.webp)
.webp "US Navy Fully Blockades Iran Ports After Donald Trump Severe Warning")
పశ్చిమాసియాలో సముద్రపు అలలు ఇప్పుడు నెత్తుటి రంగు పులుముకుంటున్నాయి! మూడో ప్రపంచ యుద్ధం ముప్పు మన ముంగిట కరాళ నృత్యం చేస్తోంది. ఇస్లామాబాద్ వేదికగా జరిగిన శాంతి చర్చలు దారుణంగా విఫలమవడంతో, అగ్రరాజ్యం అమెరికా తన విశ్వరూపాన్ని ప్రదర్శిస్తోంది. తాను ఇచ్చిన వార్నింగ్ ఏమాత్రం గాలి మాట కాదని నిరూపిస్తూ.. అమెరికా అధ్యక్షుడు డొనాల్డ్ ట్రంప్ ఇరాన్ గొంతు నులిమే అతిపెద్ద ఆపరేషన్కు తెరతీశారు. గల్ఫ్ ప్రాంతమంతా ఇప్పుడు భయంకరమైన యుద్ధ వాతావరణంతో వణికిపోతోంది. ఏ క్షణాన ఏ ఓడ పేలిపోతుందో తెలియని ఉత్కంఠ మధ్య, అసలు సముద్ర గర్భంలో ఏం జరుగుతోందో తెలిపే మైండ్ బ్లాంక్ అయ్యే రిపోర్ట్ ఇది!
ఉక్కుపాదం మోపిన అగ్రరాజ్యం.. ఇరాన్ పోర్టుల దిగ్బంధనం!
ఇరాన్ను ఆర్థికంగా, సైనికంగా ఊపిరితియ్యకుండా చేసేందుకు అమెరికా నేవీ నేరుగా రంగంలోకి దిగింది. ట్రంప్ ఆదేశాలతో ఇరాన్ పోర్టులను పూర్తిస్థాయిలో దిగ్బంధించే (బ్లాకేడ్) భయంకరమైన ప్రక్రియను ప్రారంభించింది.
దీనికోసం మరిన్ని భారీ సైనిక బలగాలను సముద్రంలోకి దించిన అమెరికా.. ఇరాన్ పోర్టుల వద్దకు వచ్చే, వెళ్లే ప్రతి నౌకనూ అత్యంత కఠినంగా అడ్డుకుంటోంది. ఇరాన్ రేవులకు రాకపోకలు సాగించే సముద్ర మార్గాలను సోమవారం సాయంత్రం నుంచి పూర్తిగా మూసివేస్తామని అమెరికా సెంట్రల్ కమాండ్ (సెంట్కామ్) ముందుగానే గడువు విధించింది. ఆ డెడ్లైన్ ప్రకారం ఇప్పుడు సముద్రం అమెరికా గుప్పిట్లోకి వెళ్లిపోయింది.
ఈ నిర్బంధన ఆపరేషన్ కోసం అమెరికా ఏకంగా 15కి పైగా భయంకరమైన యుద్ధ నౌకలను మోహరించింది. అందులో తేలికపాటి ఎఫ్-35 యుద్ధ విమానాలను మోసుకెళ్లే 'యూఎస్ఎస్ ట్రిపోలి'తో పాటు 'ఎంవీ-22 ఓస్ప్రేస్' లాంటి అత్యాధునిక విమానవాహక నౌకలు ఉండటం పరిస్థితి తీవ్రతకు అద్దం పడుతోంది.
స్థానిక కాలమానం ప్రకారం సోమవారం మధ్యాహ్నం 2 గంటల నుంచే అమెరికా నేవీ.. అరేబియన్ గల్ఫ్, గల్ఫ్ ఆఫ్ ఒమన్తో సహా ఇరాన్ తీర ప్రాంతాల్లోని ఓడరేవులకు వచ్చేపోయే అన్ని నౌకలను అడ్డుకుంటున్నట్లు సెంట్కామ్ అధికారికంగా నిర్ధారించింది.
