బరువు తగ్గాలని చాలామంది కోరుకుంటారు, కానీ వ్యాయామాలు మధ్యలోనే ఆపేస్తుంటారు. అలాంటి వారి కోసం వాము (అజ్వైన్) మరియు జీలకర్రతో తయారుచేసిన ఒక టీ అద్భుతమైన పరిష్కారం. ఈ టీని మూడు నెలల పాటు క్రమం తప్పకుండా తీసుకోవడం వల్ల బరువు తగ్గడంలో మంచి ఫలితాలు పొందవచ్చు. అంతేకాకుండా, ఈ టీతో బరువు తగ్గడమే కాకుండా మరిన్ని ఆరోగ్య ప్రయోజనాలు ఉన్నాయి.
వాము-జీలకర్ర టీ ప్రయోజనాలు
వాము, జీలకర్ర పొడిని ప్రతిరోజూ మూడు నెలల పాటు తీసుకోవడం వల్ల శరీరంలో పేరుకుపోయిన విషపదార్థాలు (టాక్సిన్స్) మలమూత్రాలు మరియు చెమట ద్వారా బయటకు వెళ్లిపోతాయి. అదనపు కొవ్వు మొత్తం కరిగిపోతుంది. రక్తం శుభ్రపడుతుంది. దీంతో చర్మంపై ఉన్న ముడతలు తగ్గి, యవ్వనంగా కనిపిస్తారు. ఎముకలు బలంగా తయారవుతాయి. కీళ్లు, మోకాళ్ల నొప్పులు తగ్గిపోతాయి. కంటి చూపు మెరుగవుతుంది. పళ్లు, చిగుళ్లు బలంగా, ఆరోగ్యంగా తయారవుతాయి. గతంలో తీసుకున్న అల్లోపతీ మందుల సైడ్ ఎఫెక్టులను కూడా తగ్గిస్తుంది. మలబద్ధకాన్ని తగ్గిస్తుంది, జీర్ణవ్యవస్థను మెరుగుపరుస్తుంది. రక్తప్రసరణ, గుండె పనితీరు మెరుగవుతుంది. దీర్ఘకాలికంగా దగ్గుతో బాధపడే వారికి ఇది చక్కటి ఔషధంగా పనిచేస్తుంది. మెదడు చురుగ్గా పనిచేస్తుంది. వినికిడి సమస్యలు తగ్గుతాయి. మధుమేహం (షుగర్) కూడా నియంత్రణలోకి వస్తుంది.
వాము-జీలకర్ర టీ తయారీ విధానం
ఒక గ్లాసు నీటిలో అర టీస్పూన్ వాము మరియు ఒక టీస్పూన్ జీలకర్ర వేసి కనీసం రెండు గంటల పాటు నానబెట్టండి. నానబెట్టిన ఆ నీటిని ఐదు నిమిషాల పాటు మరిగించండి. వేడి చేసిన నీటిని వడకట్టి, అందులో నాలుగు చుక్కల నిమ్మరసం కలుపుకొని తాగాలి. రుచి కోసం అల్లం లేదా పుదీనా ఆకులు కూడా కలుపుకోవచ్చు. నిమ్మరసం రుచి నచ్చకపోతే, ఒక టీస్పూన్ తేనె కూడా కలుపుకోవచ్చు.
