చిరంజీవి ‘కాకా’: 2027 సంక్రాంతికి ఫిక్స్.. డిసెంబర్ 1 నుంచి ప్రమోషన్స్!

naveen
By -
Megastar Chiranjeevi and director Bobby Kaka movie confirmed for 2027 Sankranti release as Vishwambhara moves to summer.

2027 సంక్రాంతి బరిలో మెగాస్టార్ చిరంజీవి ఏ సినిమాతో వస్తారన్న సస్పెన్స్‌కు తెరపడింది. ‘విశ్వంభర’ 2027 వేసవికి వాయిదా పడటంతో, ముందుగా ప్రకటించినట్లుగానే బాబీ దర్శకత్వంలో తెరకెక్కుతున్న మాస్ ఎంటర్‌టైనర్ ‘కాకా’ సంక్రాంతి కానుకగా విడుదల కావడం ఖాయమైంది. అంతేకాకుండా సంక్రాంతి స్పెషలిస్ట్ అనిల్ రావిపూడి సినిమాతో పోటీ పడేందుకు డిసెంబర్ 1 నుంచే 40 రోజుల భారీ ప్రమోషన్ షెడ్యూల్‌ను ‘కాకా’ టీమ్ సిద్ధం చేసింది.


[FEATURED_IMAGE]

2027 సంక్రాంతి రేసులో మెగాస్టార్ చిరంజీవి ఏ చిత్రంతో బాక్సాఫీస్ బరిలోకి దిగుతారన్న అంశంపై గత కొన్ని రోజులుగా ఇండస్ట్రీలో తీవ్ర ఉత్కంఠ నెలకొంది. ‘వాల్తేరు వీరయ్య’ వంటి బ్లాక్‌బస్టర్ తర్వాత దర్శకుడు బాబీ (కె.ఎస్. రవీంద్ర)తో చిరంజీవి చేస్తున్న ‘కాకా’ సినిమాను సంక్రాంతికి విడుదల చేస్తామని నెలల క్రితమే ప్రకటించారు. గతంలో సంక్రాంతికి వచ్చిన ‘వాల్తేరు వీరయ్య’ ఘనవిజయం సాధించడంతో, ‘కాకా’కు కూడా అదే పండగ సెంటిమెంట్ వర్కౌట్ అవుతుందని మెగా అభిమానులు ఆశించారు.

Also Read అల్లు అర్జున్: దుల్కర్ సల్మాన్‌పై ప్రశంసలు, ‘రాకా’ అప్‌డేట్ హింట్! ➔

‘విశ్వంభర’ 2027 సమ్మర్‌కు.. సంక్రాంతికి ‘కాకా’ ఫిక్స్!


అయితే ఇటీవల ‘కాకా’ స్థానంలో చిరంజీవి సోషియో-ఫాంటసీ చిత్రం ‘విశ్వంభర’ 2027 సంక్రాంతికి రాబోతోందంటూ వార్తలు గుప్పుమన్నాయి. వశిష్ట దర్శకత్వంలో తెరకెక్కిన ఈ చిత్రం పోస్ట్ ప్రొడక్షన్, డబ్బింగ్ పనులు పూర్తయ్యాయని, ఫ్యామిలీ ఆడియన్స్ కోసం రూపొందిన సినిమా కావడంతో సంక్రాంతికి విడుదల చేయాలని భావిస్తున్నట్లు ప్రచారం జరిగింది. వాస్తవానికి ‘విశ్వంభర’ గత ఏడాది సంక్రాంతికే రావాల్సి ఉన్నా, భారీ వీఎఫ్ఎక్స్ (VFX) పనుల ఆలస్యం కారణంగా వాయిదా పడుతూ వచ్చింది.

Also Read వారణాసి: షూటింగ్ పూర్తయింది.. అసలైన బ్లాస్ట్ త్వరలోనే! ➔

కానీ తాజా సమాచారం ప్రకారం ‘విశ్వంభర’ 2027 సంక్రాంతికి కూడా వచ్చే పరిస్థితి లేదని, ఈ చిత్రాన్ని 2027 సమ్మర్‌కు విడుదల చేయాలని మేకర్స్ నిర్ణయించుకున్నట్లు తెలుస్తోంది. దీంతో 2027 సంక్రాంతికి ముందుగా అనుకున్నట్లుగానే ‘కాకా’ సినిమాతోనే చిరంజీవి రావడం పక్కా అయిపోయింది. షూటింగ్ దాదాపు పూర్తి కావడంతో పాటు పోస్ట్ ప్రొడక్షన్ పనులు శరవేగంగా జరుగుతుండటంతో, సంక్రాంతికి ‘కాకా’ను థియేటర్లలోకి తీసుకురావడం ఖాయమని చిత్రబృందం ధీమాగా చెబుతోంది.


అనిల్ రావిపూడితో పోటీ.. డిసెంబర్ 1 నుంచి 40 రోజుల మాస్ ప్రమోషన్స్!


మరోవైపు 2027 సంక్రాంతి బరిలో అనిల్ రావిపూడి దర్శకత్వం వహిస్తున్న ‘జనవరి 12 విడుదల’ చిత్రం కూడా పోటీలో నిలుస్తోంది. వరుసగా రెండేళ్లు సంక్రాంతికి బ్లాక్‌బస్టర్ హిట్లు కొట్టి ‘సంక్రాంతి స్పెషలిస్ట్’గా పేరు తెచ్చుకున్న అనిల్ రావిపూడి సినిమాకు పండగ సీజన్‌లో ప్రేక్షకులు బ్రహ్మరథం పడుతుంటారు. ఈ నేపథ్యంలో అనిల్ సినిమాతో గట్టి పోటీని ఎదుర్కోవాలంటే ప్రమోషన్ల విషయంలో ప్రత్యేక వ్యూహం అవసరమని దర్శకుడు బాబీ భావిస్తున్నారు.

Also Read దాదా ధమాకా సాంగ్: బాలయ్య ర్యాప్, తమన్ బీట్స్ అదుర్స్! ➔

ఇండస్ట్రీ వర్గాల సమాచారం ప్రకారం, డిసెంబర్ 1 నుంచే ‘కాకా’ ప్రమోషన్ కార్యక్రమాలకు శ్రీకారం చుట్టబోతున్నారు. విడుదల వరకు దాదాపు 40 రోజుల పాటు సాగే పక్కా ప్రమోషన్ షెడ్యూల్‌ను దర్శకుడు, నిర్మాతలు సిద్ధం చేశారు. ఈ చిత్రంలో చిరంజీవి లుక్, పాత్ర తీరుతెన్నులు మాస్‌తో పాటు ఫ్యామిలీ ఆడియన్స్‌ను విపరీతంగా ఆకట్టుకుంటాయని యూనిట్ నమ్ముతోంది. అందుకే కుటుంబ ప్రేక్షకులకు మరింత చేరువయ్యేలా కామెడీ స్కిట్లు, హీరోయిన్లతో సరదా చిట్‌చాట్‌లు, ఆన్-లొకేషన్ ఫన్నీ వీడియోలను విడుదల చేయాలని ప్లాన్ చేస్తున్నారు. కేవలం ప్రమోషన్ల కోసమే నలుగురు సభ్యులతో కూడిన ప్రత్యేక బృందం నిరంతరం పనిచేస్తోంది. డిసెంబర్ 1 నుంచి ప్రచార హోరు మొదలవుతుండటంతో మెగా అభిమానుల్లో పండగ వాతావరణం ఇప్పుడే మొదలైంది.