సముద్ర గర్భంలో 158 నౌకలు.. ట్రంప్ సంచలన వార్నింగ్!
ఈ దిగ్బంధనం వేళ అమెరికా అధ్యక్షుడు డొనాల్డ్ ట్రంప్ ఇరాన్కు వెన్నులో వణుకు పుట్టే వార్నింగ్ ఇచ్చారు. ఇరాన్ నౌకలు గనక తమను అడ్డుకునే ప్రయత్నం చేస్తే నిర్దాక్షిణ్యంగా పేల్చేస్తామని హెచ్చరించారు. సొంత ఓడరేవుల వద్దకు ఇరాన్ నౌకలు వెళ్లాలన్నా ఇప్పుడు తమ అనుమతి తీసుకోవాల్సిందేనని ఆయన ఉద్ఘాటించారు.
"ఇరాన్ నేవీ శక్తి ఇప్పటికే సన్నగిల్లింది. వాళ్లకు చెందిన 158 యుద్ధ నౌకలు పూర్తిగా నాశనమై సముద్ర గర్భంలో కలిసిపోయాయి" అంటూ ట్రంప్ తన సొంత సోషల్ మీడియా ఖాతాలో ఒక మైండ్ బ్లాంక్ అయ్యే పోస్ట్ పెట్టారు.
"మా దాడికి గురికానివి వారి వద్ద ఉన్న 'ఫాస్ట్ అటాక్ షిప్స్' అని పిలుచుకునే కొద్ది సంఖ్యలోని చిన్న నౌకలు మాత్రమే.. ఎందుకంటే వాటిని మేము పెద్ద ముప్పుగా పరిగణించలేదు. కానీ ఒక కఠినమైన హెచ్చరిక: ఈ నౌకలలో ఏవైనా సరే మా దిగ్బంధనానికి సమీపంలోకి వస్తే, సముద్రంలో పడవల్లో తిరిగే డ్రగ్స్ వ్యాపారులపై మేము అనుసరించే విధ్వంసక పద్ధతినే ఉపయోగించి వాటిని తక్షణమే పేల్చేస్తాం" అని ట్రంప్ సింహంలా గర్జించారు.
అదే పోస్టులో ఆయన మరో ఆసక్తికరమైన విషయాన్ని పంచుకుంటూ.. "సముద్ర మార్గం ద్వారా అమెరికాలోకి వచ్చే 98.2 శాతం డ్రగ్స్ పూర్తిగా నిలిచిపోయాయి. ఈ విషయంపై మీ శ్రద్ధకు ధన్యవాదాలు... ప్రెసిడెంట్ డొనాల్డ్ ట్రంప్" అని ముగించారు. "మా ఆంక్షల పరిధిలోకి ఏ ఇరాన్ నౌక వచ్చినా క్షణాల్లోనే ధ్వంసం చేస్తాం" అంటూ ట్రంప్ మరోసారి కఠిన హెచ్చరిక జారీ చేశారు.
ఇరాన్ ఫైర్.. చర్చల ఫ్లాప్కు మీరే కారణం!
అమెరికా చేస్తున్న ఈ దూకుడు చర్యలను ఇరాన్ అత్యంత తీవ్రంగా ఖండించింది. అంతర్జాతీయ జలాల్లో నౌకల రాకపోకలపై ఇలా ఏకపక్షంగా ఆంక్షలు విధించడం పూర్తిగా చట్టవిరుద్ధమని ఇరాన్ సైనిక విభాగం 'ఇస్లామిక్ రివల్యూషనరీ గార్డ్ కార్ప్స్' (IRGC) స్పష్టం చేసింది.
