అమితాబ్‌కు గ్లాస్ షీల్డ్: ముంబైని వణికిస్తున్న గ్యాంగ్!

ఒకప్పుడు ముంబై వీధుల్లో అండర్ వరల్డ్ గ్యాంగ్‌ల భయం ఉండేది. ఇప్పుడు మళ్లీ ఆ చీకటి రోజులు తిరిగొస్తున్నాయా? పగలు పూట జనం తిరిగే జుహు ఏరియాలో హీరో టైగర్ ష్రాఫ్‌పై జరిగిన ఫైరింగ్ చూస్తే సామాన్యుడికి సైతం ఇదే అనుమానం రాకమానదు. ఆటోల్లో తిరిగి స్టార్ హీరోల ఇళ్ల దగ్గర రెక్కీ చేసిన గ్యాంగ్ దెబ్బకు.. ఏకంగా అమితాబ్ బచ్చన్ లాంటి లెజెండ్ కూడా గ్లాస్ షీల్డ్ వెనుక నిలబడాల్సిన పరిస్థితి రావడం దేశవ్యాప్తంగా కలకలం రేపుతోంది. ఏ గూటి పక్షులను ఆ గూటికే పరిమితం చేసేలా బాలీవుడ్‌లో మొదలైన ఈ గన్ కల్చర్ ఇప్పుడు అందరినీ ఉలిక్కిపడేలా చేస్తోంది.

[FEATURED_IMAGE]

ఆటోల్లో రెక్కీ.. టార్గెట్ బాలీవుడ్!

టైగర్ ష్రాఫ్‌పై ఎటాక్ తర్వాత పోలీసుల దర్యాప్తులో మైండ్ బ్లాక్ అయ్యే నిజాలు బయటపడ్డాయి. సెక్యూరిటీ తక్కువగా ఉండే సెలబ్రిటీలను టార్గెట్ చేయాలని ఈ షూటర్స్ గ్యాంగ్ ప్లాన్ చేసింది. ఇందుకోసం ఏకంగా ముంబైలోని లోకల్ ఆటో డ్రైవర్లను వాడుకుంటూ అమితాబ్ బచ్చన్, సల్మాన్ ఖాన్, అక్షయ్ కుమార్, ఆమిర్ ఖాన్ లాంటి స్టార్ల ఇళ్ల దగ్గర ఆటోల్లో తిరుగుతూ పక్కాగా రెక్కీ నిర్వహించారు.

టైగర్ ష్రాఫ్‌పై ఎటాక్.. నెక్స్ట్ బిగ్ బినా?

ప్రతి ఆదివారం టైగర్ ష్రాఫ్ జుహు ఫుట్‌బాల్ గ్రౌండ్‌కు వస్తాడని పసిగట్టి అక్కడే ఫైరింగ్‌కు స్కెచ్ వేశారు. ఈ క్రమంలోనే అమితాబ్ బంగ్లా ‘జల్సా’ దగ్గర కూడా ఇదే గ్యాంగ్ రెక్కీ చేసినట్లు పోలీసుల ఎంక్వైరీలో తేలడంతో బచ్చన్ ఫ్యామిలీ టెన్షన్‌లో పడిపోయింది. ముంబై పోలీసుల అలర్ట్‌తో వెంటనే అప్రమత్తమై జల్సా దగ్గర సెక్యూరిటీని భారీగా పెంచేశారు.

అభిషేక్ భయం.. గ్లాస్ షీల్డ్ వెనుక అమితాబ్

ఓవైపు వయసు రీత్యా అమితాబ్ ఆరోగ్యం బాగోలేదని, పూర్తి విశ్రాంతి తీసుకోవాలని డాక్టర్లు సూచించారు. అయినా సరే ప్రతి ఆదివారం తన కోసం వచ్చే ఫ్యాన్స్‌ను నిరాశపరచకూడదని ఆయన బయటకు వచ్చారు. కానీ షూటర్ల రెక్కీ గురించి తెలిసిన కొడుకు అభిషేక్ బచ్చన్ ఏమాత్రం రిస్క్ చేయకుండా, స్వయంగా గేట్ దగ్గర నిలబడి ఒక గ్లాస్ క్యాబిన్ ఏర్పాటు చేయించి దాని వెనుక నుంచే అమితాబ్‌ను ఫ్యాన్స్‌కు చూపించారు.

ముంబైలో మళ్లీ అండర్ వరల్డ్ భయం?  

ప్రస్తుతం ‘కల్కి 2’ షూటింగ్‌తో పాటు ‘కేబీసీ’ కోసం సిద్ధమవుతున్న అమితాబ్, ఇలా ప్రాణభయంతో గ్లాస్ షీల్డ్ వెనుక నిలబడటం బాలీవుడ్ దుస్థితికి అద్దం పడుతోంది. సల్మాన్ ఖాన్ ఇంటి ముందు ఫైరింగ్, ఇప్పుడు టైగర్ ష్రాఫ్ టార్గెట్‌గా ఎటాక్, అమితాబ్ ఇంటి దగ్గర రెక్కీ.. ఇవన్నీ చూస్తుంటే ముంబైని మళ్లీ అండర్ వరల్డ్ గన్ కల్చర్ వెంటాడుతోందని స్పష్టమవుతోంది. స్టార్ హీరోల ఇళ్ల దగ్గరే ఆటోల్లో రెక్కీ చేసేంత ధైర్యం రౌడీలకు వచ్చిందంటే ఇంటెలిజెన్స్ వైఫల్యం ఎంతుందో అర్థం చేసుకోవచ్చు. పోలీసులు కేవలం వీఐపీలకు మాత్రమే సెక్యూరిటీ పెంచి వదిలేయకుండా, ఈ గ్యాంగుల మూలాలను పీకితేనే ముంబైలోని సామాన్య ప్రజలకు కూడా నిజమైన రక్షణ ఉంటుంది.