ప్రపంచ ఇంధన సరఫరాకు గుండెకాయ లాంటి 'హార్మూజ్ జలసంధి' ఓపెన్ అయిందని, ఇక పెట్రోల్ రేట్లు తగ్గుతాయని అంతా సంబరపడుతున్న వేళ.. ఇరాన్ సైన్యం ఊహించని బాంబు పేల్చింది. ప్రభుత్వం ఒక మాట, సైన్యం మరో మాట చెబుతూ సృష్టిస్తున్న ఈ గందరగోళం ముడి చమురు మార్కెట్లను కుదిపేస్తోంది. అసలు హార్మూజ్లో ఏం జరుగుతోంది? మన బండి పెట్రోల్ రేటును శాసించే ఈ హై డ్రామా ఏంటి?
ప్రభుత్వానిది ఒక మాట.. సైన్యానిది మరో రూటు!
అంతర్జాతీయ చమురు రవాణాకు అత్యంత కీలకమైన హార్మూజ్ జలసంధి పునరుద్ధరణ విషయంలో ఇరాన్ ప్రభుత్వం సరికొత్త గందరగోళానికి తెరలేపింది. లెబనాన్లో కాల్పుల విరమణకు అనుగుణంగా, మిగిలిన గడువు ముగిసే వరకు వాణిజ్య నౌకల కోసం జలసంధిని పూర్తిగా తెరిచామని ఇరాన్ విదేశాంగ మంత్రి అబ్బాస్ అరాగ్చీ సోషల్ మీడియా వేదికగా సగర్వంగా ప్రకటించారు. ఈ ప్రకటనతో సముద్ర రవాణా సాఫీగా సాగుతుందని అందరూ ఊపిరి పీల్చుకున్నారు.
ఎంట్రీకి అనుమతి తప్పనిసరి.. ఐఆర్జీసీ కొత్త రూల్స్!
కానీ, మంత్రి ప్రకటన వెలువడిన కొద్ది సేపటికే అత్యంత శక్తివంతమైన ఇరాన్ రివల్యూషనరీ గార్డ్స్ (IRGC) నేవీ రంగంలోకి దిగి సీన్ రివర్స్ చేసింది. జలసంధిని పూర్తిగా తెరిచినట్లు కాదని, తమ అనుమతి లేనిదే ఏ నౌకా లోపలికి రావడానికి వీళ్లేదని కఠినమైన షరతులతో కొత్త ఆదేశాలు జారీ చేసింది. పౌర నౌకలు కేవలం తాము నిర్దేశించిన మార్గంలోనే ప్రయాణించాలని, సైనిక నౌకలకు ప్రవేశంపై నిషేధం యథాతథంగా కొనసాగుతూనే ఉంటుందని స్పష్టం చేసింది. దీన్ని ఒక సరికొత్త 'ఆర్డర్'గా సైన్యం అభివర్ణించడంతో.. ఈ మార్గం గుండా ప్రయాణించే అంతర్జాతీయ నౌకల్లో మళ్లీ తీవ్ర ఆందోళన మొదలైంది.
అధికారిక మీడియా ఫైర్.. బట్టబయలైన విభేదాలు!
విదేశాంగ మంత్రి అరాగ్చీ చేసిన ప్రకటనను సాక్షాత్తూ ఇరాన్ అధికారిక మీడియా సంస్థలే తప్పుబట్టడం పరిస్థితి తీవ్రతకు అద్దం పడుతోంది. అరాగ్చీ ఇచ్చిన సమాచారం పూర్తిగా "అసంపూర్ణం, లోపభూయిష్టం" అని 'తస్నిమ్' వార్తా సంస్థ తీవ్రంగా విమర్శించింది. మరోవైపు సుప్రీం లీడర్ ఆదేశాల ప్రకారం జలసంధిని మూసి ఉంచడమే సరైన నిర్ణయమని 'మెహర్' వార్తా సంస్థ పేర్కొంది. ఈ పరిణామాలన్నీ ఇరాన్ ప్రభుత్వంలోని దౌత్య విభాగానికి, శక్తివంతమైన సైనిక విభాగానికి మధ్య ఉన్న సమన్వయ లోపాన్ని కళ్లకు కట్టినట్లు ప్రపంచానికి చూపిస్తున్నాయి.
