మీరు బంగారం కొందామని ప్లాన్ చేస్తున్నారా? అయితే ఒక్క నిమిషం ఆగండి. నిన్న రాత్రి (గురువారం) అంతర్జాతీయ మార్కెట్లో జరిగిన 'బంగారు' విధ్వంసం గురించి తెలిస్తే మీ గుండె వేగం పెరుగుతుంది. బంగారం అంటే సురక్షితమైన పెట్టుబడి అనుకుంటాం.. కానీ గంటల వ్యవధిలో అది చూపించిన నరకం చూసి దిగ్గజ ఇన్వెస్టర్లే వణికిపోయారు. కేవలం ఒక్క రోజులో బంగారం మార్కెట్ విలువ 5.5 ట్రిలియన్ డాలర్లు (లక్షల కోట్లు) అటూ ఇటూ అయిందంటే పరిస్థితి అర్థం చేసుకోవచ్చు. అసలు ఆ 55 నిమిషాల్లో ఏం జరిగింది? నిమిషానికి రూ.5 లక్షల కోట్లు ఎలా ఆవిరయ్యాయి?
ఆ 55 నిమిషాలు.. ఇన్వెస్టర్లకు నరకం!
'ది కోబెయిసీ లెటర్' (The Kobeissi Letter) నివేదిక ప్రకారం.. గురువారం రాత్రి (భారత కాలమానం ప్రకారం 8 గంటల నుంచి 9 గంటల మధ్య) బంగారం మార్కెట్ కుప్పకూలింది.
విధ్వంసం: కేవలం 55 నిమిషాల్లో బంగారం మార్కెట్ విలువ 3.2 ట్రిలియన్ డాలర్లు పతనమైంది.
షాకింగ్ లెక్క: అంటే నిమిషానికి 58 బిలియన్ డాలర్లు ఆవిరయ్యాయి. మన రూపాయిల్లో చెప్పాలంటే.. నిమిషానికి దాదాపు రూ.5 లక్షల కోట్లు మాయమయ్యాయన్నమాట!
రికార్డు: 2008 ఆర్థిక మాంద్యం సమయంలో కూడా బంగారం ఇంతలా ఊగిసలాడలేదు. ఇదే చరిత్రలో అతిపెద్ద వోలటాలిటీ (Volatility)
పడింది.. అంతే వేగంగా లేచింది!
అయితే సినిమా క్లైమాక్స్ లాగా.. పడిపోయినంత వేగంగానే బంగారం మళ్ళీ పుంజుకుంది. రాత్రి 9 గంటల తర్వాత మార్కెట్ ముగిసేలోపు.. కోల్పోయిన విలువలో 2.3 ట్రిలియన్ డాలర్లను తిరిగి రాబట్టుకుంది. మొత్తంగా చూస్తే ఒకే రోజులో 5.5 ట్రిలియన్ డాలర్ల హెచ్చుతగ్గులు జరిగాయి. ఇది గుండె ధైర్యం లేని వారికి ప్రాణాంతకమే.
అసలు ఎందుకిలా జరిగింది?
కేవలం నగలు కొనేవాళ్లు తగ్గితే ఈ పరిస్థితి రాదు. దీని వెనుక పెద్ద కారణాలే ఉన్నాయి.
అల్గారిథమ్ ట్రేడింగ్: ఇప్పుడు మనుషులు కాదు, కంప్యూటర్లు (AI & Algorithms) ట్రేడింగ్ చేస్తున్నాయి. ధర కొంచెం తగ్గగానే ఆటోమేటిక్ గా అమ్మేయడం, పెరగగానే కొనడం వంటివి సెకన్ల వ్యవధిలో జరగడం వల్లే ఈ తీవ్రత ఉంది.
లాభాల స్వీకరణ: రికార్డు స్థాయి ధరల వద్ద పెద్ద ఇన్వెస్టర్లు (Institutions) ఒక్కసారిగా అమ్మకాలకు దిగారు (Profit Booking).
ఈటీఎఫ్ (ETF) ప్రభావం: భౌతిక బంగారం కంటే.. పేపర్ గోల్డ్ (బాండ్లు, ఈటీఎఫ్) లదే ఇప్పుడు రాజ్యం.
బంగారం ఇప్పుడు 'సేఫ్' కాదు.. 'వైల్డ్'!
ఒకప్పుడు బంగారం అంటే స్థిరత్వం. ఇప్పుడు అది కూడా షేర్ మార్కెట్ లా మారిపోయింది. అంతర్జాతీయ యుద్ధాలు, ఆర్థిక అనిశ్చితి ఉన్నంత కాలం.. బంగారం ధరలు ఇలాగే "రోలర్ కోస్టర్" లా భయపెడుతూనే ఉంటాయి. చిన్న ఇన్వెస్టర్లు తస్మాత్ జాగ్రత్త!
