టాలీవుడ్ క్యారెక్టర్ ఆర్టిస్ట్ సురేఖా వాణికి సంబంధించిన ఓ ప్రైవేట్ వీడియో సోషల్ మీడియాలో లీకై తీవ్ర కలకలం రేపుతోంది. గత రెండు రోజులుగా తన పర్సనల్ కంటెంట్ నెట్టింట వైరల్ కావడంపై సురేఖా వాణి తీవ్ర ఆగ్రహం వ్యక్తం చేశారు. తన ఇన్‌స్టాగ్రామ్ ఖాతా హ్యాక్ అయిందని స్పష్టం చేసిన ఆమె, వ్యూస్ కోసం ఆ వీడియోలను షేర్ చేస్తే కఠినమైన సైబర్ క్రైమ్ కేసులు పెడతానంటూ మీమ్ పేజీలు, యూట్యూబ్ ఛానళ్లకు స్ట్రాంగ్ వార్నింగ్ ఇచ్చారు.
[FEATURED_IMAGE]సెలబ్రిటీల వ్యక్తిగత జీవితాలకు సంబంధించిన విషయాలు సోషల్ మీడియాలో లీక్ అవ్వడం ఈమధ్య కామన్ అయిపోయింది. వారి ప్రమేయం లేకుండా ప్రైవేట్ వీడియోలు, ఫొటోలు బయటకు రావడం తీవ్ర ఆందోళన కలిగిస్తోంది. తాజాగా టాలీవుడ్ పాపులర్ క్యారెక్టర్ ఆర్టిస్ట్ సురేఖా వాణి వంతు వచ్చింది. ఆమెకు సంబంధించిన ఒక ప్రైవేట్ వీడియో గత రెండు రోజులుగా ఇన్‌స్టాగ్రామ్ సహా అన్ని సోషల్ మీడియా ప్లాట్‌ఫామ్స్‌లో విపరీతంగా చక్కర్లు కొడుతోంది. దీనిపై కొందరు అసభ్య కామెంట్లు చేస్తుండగా, మరికొందరు ఆమె ప్రైవసీని ఉల్లంఘించడంపై మండిపడుతున్నారు.
అకౌంట్ హ్యాక్.. మీమ్ పేజీలకు స్ట్రాంగ్ వార్నింగ్!
ఈ వీడియో లీక్ వ్యవహారం ముదరడంతో సురేఖా వాణి స్వయంగా రంగంలోకి దిగారు. తన ఇన్‌స్టాగ్రామ్ అకౌంట్ హ్యాక్ గురైందని, తన ప్రమేయం లేకుండా కొందరు ఆకతాయిలు ఈ వ్యక్తిగత ఫొటోలు, వీడియోలను లీక్ చేశారని ఆమె ఓ నోట్ విడుదల చేశారు. ఈ కంటెంట్‌ను ఎవరు షేర్ చేసినా ఊరుకునేది లేదని తేల్చి చెప్పారు. ముఖ్యంగా సోషల్ మీడియా మీమ్ పేజీలు, మీడియా సంస్థలు, యూట్యూబ్ ఛానళ్లు కేవలం వ్యూస్, పబ్లిసిటీ కోసం ఒకరి పర్సనల్ లైఫ్‌ను వాడుకోవడం ఏమాత్రం కరెక్ట్ కాదని ఆమె హితవు పలికారు.
ప్రూఫ్స్ రెడీ.. సైబర్ క్రైమ్ కేసులు పక్కా!
తన ప్రైవేట్ వీడియోలను రీపోస్ట్ చేయడం వెంటనే ఆపాలని ఆమె డిమాండ్ చేశారు. ఇప్పటికే తన వీడియోను ఎవరెవరు వైరల్ చేస్తున్నారన్న వివరాలు, ప్రూఫ్స్ సేకరిస్తున్నామని ఆమె బాంబ్ పేల్చారు. ఆ వీడియోలను షేర్ చేసే వ్యక్తులు, సోషల్ మీడియా అకౌంట్లపై కఠినమైన చట్టపరమైన చర్యలు, సైబర్ క్రైమ్ కేసులు నమోదు చేస్తానని సురేఖా వాణి కరాఖండిగా చెప్పారు. ఈ విషయంలో తాను వెనక్కి తగ్గే ప్రశ్నే లేదని స్పష్టం చేయడంతో ట్రోలర్స్‌కు గట్టి వార్నింగ్ వెళ్లినట్లయింది.
2005 నుంచి ఇండస్ట్రీలో ఉన్న సురేఖా వాణి.. 'భద్ర', 'బొమ్మరిల్లు', 'ఏమాయ చేశావే', 'నాయక్' లాంటి బ్లాక్‌బస్టర్స్‌లో కీలక పాత్రలు పోషించారు. సినిమాలతో పాటు సోషల్ మీడియాలోనూ ఎప్పుడూ యాక్టివ్‌గా ఉండే ఆమె.. తన కూతురు సుప్రీతతో కలిసి చేసే డాన్స్ రీల్స్, స్టైలిష్ ఫొటోషూట్స్ ఎప్పుడూ ట్రెండింగ్‌లోనే ఉంటాయి. ఇప్పుడీ వీడియో లీక్ ఇష్యూ సైబర్ క్రైమ్ మెట్లు ఎక్కనుండటంతో దీనిపై పోలీసులు ఎలాంటి యాక్షన్ తీసుకుంటారన్నది ఆసక్తికరంగా మారింది.
