కేజీఎఫ్ సిరీస్‌తో పాన్ ఇండియా రేంజ్‌లో 'రాకీ భాయ్'గా మాస్ ఆడియన్స్‌ను ఊర్రూతలూగించిన యశ్.. ఇప్పుడు ఏకంగా 'రావణాసురుడి' పాత్రతో బిగ్ స్క్రీన్ పై విలనిజం పండించేందుకు రెడీ అవుతున్నాడు. అయితే బాక్సాఫీస్ లెక్కలను శాసించే ఈ రాకింగ్ స్టార్‌ను, తన సొంత కొడుకు వేసిన ఒకే ఒక్క అమాయకమైన ప్రశ్న ఇరకాటంలో పడేసింది. కెరీర్ పీక్స్‌లో ఉన్నప్పుడు ఇలాంటి నెగెటివ్ రోల్ ఎంచుకోవడం ఎంత పెద్ద రిస్క్ అన్నది.. ఆ చిన్నోడి ప్రశ్నతో ఇప్పుడు అందరికీ అర్థమవుతోంది. అసలు యశ్ ఇంట్లో ఏం జరిగింది?
[FEATURED_IMAGE]డాడీ నువ్వు రియల్‌గా విలన్‌వా?
బాలీవుడ్ డైరెక్టర్ నితీష్ తివారీ అత్యంత ప్రతిష్టాత్మకంగా తెరకెక్కిస్తున్న పాన్-వరల్డ్ ప్రాజెక్ట్ ‘రామాయణ’లో యశ్ రావణాసురుడిగా నటిస్తున్న సంగతి తెలిసిందే. తాజాగా హైదరాబాద్‌లో జరిగిన ఓ ఇంటర్వ్యూలో పాల్గొన్న యశ్.. తన కొడుకు అడిగిన ఓ ఆసక్తికరమైన డౌట్‌ను మీడియాతో పంచుకుని అందరినీ నవ్వించారు.
నేను ఎవరికి విజిల్స్ వేయాలి?
పిల్లలందరికీ రామాయణం కథ తెలుసని, వాళ్ల దృష్టిలో రాముడు హీరో అయితే రావణుడు విలన్ అని యశ్ అన్నారు. ఒకరోజు తన కొడుకు పరిగెత్తుకుంటూ వచ్చి.. "నువ్వు రాముడి వేషం వేయకుండా, ఆ రావణుడి పాత్ర ఎందుకు చేస్తున్నావ్ డాడీ? రేపు థియేటర్‌లో బొమ్మ పడ్డాక నేను రాముడికి ఈలలు వేయాలా.. లేక నీకు సపోర్ట్ చేయాలా?" అని అడిగేసరికి తన మైండ్ బ్లాంక్ అయిపోయిందన్నారు.
యాక్టింగ్ వరకే చప్పట్లు కొట్టు!
ఆ చిన్నోడికి అసలు విషయం అర్థమయ్యేలా చెప్పడానికి యశ్‌కు అక్షరాలా చుక్కలు కనిపించాయట. ఆఖరికి "రావణుడు ఎంత పవర్‌ఫుల్ అయినా రాముడి ధర్మమే గెలుస్తుందని, కథ ప్రకారం మనమంతా రాముడి వైపే ఉండాలని" తన కొడుకుకు వివరించారు. స్క్రీన్ పై డాడీ యాక్టింగ్ బాగుంటే కేవలం చప్పట్లు కొట్టమని చెప్పి ఆ పిల్లాడిని కన్విన్స్ చేశారు.
నెగెటివ్ రోల్‌తో రాకింగ్ స్టార్ బౌండరీలు
స్టార్ డమ్ రాగానే ప్రతి హీరో కేవలం సేఫ్ గేమ్ ఆడాలని చూస్తాడు. కానీ యశ్ లాంటి పాన్ ఇండియా స్టార్, కెరీర్ అత్యున్నత దశలో ఉండి రావణాసురుడి లాంటి నెగెటివ్ రోల్ చేయడానికి ఒప్పుకోవడమే కాకుండా, దానికి స్వయంగా నిర్మాతగా మారడం నిజంగా గ్రేట్. ఇంట్లో పిల్లలకే రావణుడిని యాక్సెప్ట్ చేయడం కష్టంగా ఉందంటే.. రేపు థియేటర్లలో యశ్ ఆ పాత్రను ఎంత కన్విన్సింగ్‌గా, ఎంత ఇంటెన్స్‌గా పండించాలో అర్థం చేసుకోవచ్చు. ఒకవేళ యశ్ తన యాక్టింగ్‌తో రావణుడి పాత్రకు ప్రాణం పోస్తే మాత్రం.. ఇండియన్ సినిమా హిస్టరీలో ఒక హీరో విలన్‌గా మారి సాధించిన అతిపెద్ద కమర్షియల్ సక్సెస్‌గా 'రామాయణ' నిలిచిపోతుంది!
