జియో హాట్స్టార్కు 'రెబల్' భయం.. సర్వర్లు పెంచేశారు! 'రాజాసాబ్' రాకతో ఓటీటీ షేక్.. ఆ ఒక్క క్లిక్ దెబ్బకు రికార్డులు బద్దలు
ప్రభాస్ సినిమా వస్తుందంటే బాక్సాఫీస్ రికార్డులు బద్దలవ్వడం కామన్. కానీ ఒక ఓటీటీ ప్లాట్ఫామ్ సినిమా రిలీజ్ కాకముందే భయపడి సర్వర్లు పెంచేసుకోవడం ఎప్పుడైనా చూశారా? ఇప్పుడు అదే జరుగుతోంది. పాన్ ఇండియా స్టార్ ప్రభాస్ (Prabhas) నటించిన ‘ది రాజాసాబ్’ (The RajaSaab) ఓటీటీ రాకకోసం జియో హాట్స్టార్ వణికిపోతోంది. సినిమా ఇంకా స్ట్రీమింగ్ కాకముందే ప్లాట్ఫామ్ ట్రాఫిక్ జామ్ అయ్యిందంటే పరిస్థితి అర్థం చేసుకోండి. అసలు జియో హాట్స్టార్ రిలీజ్ చేసిన ఆ 'అర్జెంటు లేఖ'లో ఏముంది? ఎందుకు ఫ్యాన్స్ ఇంతలా ఎగబడుతున్నారు?
స్ట్రీమింగ్ కాకముందే.. సర్వర్లు హీటెక్కాయి!
ప్రభాస్, మారుతి కాంబినేషన్లో వచ్చిన హారర్ కామెడీ ఎంటర్టైనర్ ‘ది రాజాసాబ్’ ఫిబ్రవరి 6న జియో హాట్స్టార్లో గ్రాండ్ గా స్ట్రీమింగ్ కానుంది. అయితే థియేటర్లో చూడని సన్నివేశాలను కలిపి ‘ఎక్స్టెండెడ్ వెర్షన్’ (Extended Version) రిలీజ్ చేస్తున్నట్లు ప్రకటించడంతో ఫ్యాన్స్ లో ఆసక్తి తారాస్థాయికి చేరింది. సినిమా ఎప్పుడెప్పుడు వస్తుందా అని ఎదురుచూస్తున్న అభిమానులు, నోటిఫికేషన్ కోసం ‘రిమైండ్ మి’ (Remind Me) బటన్లను తెగ నొక్కేస్తున్నారు. దీంతో ఒక్కసారిగా ప్లాట్ఫామ్ పై ట్రాఫిక్ విపరీతంగా పెరిగిపోయింది.
జియో హాట్స్టార్ అధికారిక ప్రకటన.. 'మేం సిద్ధం'
ఈ ప్రభంజనం చూసి జియో హాట్స్టార్ టీమ్ అలర్ట్ అయ్యింది. "ఈరోజు మా ప్లాట్ఫామ్ పై మునుపెన్నడూ లేనంత ట్రాఫిక్ చూస్తున్నాం. ‘రిమైండ్ మి’ బటన్ క్లిక్స్ ఆల్ టైమ్ హై రికార్డులను తాకాయి. ఈ ఆదరణను దృష్టిలో ఉంచుకుని, రిలీజ్ రోజు ఎలాంటి అంతరాయం కలగకుండా మా సర్వర్లను అప్గ్రేడ్ చేశాం" అని అధికారికంగా ఒక లేఖ విడుదల చేసింది. "గ్రేట్ యాంటిసిపేషన్ కు గ్రేటర్ రెస్పాన్సిబిలిటీ కావాలి" అంటూ ప్రభాస్ క్రేజ్ ను ప్లాట్ఫామ్ కూడా అంగీకరించింది. రాజాసాబ్ వేలో సినిమాటిక్ ఎక్స్ పీరియన్స్ ఇవ్వడానికి తాము రెడీగా ఉన్నామని ప్రకటించింది.
గ్లామర్ డోస్.. ఎక్స్టెండెడ్ కిక్
మారుతి దర్శకత్వంలో వచ్చిన ఈ చిత్రంలో నిధి అగర్వాల్, మాళవిక మోహనన్, రిద్ధి కుమార్ హీరోయిన్లుగా నటించి కనువిందు చేశారు. టీ.జీ.విశ్వప్రసాద్ నిర్మించిన ఈ చిత్రం ఇప్పుడు ఓటీటీలో అదనపు హంగులతో వస్తుండటంతో.. ఫిబ్రవరి 6న డిజిటల్ స్క్రీన్లు షేక్ అవ్వడం ఖాయంగా కనిపిస్తోంది. సినిమా రాకముందే పరిస్థితి ఇలా ఉంటే.. వచ్చాక జియో హాట్స్టార్ ఏ రేంజ్ లో క్రాష్ అవుతుందోనని నెటిజన్లు సరదాగా కామెంట్స్ చేస్తున్నారు.
ఇది జస్ట్ శాంపిల్ మాత్రమే.. అసలు సినిమా ముందుంది!
స్ట్రీమింగ్ కు ముందే ఓటీటీకి వార్నింగ్ బెల్ మోగింది. డార్లింగ్ ఫ్యాన్స్ ఆకలి మీదున్నారు.. సర్వర్లు జాగ్రత్త!
