ్లా లాంటి ఇల్లు కూడా ఫ్రీ!
ఈ సూపర్ ఆఫర్ ప్రకారం.. ఎంపికైన ఒక అదృష్ట కుటుంబానికి పూర్తిగా ఆధునీకరించిన, పునరుద్ధరించిన ఒక అద్భుతమైన ఇంటిని ఉచితంగా ఇస్తారు.
అలా ఇల్లు ఇవ్వడమే కాకుండా.. వారి చేతిలో ఒక స్థిరమైన ఉద్యోగాన్ని కూడా పెడతారు. ఆ గ్రామంలో శాశ్వతంగా నివసించే గొప్ప అవకాశాన్ని కూడా కల్పిస్తున్నారు.
ప్రపంచంలో ఎక్కడైనా జాబ్ ఇవ్వడంతో పాటు ఇల్లు కూడా ఉచితంగా ఇవ్వడం అనేది చాలా అరుదు. ఈ క్రేజీ ఆఫర్ గురించి తెలియగానే.. ఇప్పటివరకు ఏకంగా 100కు పైగా దరఖాస్తులు వెల్లువెత్తాయని సమాచారం!
ట్విస్ట్ ఏంటంటే.. ఈ కండిషన్స్ కు ఓకే చెప్పాలి!
అయితే, ఊరికే ఇల్లు, ఉద్యోగం ఇచ్చేస్తారనుకుంటే పొరపాటే.. దీని వెనుక కొన్ని ముఖ్యమైన కండిషన్స్ కూడా ఉన్నాయి. వెళ్లే ఆ కుటుంబంలో కచ్చితంగా పాఠశాలకు వెళ్లే వయస్సు ఉన్న పిల్లలు ఉండాలి.
ఆ కుటుంబం ఆ ఊరిని వదిలి వెళ్లకుండా, గ్రామంలోనే పూర్తి స్థాయిలో నివసించాలి. అలాగే ఊళ్లో ఉన్న లోకల్ బార్ను వీరే స్వయంగా నిర్వహించాలి.
వీటితో పాటు, భవనాల నిర్వహణ లాంటి మున్సిపల్ పనులను కూడా ఎంతో బాధ్యతగా చూసుకోవాల్సి ఉంటుంది. ఇవన్నీ చేస్తే ఆ ఇల్లు, ఆ జీవితం మీ సొంతం!
ప్రకృతి అందాలు.. కానీ సవాళ్లు కూడా పక్కా!
అరెనిల్లాస్ గ్రామం పర్వత ప్రాంతంలో ఉండటం వల్ల చుట్టూ అద్భుతమైన ప్రకృతి అందాలతో కట్టిపడేస్తుంది. వసంత కాలంలో సుమారు 24 డిగ్రీల ఉష్ణోగ్రతలతో ఈ ప్రదేశం అచ్చం ఒక స్వర్గంలా కనిపిస్తుంది.
కానీ, ఇక్కడ జనాభా చాలా తక్కువగా ఉండటం, మరీ నిశ్శబ్దంగా ఉండటం వల్ల అప్పుడప్పుడు ఒంటరితనం వేధించవచ్చు. శీతాకాలంలో వాతావరణం గజగజ వణికించేంత చల్లగా ఉంటుంది.
ఇక్కడ పబ్లిక్ ట్రాన్స్పోర్ట్ సదుపాయాలు తక్కువ కాబట్టి, కచ్చితంగా సొంత వాహనం ఉండాల్సిందే. సమీప పాఠశాల 20 కిలోమీటర్ల దూరంలో ఉన్నప్పటికీ.. పిల్లలకు ఉచిత రవాణా సదుపాయం ఉంటుంది. అయితే ఆరోగ్య, వైద్య సేవలు మాత్రం కేవలం ప్రాథమిక స్థాయిలో మాత్రమే అందుతాయి.
ప్రకృతి ఒడిలో ప్రశాంతమైన జీవితం, ఉచిత ఇల్లు, చేతిలో ఉద్యోగం.. ఈ చిన్న కండిషన్స్ కు మీరు ఓకే అంటే, స్పెయిన్ లోని ఆ అందమైన పల్లెటూరు మీకోసం ఎర్ర తివాచీ పరుస్తోంది.. ఒంటరితనాన్ని జయించి, కొత్త జీవితాన్ని ప్రారంభించాలనుకునే వారికి ఇది నిజంగా ఒక బ్లాక్బస్టర్ ఛాన్స్!
Also Read:
Bali Trunyan Village: బాలిలో వింత ఆచారంGuinness World Record: 100 రోజులు.. 10 వేల కిలోమీటర్లు!
మా వేళ్లు ట్రిగ్గర్పైనే ఉన్నాయి: ట్రంప్, ఇజ్రాయెల్కు ఇరాన్ ఫైనల్ వార్నింగ్!
US Iran Conflict: ఇరాన్ యుద్ధంలో అమెరికా నిజంగా గెలిచిందా?
US Iran Peace Talks : పాకిస్థాన్కు బయలుదేరిన అమెరికా బృందం.. కుష్నర్, వాన్స్పైనే ట్రంప్ ఆశలు!
