రాజకీయాలపై అక్కినేని కోడలు శోభితా ధూళిపాళ చేసిన సంచలన వ్యాఖ్యలు ప్రస్తుతం టాలీవుడ్లో హాట్ టాపిక్గా మారాయి. ఇటీవల ఇచ్చిన ఓ ఇంటర్వ్యూలో తాను వామపక్ష భావజాలం ఉన్న ఉదారవాదినని, కమ్యూనిజం ఏదో ఒక రోజు విజయం సాధిస్తుందని ఆమె స్పష్టం చేయడంతో సోషల్ మీడియాలో నెటిజన్లు రెండు వర్గాలుగా విడిపోయి తీవ్రస్థాయిలో చర్చలు జరుపుతున్నారు.
వెండితెరపై మెరిసే సెలెబ్రిటీలు సాధారణంగా రాజకీయ విషయాల జోలికి వెళ్లడానికి అస్సలు ఇష్టపడరు. కానీ, అక్కినేని నాగచైతన్య భార్య, టాలీవుడ్ బోల్డ్ బ్యూటీ శోభితా ధూళిపాళ మాత్రం ఇందుకు పూర్తి భిన్నం అని నిరూపించారు. ఇటీవల ఇచ్చిన ఒక ఇంటర్వ్యూలో తన మనసులోని అసలు సిసలైన రాజకీయ భావజాలాన్ని ఏమాత్రం దాచుకోకుండా బయటపెట్టి సోషల్ మీడియాలో ఒక్కసారిగా ప్రకంపనలు సృష్టించారు.
ఎవరికీ తెలియని తన రహస్యం గురించి అడగ్గా, తనకు చాలా బలమైన రాజకీయ నమ్మకాలు ఉన్నాయని శోభిత కుండబద్దలు కొట్టారు. తాను వామపక్ష భావజాలం కలిగిన ఉదారవాదినని, ఏదో ఒక రోజు ఈ ప్రపంచంలో కమ్యూనిజం కచ్చితంగా విజయం సాధిస్తుందని గట్టిగా నమ్ముతున్నట్లు ఆమె పేర్కొన్నారు. ఈ సంచలన వ్యాఖ్యలు క్షణాల్లో ఇంటర్నెట్ను షేక్ చేయడంతో నెటిజన్లు రెండు వర్గాలుగా విడిపోయి తీవ్రస్థాయిలో చర్చలు జరుపుకుంటున్నారు.
సెలెబ్రిటీ హోదాలో ఉండి కూడా ఇంత ధైర్యంగా తన గళాన్ని వినిపించిన శోభితను కొందరు ప్రశంసిస్తుంటే, మరికొందరు మాత్రం అక్కినేని వంటి అత్యంత సంపన్న సినీ కుటుంబంలోకి అడుగుపెట్టిన తర్వాత ఇలా కమ్యూనిజం గురించి మాట్లాడటం ఏంటంటూ తీవ్రంగా విమర్శిస్తున్నారు. ఈ వివాదం ప్రస్తుతం టాలీవుడ్ వ్యాప్తంగా హాట్ టాపిక్గా మారింది.
