పంచాయతీ పోరుకు సీఎం రేవంత్ సై! డిసెంబర్ 1 నుంచి జిల్లాల్లో సుడిగాలి పర్యటన మొదలుపెట్టనున్నారు.. ఆయన షెడ్యూల్ ఎలా ఉందో చూసేయండి.
తెలంగాణ పల్లెల్లో ఎన్నికల వేడి రాజుకుంది. గ్రామ పంచాయతీ ఎన్నికల సమరానికి సిద్ధమవుతూ, ముఖ్యమంత్రి రేవంత్ రెడ్డి తన అస్త్రశస్త్రాలను సిద్ధం చేసుకున్నారు. ఎన్నికల ప్రచారంలో భాగంగా డిసెంబర్ 1 నుంచి 6వ తేదీ వరకు ఆయన జిల్లాల బాట పట్టనున్నారు. రోజుకో జిల్లా చొప్పున పర్యటిస్తూ క్యాడర్లో ఫుల్ జోష్ నింపనున్నారు.
జిల్లాల టూర్ షెడ్యూల్ ఇదే!
సీఎం రేవంత్ రెడ్డి పర్యటన వివరాలు ఇలా ఖరారయ్యాయి:
డిసెంబర్ 1: మహబూబ్ నగర్ జిల్లా (మక్తల్)
డిసెంబర్ 2: ఖమ్మం జిల్లా (కొత్తగూడెం)
డిసెంబర్ 3: కరీంనగర్ జిల్లా (హుస్నాబాద్)
డిసెంబర్ 4: ఆదిలాబాద్
డిసెంబర్ 5: వరంగల్ జిల్లా (నర్సంపేట)
డిసెంబర్ 6: నల్గొండ జిల్లా (దేవరకొండ)
మూడు విడతలుగా పోలింగ్.. తేదీలు ఇవే
మరోవైపు రాష్ట్ర ఎన్నికల కమిషనర్ రాణి కుముదిని ఇప్పటికే నోటిఫికేషన్ విడుదల చేయడంతో పల్లెల్లో సందడి మొదలైంది. మూడు విడతలుగా ఈ ఎన్నికల ప్రక్రియ జరగనుంది.
మొదటి దశ నామినేషన్లు నవంబర్ 27నే మొదలవ్వగా, పోలింగ్ డిసెంబర్ 11న జరగనుంది. ఇక రెండో దశకు నవంబర్ 30న, మూడో దశకు డిసెంబర్ 3న నామినేషన్ల ప్రక్రియ ప్రారంభమవుతుంది. డిసెంబర్ 14న రెండో దశ, 17న మూడో దశ పోలింగ్తో ఈ ఎన్నికల మహా క్రతువు ముగియనుంది.