ట్రంప్ థ్యాంక్స్ అండ్ కండిషన్స్.. కుప్పకూలిన ఆయిల్ రేట్లు!
ఈ గందరగోళ పరిణామాలపై అగ్రరాజ్యం అమెరికా అధ్యక్షుడు డొనాల్డ్ ట్రంప్ తనదైన శైలిలో స్పందించారు. "జలసంధిని పూర్తిగా తెరిచినందుకు ధన్యవాదాలు" అని సోషల్ మీడియాలో పోస్ట్ చేసిన ఆయన.. ఆ వెంటనే తన వ్యూహాన్ని మార్చారు. జలసంధి తెరిచినా సరే.. ఇరాన్తో పూర్తిస్థాయి కాల్పుల విరమణ ఒప్పందం కుదిరే వరకు అమెరికా నౌకాదళ దిగ్బంధనం మాత్రం కొనసాగుతుందని కుండబద్దలు కొట్టారు. అంతేకాకుండా జలసంధిని ఇకపై ఎన్నడూ మూసివేయబోమని, దానిని ఆయుధంలా వాడబోమని ఇరాన్ అంగీకరించిందని ట్రంప్ సంచలన కామెంట్లు చేశారు.
ఇదిలా ఉండగా.. ప్రపంచ చమురు సరఫరాలో దాదాపు ఐదో వంతు సాగే ఈ మార్గం తెరుచుకుందన్న వార్తలతో.. అంతర్జాతీయ మార్కెట్లో ముడి చమురు ధరలు ఒక్కసారిగా 10 శాతం మేర పడిపోయి మార్కెట్కు భారీ ఊరటనిచ్చాయి.
హార్మూజ్ జలసంధి ఓపెన్ కావడం ముడి చమురు ధరలను 10 శాతం మేర పడేసి, సామాన్యుడికి గ్యాస్, పెట్రోల్ మంటల నుంచి తాత్కాలిక ఊరటనిచ్చింది. అయితే, ఇరాన్ ప్రభుత్వానికి, మిలటరీకి మధ్య పచ్చగడ్డి వేస్తే భగ్గుమంటున్న పరిస్థితులు భవిష్యత్తుపై భయాన్ని రేపుతున్నాయి. సైన్యం ఎప్పుడైనా మళ్లీ రూల్స్ మార్చవచ్చు. ఒకవేళ ఐఆర్జీసీ నేవీ కావాలనే విదేశీ నౌకలను అడ్డుకుంటే, అమెరికా రంగంలోకి దిగడం ఖాయం. అప్పుడు ముడి చమురు ధరలు మళ్లీ రాకెట్ వేగంతో పైకి దూసుకెళ్తాయి. ఈ జియో-పొలిటికల్ అస్థిరత నుంచి బయటపడాలంటే ఇంధన భద్రత కోసం ప్రత్యామ్నాయ మార్గాలను వేగవంతం చేయడం ఒక్కటే మార్గం!
Also Read:
ట్రంప్ డీల్కు ఇరాన్ షాక్.. యురేనియం ఇచ్చే ప్రసక్తే లేదన్న టెహ్రాన్US India Relations: మోదీతో ట్రంప్ ఫోన్ కాల్
ముగిసిన అణు ప్రతిష్టంభన.. పాకిస్థాన్కు వెళ్లనున్న ట్రంప్!
Israel Lebanon Ceasefire : నేను ఆపిన 10వ యుద్ధం ఇదే.. ట్రంప్ సంచలన ప్రకటన
Global Economic Crisis: మహా మాంద్యం ముంగిట ప్రపంచం
