గ్లోబల్ స్టార్ రామ్ చరణ్ వరుస సినిమాలతో బాక్సాఫీస్ వద్ద దూసుకుపోతున్నారు. 'ఆర్ఆర్ఆర్' తర్వాత 'గేమ్ ఛేంజర్' సినిమాతో అలరించిన చరణ్, ప్రస్తుతం దర్శకుడు బుచ్చిబాబు సన (ఉప్పెన ఫేమ్) తెరకెక్కిస్తున్న 'పెద్ది' చిత్రంలో నటిస్తున్నారు. ఈ చిత్రంపై అంచనాలు భారీగా పెరిగిపోయాయి.
'పెద్ది' చిత్రాన్ని మైత్రీ మూవీ మేకర్స్, సుకుమార్ రైటింగ్స్ బ్యానర్లు సంయుక్తంగా నిర్మిస్తున్నాయి. బాలీవుడ్ బ్యూటీ జాన్వీ కపూర్ కథానాయికగా నటిస్తుండగా, ప్రతి అప్‌డేట్ మెగా అభిమానులను ఆకట్టుకుంది. ఇటీవల విడుదలైన గ్లింప్స్ సినిమాపై మరింత హైప్ క్రియేట్ చేసింది. ముఖ్యంగా చరణ్ మాస్ లుక్ మరియు నటన చూస్తుంటే సినిమా బ్లాక్ బస్టర్ హిట్ అవ్వడం ఖాయమంటున్నారు సినీ విశ్లేషకులు.
రామ్ చరణ్ 'పెద్ది' కోసం స్పెషల్ ట్రైనింగ్.. హాలీవుడ్ హీరోలా మేకోవర్!
కొన్ని రోజులుగా 'పెద్ది' షూటింగ్ శరవేగంగా జరుగుతోంది. స్పోర్ట్స్ మాస్ యాక్షన్ డ్రామాగా రూపొందుతున్న ఈ చిత్రాన్ని వచ్చే ఏడాది విడుదల చేయాలని మేకర్స్ ప్లాన్ చేస్తున్నారు. ఈ నేపథ్యంలో, రామ్ చరణ్ 'పెద్ది' సినిమా కోసం ప్రత్యేకంగా శిక్షణ తీసుకుంటున్నట్లు తెలుస్తోంది. అందుకు తగినట్లుగానే చరణ్ మేకోవర్ అయినట్లు కనిపిస్తుంది.
తాజాగా, చరణ్ తన ట్రైనింగ్ సమయంలో తీసిన ఫోటోను షేర్ చేస్తూ.. “చేంజ్ ఓవర్ ఫర్ పెద్ది..” అంటూ క్యాప్షన్ ఇచ్చారు. ఆ ఫోటోలో చరణ్ పూర్తిగా హాలీవుడ్ హీరోలా, గుబురు గడ్డం, జుట్టు, సిక్స్ ప్యాక్ బాడీతో ఊరమాస్ లుక్‌లో ఆశ్చర్యపరుస్తున్నారు. ఈ న్యూ లుక్ ఫోటోలు నెట్టింట వైరల్ అవుతుండగా, "ఇక బాక్సాఫీస్ దద్దరిల్లడం ఖాయం!" అంటూ ఫ్యాన్స్ కామెంట్స్ చేస్తున్నారు.
'పెద్ది'లో కీలక పాత్రలో శివరాజ్ కుమార్, ఏఆర్ రెహమాన్ సంగీతం!
'పెద్ది' సినిమాలో కన్నడ స్టార్ హీరో శివరాజ్ కుమార్ సైతం కీలక పాత్ర పోషించనున్నారు. ఈ సినిమాకు ఆస్కార్ విజేత ఏఆర్ రెహమాన్ సంగీతం అందిస్తుండటం విశేషం. వచ్చే ఏడాది ఈ సినిమాను రిలీజ్ చేయాలని మేకర్స్ సన్నాహాలు చేస్తున్నారు.
'పెద్ది'పై మీ అంచనాలు ఎలా ఉన్నాయి? రామ్ చరణ్ కొత్త లుక్‌పై మీ అభిప్రాయం ఏమిటి? క్రింద కామెంట్లలో తెలియజేయండి!
0 కామెంట్‌లు