బాక్సాఫీస్‌ను షేక్ చేస్తున్న 'ఆదర్శ కుటుంబం'.. మౌత్ టాక్ పవర్ ఇదే!

విడుదల వాయిదాలతో హైప్ తగ్గిపోయి, తొలిరోజు ఉదయం ఆటలకు సాదాసీదా రెస్పాన్స్ తెచ్చుకున్న 'ఆదర్శ కుటుంబం' ఇప్పుడు బాక్సాఫీస్ వద్ద అనూహ్యంగా పుంజుకుంది. విక్టరీ వెంకటేష్, త్రివిక్రమ్ కాంబోలో వచ్చిన ఈ ఫ్యామిలీ ఎంటర్‌టైనర్, పాజిటివ్ మౌత్ టాక్‌తో గత 24 గంటల్లో ఏకంగా 2 లక్షల 14 వేలకు పైగా టికెట్లు అమ్ముడుపోయి ట్రేడ్ వర్గాలను సైతం ఆశ్చర్యపరుస్తోంది. కంటెంట్ బాగుంటే ముందస్తు ప్రచారం లేకపోయినా సామాన్య ప్రేక్షకుడు థియేటర్‌కు పరుగులు తీస్తాడని ఈ సినిమా మరోసారి ప్రూవ్ చేసింది.

[FEATURED_IMAGE]

తగ్గిన హైప్.. 

విక్టరీ వెంకటేశ్‌, శ్రీనిధి శెట్టి జంటగా త్రివిక్రమ్‌ శ్రీనివాస్‌ తెరకెక్కించిన ఈ చిత్రంపై మొదట్లో భారీ అంచనాలు ఉండేవి. కానీ వరుస వాయిదాల వల్ల సినిమాపై ఆసక్తి సన్నగిల్లింది. దీంతో రిలీజ్ రోజైన ఉదయం ఆటలకు కనీస స్పందన కరువై, బాక్సాఫీస్ వద్ద చతికిలబడుతుందని అంతా భావించారు.

మౌత్ టాక్ మ్యాజిక్.. 2 లక్షల టికెట్స్!

అయితే సినిమా చూసిన వారి నుంచి పాజిటివ్ టాక్ బయటకు రావడంతో సీన్ మొత్తం రివర్స్ అయింది. ఫ్యామిలీ ఆడియన్స్ థియేటర్ల వైపు క్యూ కట్టడం మొదలుపెట్టారు. తాజా గణాంకాల ప్రకారం గత 24 గంటల్లోనే ఏకంగా 2.14 లక్షల టికెట్లు అమ్ముడవడం సినిమా సత్తాకు అద్దం పడుతోంది. ముందస్తు బుకింగ్స్ లేకపోయినా, రిలీజ్ తర్వాత ఈ రేంజ్‌లో టికెట్స్ తెగడం చిత్ర బృందానికి పెద్ద ఊరటనిచ్చింది.

వెంకీ, త్రివిక్రమ్ వన్ మ్యాన్ షో

కుటుంబ ప్రేక్షకులను ఆకట్టుకోవడంలో వెంకటేష్ తనదైన మార్క్ చూపించగా, త్రివిక్రమ్ తన ట్రేడ్ మార్క్ డైలాగ్స్, ఎమోషన్స్‌తో మ్యాజిక్ చేశాడు. వీరికి తోడు తమన్ బ్యాక్ గ్రౌండ్ స్కోర్ తోడవడంతో థియేటర్లలో సందడి వాతావరణం నెలకొంది. చినబాబు నిర్మాణ విలువలు సినిమాను మరింత రిచ్‌గా మార్చాయి.

వీకెండ్‌లో వసూళ్ల సునామీ ఖాయమా?  

పెద్ద హీరోల సినిమాలకు ఓపెనింగ్స్ రావడం కామన్.. కానీ డల్ ఓపెనింగ్స్ తెచ్చుకుని, కేవలం మౌత్ టాక్‌తో ఈ స్థాయిలో పుంజుకోవడం చాలా అరుదు. ప్రస్తుతం అమ్ముడవుతున్న 2 లక్షల టికెట్ల స్పీడ్ చూస్తుంటే, ఈ వీకెండ్‌లో 'ఆదర్శ కుటుంబం' బాక్సాఫీస్ వద్ద వసూళ్ల సునామీ సృష్టించడం ఖాయంగా కనిపిస్తోంది. సరైన ఫ్యామిలీ ఎంటర్‌టైనర్ పడితే, పండగ సీజన్ లేకపోయినా కలెక్షన్ల వర్షం కురుస్తుందని వింటేజ్ వెంకీ-గురూజీ కాంబో మరోసారి నిరూపించింది!