మరోవైపు ఇస్లామాబాద్ వేదికగా అమెరికాతో జరిగిన శాంతి చర్చలు ఫలించలేదని ఇరాన్ విదేశాంగ మంత్రి అబ్బాస్ అరాఘ్చీ అధికారికంగా వెల్లడించారు. ఈ చర్చలు ఇలా ఫ్లాప్ అవ్వడానికి నూటికి నూరు శాతం అమెరికా మొండి వైఖరే కారణమని ఆయన తీవ్ర ఆరోపణలు చేశారు.
ఇదిలా ఉండగా, ఆ శాంతి చర్చల నుంచి వైదొలగిన తర్వాత అమెరికా ఉపాధ్యక్షుడు జేడీ వాన్స్తో తాను జరిపిన కీలక టెలిఫోన్ సంభాషణ వివరాలను ఇజ్రాయెల్ ప్రధాని బెంజమిన్ నెతన్యాహు వెల్లడించారు. సోమవారం జరిగిన క్యాబినెట్ సమావేశంలో ఆయన ఈ ఫోన్ కాల్ సారాంశాన్ని తన మంత్రులతో పంచుకున్నారు.
లెబనాన్పై ఇజ్రాయెల్ బాంబుల వర్షం..
ఒకపక్క అమెరికా సముద్రంలో ఉక్కుపాదం మోపుతుంటే.. మరోపక్క దక్షిణ లెబనాన్పై ఇజ్రాయెల్ సైన్యం అత్యంత భీకర దాడులు ప్రారంభించింది. మరూబ్ పట్టణంలో సోమవారం జరిగిన బాంబు దాడుల్లో కనీసం నలుగురు అమాయకులు ప్రాణాలు కోల్పోయారు.
హెజ్బొల్లా మిలిటెంట్లతో కొనసాగుతున్న భీకర ఘర్షణల నడుమ, 'బింట్ జెబిల్' పట్టణాన్ని ఇజ్రాయెల్ బలగాలు పూర్తిగా తమ వశం చేసుకున్నాయి. దీంతో ఆ ప్రాంతం అంతటా తీవ్రమైన ఉద్రిక్తతలు కొనసాగుతున్నాయి.
పశ్చిమాసియా ఇప్పుడు ఒక అగ్నిపర్వతంపై కూర్చుంది. డొనాల్డ్ ట్రంప్ విధించిన ఈ సముద్ర దిగ్బంధనం కేవలం ఇరాన్కు మాత్రమే కాదు, గ్లోబల్ ఎకానమీకే ఒక అతిపెద్ద మాస్టర్ స్ట్రోక్. ఇరాన్ తన ఇగోకి పోయి ఒక్క తప్పు చేసినా, ట్రంప్ చెప్పినట్లు ఆ నౌకలు పేలిపోవడం ఖాయం. ఒకవేళ అదే జరిగితే.. ముడి చమురు సరఫరా ఆగిపోయి రేపు ఉదయంకల్లా మన దేశంలో పెట్రోల్ ధరలు ఆకాశాన్ని తాకడం ఖాయం. ఎవరికి వారు ఆర్థికంగా అప్రమత్తంగా ఉండి, రాబోయే ఇంధన సంక్షోభానికి ఇప్పటినుంచే సిద్ధపడటం అత్యంత అవసరం!
Also Read:
విమానం నుంచే జేడీ వాన్స్ ఫోన్ కాల్.. ఇరాన్ గుట్టు విప్పిన నెతన్యాహు!US China Trade War : చైనాపై 50% సుంకాలు, ట్రంప్ వార్నింగ్
China New District : పీవోకే సరిహద్దుల్లో డ్రాగన్ నయా కుట్ర
బ్రేకింగ్: హార్ముజ్ జలసంధిలో అమెరికా దిగ్బంధనం.. ఇరాన్, చైనాకు షాక్!
ఉగాండా ఆర్మీ చీఫ్ వింత కోరిక: వన్ బిలియన్ డాలర్లు, టర్కీలో అందమైన యువతి కావాలట!
