కొత్త ఫోన్ కోసం చూస్తున్నారా? ఈ నెల 26 వరకు ఆగండి. ఈ ఫోన్ బ్యాటరీ మాత్రమే కాదు, సాఫ్ట్‌వేర్ కూడా ఏళ్ల తరబడి పాతబడదు!
.webp "iQOO 15 launches with 5 years of OS updates")
అవును, కొత్త ఫోన్ కొనాలని చూస్తున్న వారికి ఇది బిగ్ అప్డేట్. iQOO 15 స్మార్ట్‌ఫోన్ నవంబర్ 26న లాంచ్ కానుంది. ఈ స్మార్ట్‌ఫోన్ అత్యంత శక్తివంతమైన స్నాప్‌డ్రాగన్ 8 ఎలైట్ జెన్ 5 ప్రాసెసర్‌ను కలిగి ఉంటుంది.
5 ఏళ్ల OS అప్డేట్.. ఇదే ఫస్ట్ టైమ్!
ఈ ఫోన్‌తో iQOO ఒక సంచలన ప్రకటన చేసింది. మొదటిసారిగా iQOO 15 కొనుగోలుదారులకు ఐదు సంవత్సరాల వరకు OS అప్‌డేట్‌లను అందిస్తుంది. గిజ్మోచినా నివేదిక ప్రకారం, ఈ స్మార్ట్‌ఫోన్ ఐదు సంవత్సరాల OS అప్డేట్లు, ఏడు సంవత్సరాల సెక్యూరిటీ అప్డేట్లు పొందవచ్చని తెలుస్తోంది.
గతంలో iQOO 12 మోడల్‌కు కేవలం మూడు సంవత్సరాల అప్డేట్లు మాత్రమే ఇస్తామని చెప్పి, ఆ తర్వాత నాలుగు ఏళ్లకు పెంచారు. ఇప్పుడు ఏకంగా ఐదేళ్ల అప్డేట్ ఇస్తామని ప్రకటించడం గూగుల్, శాంసంగ్ వంటి కంపెనీలకు గట్టి పోటీ ఇవ్వనుంది.
స్పెసిఫికేషన్లు (లీక్)
iQOO 15 5G ఇండియాలో లాంచ్ కానుంది. ఇది చైనాలో లాంచ్ అయిన మోడల్ స్పెసిఫికేషన్లనే కలిగి ఉండే అవకాశం ఉంది. ఈ ఫోన్ స్నాప్‌డ్రాగన్ 8 ఎలైట్ జెన్ 5 ప్రాసెసర్, Q3 సూపర్‌కంప్యూటింగ్ చిప్, అడ్రినో 840 GPU తో రానుంది.
ఇందులో 6.85-అంగుళాల LTPO AMOLED డిస్‌ప్లే, 144Hz రిఫ్రెష్ రేట్, 2,600 నిట్స్ పీక్ బ్రైట్‌నెస్, HDR10+, డాల్బీ విజన్ వంటి ఫీచర్లు ఉన్నాయి.
7,000mAh బ్యాటరీ.. 100W ఛార్జింగ్!
ఈ ఫోన్‌లోని మరో ప్రధాన ఆకర్షణ దాని బ్యాటరీ. iQOO 15 ఏకంగా 7,000mAh భారీ బ్యాటరీతో రావచ్చు. దీనికి 100W వైర్డ్ ఛార్జింగ్, 40W వైర్‌లెస్ ఛార్జింగ్ సపోర్ట్ కూడా ఉండనుంది.
కెమెరా ఫీచర్లు
ఈ ఫ్లాగ్‌షిప్‌ ఫోన్‌లో కెమెరాలకు కూడా పెద్ద పీట వేశారు. OISతో 50MP ప్రైమరీ కెమెరా, 50MP అల్ట్రావైడ్ కెమెరా, 3x ఆప్టికల్ జూమ్‌తో 50MP పెరిస్కోప్ టెలిఫోటో కెమెరా ఉండవచ్చు. ముందు భాగంలో 32MP సెల్ఫీ కెమెరా ఉంటుంది. అదనంగా, ఇందులో ఇన్-డిస్‌ప్లే ఫింగర్ ప్రింట్ స్కానర్, Wi-Fi 7, బ్లూటూత్ 6.0, వేడిని తగ్గించడానికి 14,000mm² VC కూలింగ్ చాంబర్ వంటి ఫీచర్లు ఉన్నాయి.
గత సంవత్సరం లాంచ్ అయిన iQOO 13 స్మార్ట్‌ఫోన్‌తో పోలిస్తే iQOO 15 మరింత శక్తివంతమైన పనితీరును అందించనుంది. 5 ఏళ్ల OS అప్‌డేట్స్, భారీ 7,000mAh బ్యాటరీతో వస్తున్న ఈ ఫోన్ కోసం నవంబర్ 26 వరకు ఆగడం ఉత్తమ నిర్ణయం కావచ్చు.
