హీరోయిన్స్ మెచ్చిన దుల్కర్ సల్మాన్: స్టార్ హీరోయిన్స్ షాకింగ్ కామెంట్స్!

ఒక సాధారణ వ్యక్తి తన ప్రొఫెషనల్ లైఫ్‌లో ఎంత ఎదిగాడన్నది కేవలం అతని టాలెంట్ మీద మాత్రమే ఆధారపడి ఉండదు. తోటి వారితో అతను ఎలా మెలుగుతున్నాడు, కష్టాల్లో ఉన్నవారికి ఎలా అండగా నిలుస్తున్నాడు అనేదే అతని అసలైన వ్యక్తిత్వాన్ని డిసైడ్ చేస్తుంది. మలయాళ మెగాస్టార్ మమ్ముట్టి వారసుడిగా ఇండస్ట్రీకి ఎంట్రీ ఇచ్చినా, పాన్ ఇండియా స్టార్‌గా దుల్కర్ సల్మాన్ ఎదగడం వెనుక ఉన్న అసలు సీక్రెట్ ఇదే. త్వరలో ‘ఐ యామ్ గేమ్’ , 'ఆకాశంలో ఒక తార'  లాంటి సినిమాలతో రాబోతున్న ఈ క్రేజీ హీరో గురించి, అతనితో కలిసి నటించిన స్టార్ హీరోయిన్లు చెబుతున్న ఆసక్తికరమైన విషయాలు మీకోసం.

[FEATURED_IMAGE]

భాష నేర్చుకుని మరీ డబ్బింగ్ - కీర్తి సురేశ్

దుల్కర్ గురించి మహానటి ఫేమ్ కీర్తి సురేశ్ మాట్లాడుతూ.. అతను తనకు చిన్నప్పటి నుంచే తెలుసని చెప్పారు. 'మహానటి'లో మొదటిసారి కలిసి పనిచేశామని, టాలీవుడ్ డెబ్యూ మూవీలోనే ‘జెమినీ గణేశన్’ లాంటి కష్టమైన పాత్ర చేయడం గ్రేట్ అని ప్రశంసించారు.

సెట్‌లో చాలా ప్రశాంతంగా ఉండే దుల్కర్, కెమెరా ముందు మాత్రం యాక్టింగ్‌తో విశ్వరూపం చూపిస్తాడని కీర్తి తెలిపారు. భాష మీద పట్టు ఉంటేనే డైలాగ్ డెలివరీ, యాక్టింగ్ పర్ఫెక్ట్ గా వస్తుందని నమ్మి తెలుగు నేర్చుకుని సొంతంగా డబ్బింగ్ చెప్పుకున్నాడని ఆమె గుర్తుచేసుకున్నారు. అతని ప్రవర్తన చూస్తే ఎవరికైనా వెంటనే నచ్చేస్తాడని కితాబిచ్చారు.

ఆన్-స్క్రీన్ కెమిస్ట్రీ సీక్రెట్ అదే - నిత్యా మీనన్

'ఉస్తాద్ హోటల్' సినిమా టైమ్‌లో తాము పెద్దగా మాట్లాడుకోలేదని, ఆ తర్వాత 'ఓకే బంగారం', '100 డేస్ ఆఫ్ లవ్' ఒకేసారి చేయాల్సి వచ్చినప్పుడు తామిద్దరం ఫ్రెండ్స్ అయితే బాగుంటుందని డైరెక్టర్ కి చెప్పానన్నారు నిత్యా మీనన్.

అయితే అదే విషయం దుల్కర్ కూడా చెప్పాడని తెలిసి ఆశ్చర్యపోయానన్నారు. అలా మంచి స్నేహితులం అవ్వడం వల్లే, తమ మధ్య ఆన్-స్క్రీన్ కెమిస్ట్రీ అంత న్యాచురల్ గా కుదిరిందని ఆమె అసలు సీక్రెట్ రివీల్ చేశారు. హీరో హీరోయిన్లలా కాకుండా ఫ్రెండ్స్ లా ఉండటం వల్లే ఆ మ్యాజిక్ వర్కౌట్ అయిందని తెలిపారు.

డైలాగ్స్ విడగొట్టి మరీ వివరించేవాడు - మృణాల్ ఠాకూర్

తాను దుల్కర్ కి పెద్ద ఫ్యాన్ అని మృణాల్ ఠాకూర్ చెప్పారు. తెలుగులో తన ఫస్ట్ మూవీ ‘సీతారామం’ షూటింగ్ లో పెద్ద డైలాగులు చెప్పడానికి ఇబ్బంది పడుతుంటే.. వాటిని చిన్నగా విభజించి, అర్థమయ్యేలా దుల్కర్ వివరించేవాడని ఆమె ఎమోషనల్ అయ్యారు.

