శత్రువుల గుండెల్లో వణుకు పుట్టించే ఇజ్రాయెల్ గూఢచార సంస్థ 'మొస్సాద్'. ఈ సంస్థ చీకటి సామ్రాజ్యంలో పనిచేస్తూ, దేశం కోసం ప్రాణాలర్పించిన ఒక అదృశ్య వీరుడి అసలు కథ ఇప్పుడు ప్రపంచాన్ని ఉలిక్కిపడేలా చేస్తోంది. ఇరాన్పై ఇజ్రాయెల్ సృష్టించిన భారీ విధ్వంసం వెనుక ఉన్న ఆ మాస్టర్మైండ్.. తన చివరి శ్వాస వరకు దేశం కోసమే పోరాడి సైలెంట్గా కన్నుమూశాడు. ఇంతకీ ఎవరా హీరో?
ఆపరేషన్ వెనుక అదృశ్య వీరుడు!
మొస్సాద్ డైరెక్టర్ డేవిడ్ బార్నియా ఇటీవల జరిగిన మొస్సాద్ రిమెంబరెన్స్ డే (స్మారక దినోత్సవం) వేదికగా ఒక సంచలన నిజం బయటపెట్టారు. ఇరాన్పై ఇజ్రాయెల్ చేపట్టిన చారిత్రాత్మక రహస్య దాడుల వెనుక కీలక పాత్ర పోషించిన ఒక అగ్రశ్రేణి ఆపరేటివ్ విదేశాల్లో జరిగిన ఓ ఆపరేషన్లో ప్రాణాలు కోల్పోయాడని వెల్లడించారు. దేశం ప్రతిష్టాత్మకంగా చేపట్టిన "ఆపరేషన్ రోరింగ్ లయన్" (Operation Roaring Lion) తొలిదశ వ్యూహాలకు పునాదులు వేసిన ఆ మహాయోధుడు ఇక లేడని బార్నియా భావోద్వేగానికి గురయ్యారు.
అతనే మిస్టర్ 'ఎం'.. తెలివికి మారుపేరు!
మొదట్లో ఆయన నిజమైన పేరు, మరణించిన సమయం, కారణం ఏదీ బయటపెట్టకుండా కేవలం 'ఎం' (M) అని మాత్రమే బార్నియా సంబోధించారు. ఇరాన్పై ఇజ్రాయెల్ సాధించిన విజయాల్లో ఈ 'ఎం' పాత్ర అసాధారణమైనదని కొనియాడారు. అద్భుతమైన సృజనాత్మకత, నక్కజిత్తుల వ్యూహాలు, అత్యున్నత సాంకేతికతను మేళవించి శత్రువులకు సింహస్వప్నంగా మారాడని ప్రశంసించారు. ఆపరేషన్ రోరింగ్ లయన్ ముమ్మరంగా జరుగుతున్న సమయంలో.. దేశం కోసం విదేశీ గడ్డపై విధినిర్వహిస్తూ నేలకొరిగిన 'ఎం' జ్ఞాపకాలే తన మదిలో మెదిలాయని డైరెక్టర్ గుర్తుచేసుకున్నారు.
ముసుగు తొలగించిన మీడియా.. ఇటలీ సరస్సులో విషాదం!
బార్నియా ప్రకటన తర్వాత ఇజ్రాయెల్ మీడియా ఈ మిస్టర్ 'ఎం' అసలు రూపాన్ని ప్రపంచానికి పరిచయం చేసింది. అతనే 50 ఏళ్ల ఎరెజ్ షిమోని (Erez Shimoni). మొస్సాద్ మాజీ ఏజెంట్ అయిన ఇతడు.. 28 మే 2023న ఉత్తర ఇటలీలోని మాగియోర్ సరస్సులో జరిగిన ఒక ఘోర పడవ ప్రమాదంలో ప్రాణాలు కోల్పోయాడు. ఆ పర్యాటక పడవ బోల్తా పడిన ఘటనే అతని పాలిట మృత్యుపాశమైంది. ఆ సమయంలోనే ప్రధానమంత్రి కార్యాలయం స్పందిస్తూ.. అతని అత్యంత రహస్య సేవల దృష్ట్యా అతని కార్యకలాపాల వివరాలను ఎట్టిపరిస్థితుల్లో బయటపెట్టలేమని ప్రకటించడం గమనార్హం.
ఆపరేషన్ రోరింగ్ లయన్.. సింహ గర్జన!
ఫిబ్రవరి 2026 చివర్లో ఇరాన్ ఇస్లామిక్ పాలనపై ఇజ్రాయెల్, అమెరికా సంయుక్తంగా జరిపిన భారీ సైనిక, ఇంటెలిజెన్స్ దాడులకే ఇజ్రాయెల్ "ఆపరేషన్ రోరింగ్ లయన్" అని కోడ్ నేమ్ పెట్టింది. ఇదే ఆపరేషన్ను అమెరికా అధికారికంగా "ఆపరేషన్ ఎపిక్ ఫ్యూరీ" (Operation Epic Fury) గా పిలుస్తోంది.
ఈ భారీ ఎత్తున జరిగిన ఆపరేషన్కు భూగర్భంలో ఉండి పక్కా స్కెచ్ గీసింది, గట్టి పునాదులు వేసింది ఎరెజ్ షిమోనియే. తాను రక్తం చిందించి వేసిన పునాదులపై నిర్మితమైన ఆ మహా విజయాన్ని, ఆ తుది పోరాటాన్ని కళ్లారా చూసే అదృష్టానికి ఆయన నోచుకోకపోయినా.. ఇజ్రాయెల్ చరిత్రలో అతనొక చిరస్థాయిగా నిలిచిపోయే నిజమైన దేశభక్తుడు!
Also Read:
US Iran Naval Blockade: దిగ్బంధనాన్ని ఛేదించిన ఇరాన్Russia Economic Crisis: కూలుతున్న రష్యా ఆర్థిక వ్యవస్థ
ప్రాణభయంతో పరుగులు.. జర్మనీ గురుద్వారాలో అసలేం జరిగింది?
విమానంలో వేల కోట్ల నగదు.. ఒబామా, బైడెన్లపై ట్రంప్ సంచలన ఆరోపణలు
సముద్రంలో నౌకల వేట.. అమెరికాపై ప్రతీకారం తీర్చుకుంటామన్న ఇరాన్
