ఢిల్లీ గాలి ఎందుకంత విషంగా మారింది?

 దేశ రాజధాని గాలి విషంగా మారింది, పీల్చలేక జనం ఉక్కిరిబిక్కిరి అవుతున్నారు. ఈ నరకానికి అసలు కారణం తెలిస్తే ఆశ్చర్యపోతారు!

ఢిల్లీలో వాయు కాలుష్యం పెచ్చరిల్లుతోంది. ఎటు చూసినా పీల్చేందుకు తగిన నాణ్యతలో గాలి లేదు. ఆక్సిజన్ లెవెల్స్ బాగా తగ్గిపోవడంతో జనాలు ఉక్కిరిబిక్కిరి అవుతున్నారు. ఈ గాలిని పీల్చుతూ ఊపిరితిత్తులు తీవ్ర ఒత్తిడికి గురవుతున్నాయని వైద్య నిపుణులు ఆందోళన చెందుతున్నారు.

460 దాటిన AQI.. డేంజర్ జోన్‌లో ఢిల్లీ!

ఢిల్లీలో గాలి కాలుష్యం ప్రమాదకర స్థాయికి చేరింది. బుధవారం ఉదయానికే ఎయిర్ క్వాలిటీ ఇండెక్స్ (AQI) 420 దాటింది. ఇది ఒక డేంజర్ సిగ్నల్ అని నిపుణులు హెచ్చరిస్తున్నారు. కేంద్ర కాలుష్య మండలి లెక్కల ప్రకారం, ఢిల్లీలోని మెజారిటీ ప్రాంతాల్లో AQI 400 దాటింది. వజీర్పూర్‌ వంటి కొన్ని ప్రాంతాల్లో ఇది ఏకంగా 460 దాటేయడం పరిస్థితి తీవ్రతకు అద్దం పడుతోంది.

ఆసుపత్రుల పాలు.. మాస్కులు తప్పనిసరి!

ఢిల్లీలో బయటకు రావాలంటే మాస్క్ పెట్టుకోవడం కచ్చితమని అధికారులు తెలియజేస్తున్నారు. ఈ కాలుష్యంతో కూడిన గాలిని పీల్చడం వల్ల చాలా మంది ఆసుపత్రుల పాలవుతున్నారు. అనేక మంది చర్మ వ్యాధులకు, ఆయాసంతో ఊపిరి పీల్చలేని పరిస్థితికి గురవుతున్నారు. గుండె జబ్బులు, ఇతర దీర్ఘ కాలిక వ్యాధిగ్రస్తులు అత్యంత జాగ్రత్తగా ఉండాలని సూచిస్తున్నారు.

పొరుగు రాష్ట్రాల పంటల వ్యర్థాలే కారణమా?

ఢిల్లీలో శీతాకాలంలో వాయు కాలుష్యం అధికం కావడానికి, చుట్టు పక్కన రాష్ట్రాల్లో పంటల వ్యర్థాలను కాల్చడమే ప్రధాన కారణమని అంటున్నారు. ఢిల్లీని ఆనుకుని ఉన్న యూపీ, హర్యానా, పంజాబ్ రాష్ట్రాల్లో రైతులు పంట వ్యర్థాలను సరిహద్దుల వద్ద తగలబెడుతున్నారు. ఈ పొగతో, అసలే కాలుష్యంతో నిండిన ఢిల్లీ మరింత అవస్థ పడుతోంది.

స్కూళ్లకు హైబ్రీడ్ విధానం

పంట వ్యర్థాల దహనాన్ని ఆపేందుకు ఆయా రాష్ట్రాల ప్రభుత్వాలతో కేంద్రం చర్చించాలని నిపుణులు కోరుతున్నారు. ఇదిలా ఉండగా, విద్యార్థుల ఆరోగ్యాన్ని దృష్టిలో ఉంచుకుని ఢిల్లీ ప్రభుత్వం కొన్ని నిర్ణయాలు తీసుకుంది. ఒకటి నుంచి ఐదో తరగతి చదివే విద్యార్ధులకు హైబ్రీడ్ విధానంలో (ఆన్‌లైన్/ఆఫ్‌లైన్) క్లాసులు అమలు చేయాలని ఢిల్లీ ముఖ్యమంత్రి రేఖా గుప్తా ఆదేశించారు.

మొత్తానికి, పొరుగు రాష్ట్రాల నుంచి వస్తున్న పొగ, స్థానిక కాలుష్యం కలిసి ఢిల్లీ గాలిని ఉక్కిరిబిక్కిరి చేస్తున్నాయి. ప్రజలు తీవ్ర భయాందోళనలకు గురవుతున్నారు.