ఏ భాషలోనైనా ధైర్యంగా నటించే అతడి డెడికేషన్ చూసే, తాను కూడా ఇప్పుడు తెలుగు, తమిళం, కన్నడ సినిమాలకు ఓకే చెబుతున్నట్లు మృణాల్ స్పష్టం చేశారు.

ఇంటికి పిలిచి భోజనం పెట్టిన స్టార్ - మీనాక్షి చౌదరి

ఎంత పెద్ద బ్యాక్ గ్రౌండ్ ఉన్నా దుల్కర్ చాలా సింపుల్ గా ఉంటాడని మీనాక్షి చౌదరి తెలిపారు. 'లక్కీ భాస్కర్' షూటింగ్ లో తను కంగారు పడిన ప్రతిసారీ.. ప్రశాంతంగా ఉండమని దుల్కర్ ధైర్యం చెప్పేవాడట.

ఒకసారి తనను, డైరెక్టర్ ను ఇంటికి భోజనానికి పిలిచాడని, అక్కడే మమ్ముట్టి గారిని కలిశానని ఆమె చెప్పారు. తండ్రి నుంచే దుల్కర్‌కు ఆ మంచి లక్షణాలు వచ్చాయని తనకు అప్పుడే అర్థమైందని మీనాక్షి చెప్పుకొచ్చారు.

కష్టాల్లో ఉన్నప్పుడు అతనే గుర్తొస్తాడు - అనుపమ పరమేశ్వరన్

తన కష్టకాలంలో ఇండస్ట్రీ నుంచి మొదట అండగా నిలిచే వ్యక్తి దుల్కరేనని అనుపమ తెలిపారు. తాను బాధలో ఉన్నానని తెలియగానే దుల్కర్ నుంచి మెసేజ్ వస్తుందని, అతనికి ఎలా తెలుస్తుందో ఇప్పటికీ ఆశ్చర్యంగా ఉంటుందని ఆమె చెప్పారు.

దుల్కర్ తో ఒక్కసారి మాట్లాడితే చాలు బాధంతా పోతుందని, తనకి ఏదైనా సమస్య వస్తే మొదట గుర్తొచ్చే వ్యక్తి కూడా అతనేనని.. ఏ టైమ్‌లో అయినా కాల్ చేసి మాట్లాడే స్వేచ్ఛ తనకు ఉందని అనుపమ పంచుకున్నారు.

బాలీవుడ్ నుంచి ఓటీటీ వరకు.. దుల్కర్ మల్టీ-టాలెంట్!

సౌత్ ఇండస్ట్రీలకే పరిమితం కాకుండా బాలీవుడ్ లో కూడా Karwaan (2018), The Zoya Factor (2019), Chup: Revenge of the Artist (2022) లాంటి చిత్రాలతో దుల్కర్ తన విలక్షణతను చాటారు. అలాగే 'గన్స్ అండ్ గులాబ్స్' వెబ్ సిరీస్ తో ఓటీటీ ఆడియన్స్ కు కూడా దగ్గరయ్యారు. నటుడిగానే కాకుండా సొంతంగా 'వేఫరర్ ఫిల్మ్స్' (Wayfarer Films) అనే నిర్మాణ సంస్థను స్థాపించి కంటెంట్ ఉన్న చిత్రాలను నిర్మిస్తూ బహుముఖ ప్రజ్ఞాశాలిగా ఎదుగుతున్నారు.

నెపోటిజం గురించి చర్చలు నడుస్తున్న ఈ రోజుల్లో, కేవలం టాలెంట్ తోనే కాకుండా, పద్ధతిగా మెలుగుతూ తోటివారి అభిమానం గెలుచుకోవడం వల్లే దుల్కర్ పాన్ ఇండియా రేంజ్ లో స్టార్ అయ్యాడు. తోటి ఆర్టిస్ట్ ఇబ్బందుల్లో ఉంటే సాయం చేయడం, అండగా నిలవడం లాంటి లక్షణాలు ఏ ప్రొఫెషన్ లో ఉన్నవారికైనా అత్యవసరం. తోటి వారిని గౌరవిస్తూ వృత్తి పట్ల అంకితభావంతో పనిచేస్తే, ప్రాంతాలతో సంబంధం లేకుండా ఎవరైనా సూపర్ స్టార్ కావచ్చు అనడానికి దుల్కర్ సల్మాన్ ప్రయాణం ఒక పర్ఫెక్ట్ ఎగ్జాంపుల్.