సినిమా ఇండస్ట్రీ అనగానే ముఖానికి మేకప్తో పాటు, మాటలకు కూడా పాలిష్ వేసి మాట్లాడే నకిలీ ప్రపంచం మనకు ముందుగా గుర్తుకొస్తుంది. కానీ, ఇలాంటి రంగుల ప్రపంచంలో ఒక స్టార్ హీరో.. ఏ మొహమాటం లేకుండా ఉన్నది ఉన్నట్లుగా బతుకుతున్నాడని తెలిస్తే సామాన్యుడికి ఆశ్చర్యం కలగకమానదు. మాస్ మహారాజా రవితేజను ఒక 'తాత్వికుడి'తో పోలుస్తూ సీనియర్ నటుడు అజయ్ ఘోష్ చేసిన వ్యాఖ్యలు, నిజాయితీగా బతకాలనుకునే ప్రతి ఒక్కరినీ ఇప్పుడు ఆలోచింపజేస్తున్నాయి.
[FEATURED_IMAGE]
ఆ స్టార్ హీరోల కంటే రవితేజ రూటే సపరేట్!
తెరపై క్రూరమైన విలన్ పాత్రలు వేసినా, నిజ జీవితంలో ఉన్నది ఉన్నట్లు మాట్లాడే మంచి మనిషిగా నటుడు అజయ్ ఘోష్కు ఇండస్ట్రీలో పేరుంది. తాజాగా ఆదివారం జరిగిన రవితేజ 'ఇరుముడి' సినిమా ప్రీ-రిలీజ్ ఈవెంట్లో ఆయన పంచుకున్న విషయాలు వైరల్ అవుతున్నాయి.
తన కెరీర్లో మహేష్ బాబు, అల్లు అర్జున్, రామ్ చరణ్ లాంటి ఎంతోమంది అగ్ర హీరోలతో స్క్రీన్ షేర్ చేసుకున్నానని ఆయన గుర్తు చేసుకున్నారు. కానీ, రవితేజతో ఉన్న అనుబంధం మాత్రం చాలా స్పెషల్ అని, ఆయనతో కలిసి పనిచేయడం తాను చేసుకున్న అదృష్టమని అజయ్ ఘోష్ సంతోషం వ్యక్తం చేశారు.
రవితేజలో జిడ్డు కృష్ణమూర్తిని చూశా!
అసలు రవితేజకు, మిగతా హీరోలకు ఉన్న తేడా ఏంటనే విషయాన్ని అజయ్ ఘోష్ బహిరంగంగానే వెల్లడించారు. బయట ప్రపంచానికి, అభిమానులకు రవితేజ ఒక మాస్ హీరోలా కనిపిస్తాడని, కానీ తాను మాత్రం ఆయనలో ప్రముఖ తత్వవేత్త 'జిడ్డు కృష్ణమూర్తి'ని చూశానని ప్రశంసించారు.
జిడ్డు కృష్ణమూర్తి లాంటి ఒక తాత్వికుడితో తాను పనిచేశానని ఆయన గర్వంగా చెప్పుకొచ్చారు. ఎలాంటి మొహమాటం లేకుండా ముఖం మీదే నిజాన్ని నిర్భయంగా మాట్లాడటం, ఎప్పుడూ నిజంలో బతకడం ఒక్క రవితేజకే సాధ్యమైందంటూ అజయ్ ఘోష్ చేసిన వ్యాఖ్యలు అక్కడున్న వారందరినీ ఆకట్టుకున్నాయి.
స్టార్డమ్ వచ్చిన తర్వాత ప్రతి చిన్నదానికీ పీఆర్ టీమ్లపై ఆధారపడి, పబ్లిక్ ఇమేజ్ కోసం జాగ్రత్తలు పడే ఈ రోజుల్లో రవితేజలా నాచురల్గా ఉండటం చాలా కష్టం. ఒక విలక్షణ నటుడు.. ఒక మాస్ హీరోను 'తాత్వికుడు' అని పొగిడాడంటే రవితేజ ఆఫ్స్క్రీన్ వ్యక్తిత్వం ఎంత స్వచ్ఛంగా ఉంటుందో అర్థం చేసుకోవచ్చు. సోషల్ మీడియా ఫేక్ లైఫ్స్కు అలవాటు పడుతున్న నేటి యువత, రవితేజను చూసి ఉన్నది ఉన్నట్లుగా, నిజాయితీగా బతకడం ఎలాగో నేర్చుకోవాలి.
