ఐపీఎల్ ఫీవర్ మీ నరనరాల్లో ప్రవహిస్తోందా? టీవీ ముందు కూర్చుని మ్యాచ్ చూస్తే అది కిక్.. అదే నడిరోడ్డుపై బండి నడుపుతూ స్కోర్ చూస్తే అది ప్రాణాలకు చెక్! మీరు చేసే ఈ చిన్న నిర్లక్ష్యం వెనుక.. మీ కోసం ఎదురుచూసే ఒక కుటుంబం అనాథగా మారుతుందన్న భయంకరమైన నిజం మీకు తెలుసా? రోడ్డు భద్రతను గాలికి వదిలేసి కొందరు చేస్తున్న పిచ్చి పనులపై సీపీ సజ్జనార్ ఇచ్చిన కళ్లు చెదిరే వార్నింగ్.. ప్రతి వాహనదారుడి గుండెల్లో నాటుకోవడం ఖాయం!
రోడ్డుపై డెత్ మ్యాచ్.. భయపెడుతున్న వీడియో!
భారతీయులకు క్రికెట్ అనేది కేవలం ఆట కాదు, అదొక పవర్ ఫుల్ ఎమోషన్. అందులోనూ ఐపీఎల్ సీజన్ నడుస్తుంటే అభిమానులకు పూనకాలు రావడం సహజం. తమ ఫేవరెట్ టీమ్ గెలవాలని ఒక్క బంతి కూడా మిస్ కాకుండా చూస్తుంటారు.
కానీ, ఆ అభిమానం ప్రాణాలు తీసే పిచ్చిగా మారితే ఎంత భయంకరంగా ఉంటుందో తెలిపే ఒక ఘటన ఇప్పుడు నెట్టింట వైరల్ అవుతోంది. స్కూటీ నడుపుతూ, హ్యాండిల్పై ఫోన్ పెట్టుకుని ఏమాత్రం ట్రాఫిక్ రూల్స్ పట్టించుకోకుండా ఐపీఎల్ మ్యాచ్ చూస్తున్న ఒక యువకుడి వీడియో గుండెలు జలదరించేలా చేస్తోంది.
యముడి దగ్గర డెత్ రివ్యూ సిస్టమ్ ఉండదు!
ఈ వీడియోపై సైబరాబాద్ మాజీ సీపీ సజ్జనార్ ఎక్స్ (ట్విట్టర్) వేదికగా తీవ్రంగా స్పందించారు. క్రికెట్ పరిభాషలోనే ఆ యువకుడికి, నెటిజన్లకు దిమ్మతిరిగే చురకలు అంటించారు. "మీరు చూసే ఐపీఎల్ మ్యాచ్లో అంపైర్ నిర్ణయం నచ్చకపోతే డెసిషన్ రివ్యూ సిస్టమ్ (DRS) అడిగే ఛాన్స్ ఉంటుంది. కానీ, పైనున్న యమధర్మరాజు దగ్గర 'డెత్ రివ్యూ సిస్టమ్' మాత్రం అస్సలు ఉండదు" అంటూ కఠోర వాస్తవాన్ని కుండబద్దలు కొట్టారు.
గ్రౌండ్లో వికెట్ పడితే ప్లేయర్ కేవలం పెవిలియన్కి వెళ్తాడని.. కానీ రోడ్డు మీద నిర్లక్ష్యంగా డ్రైవింగ్ చేస్తూ మీ వికెట్ పారేసుకుంటే పర్మనెంట్గా పైకే వెళ్తారని ఆయన తీవ్రంగా హెచ్చరించారు.
ప్రాణాలు తీసే వెర్రి పిచ్చి.. బౌల్డ్ అవ్వకండి!
మొబైల్ ఫోన్లో స్కోర్ బోర్డ్ చూస్తూ మీ అమూల్యమైన జీవితాన్ని 'జీరో'కి క్లీన్ బౌల్డ్ చేసుకోవద్దని సజ్జనార్ సూచించారు. క్రికెట్ మ్యాచ్లో రివ్యూ అడిగే ఛాయిస్ ఉంటుంది కానీ, రోడ్డు ప్రమాదంలో ఆ ఛాన్స్, ఛాయిస్ రెండూ అస్సలు ఉండవన్నారు.
ఇలాంటి ర్యాష్ డ్రైవింగ్ వల్ల కేవలం ఆ యువకుడి ప్రాణాలకే కాకుండా, రోడ్డుపై వెళ్లే అమాయక వాహనదారులకు కూడా పెను ముప్పు పొంచి ఉందని పోలీసులు స్పష్టం చేస్తున్నారు.
మీరు చూసే IPLలో Decision Review System(DRS) ఉంటుంది... కానీ యమధర్మరాజు దగ్గర 'Death Review System' మాత్రం అస్సలు ఉండదు!
— V.C. Sajjanar, IPS (@SajjanarVC_IPS) April 24, 2026
గ్రౌండ్లో వికెట్ పడితే ప్లేయర్ పెవిలియన్కి వెళ్తాడు.. కానీ రోడ్డు మీద ఇలా నిర్లక్ష్యంగా డ్రైవింగ్ చేస్తూ మీ వికెట్ పారేసుకుంటే, మీరు పర్మనెంట్గా పైకి… pic.twitter.com/RFk4UpX81Q
కర్మ అనుభవించక తప్పదు.. జనం ఆగ్రహం!
సురక్షిత ప్రయాణం గురించి ప్రభుత్వం ఎన్ని అవగాహన కార్యక్రమాలు చేపడుతున్నా.. కొందరి నిర్లక్ష్యం కుటుంబాలను తీవ్ర విషాదంలోకి నెట్టేస్తోందని నెటిజన్లు సైతం మండిపడుతున్నారు. మనం చేసే చర్యే మన కర్మను నిర్ణయిస్తుందని, సురక్షిత ప్రయాణమే సురక్షిత గమ్యానికి ఏకైక మార్గమని కామెంట్లు పెడుతున్నారు. క్రికెట్ అభిమానాన్ని టీవీకో, స్టేడియానికో పరిమితం చేయాలి కానీ, రోడ్డుపైకి తీసుకురావొద్దని నెటిజన్లు సైతం డిమాండ్ చేస్తున్నారు.
మీకు ఐపీఎల్ మ్యాచ్ గెలవడం ముఖ్యం కావొచ్చు.. కానీ ప్రాణాలతో ఇంటికి వస్తారని గుమ్మం దగ్గర ఎదురుచూసే మీ కుటుంబానికి 'మీరు' మాత్రమే ముఖ్యం! క్రికెట్ మీద ఇష్టం ఉండొచ్చు కానీ, అది ఎదుటివారి ప్రాణాలు తీసే వెర్రి పిచ్చి కాకూడదు. ఫోన్ పక్కన పెట్టండి.. రోడ్డుపై ఏకాగ్రత పెట్టండి.. బి సేఫ్, డ్రైవ్ సేఫ్!
Also Read:
Duscherla Satyanarayana: దుశ్చర్ల సత్యనారాయణపై దాడిSecunderabad Railway Station: నవీకరణకు ఆర్టీసీ బ్రేక్!
Double Decker Corridor | సిగ్నల్స్ దాటే నరకానికి చెక్: ఎల్బీనగర్లో ఆకాశ మార్గం!
ఆర్టీసీ కార్మికులకు రేవంత్ సర్కార్ భరోసా.. ఆత్మహత్యలు వద్దని సీఎం విజ్ఞప్తి!
Jawaharnagar Dumping Yard: హైదరాబాద్లో మీథేన్ బాంబు
