[FEATURED_IMAGE]
'సార్', 'లక్కీ భాస్కర్' వంటి కమర్షియల్ బ్లాక్బస్టర్స్ తర్వాత దర్శకుడు వెంకీ అట్లూరి డైరెక్షన్లో వస్తున్న భారీ ఫ్యామిలీ ఎంటర్టైనర్ 'విశ్వనాథ్ అండ్ సన్స్'. సితార ఎంటర్టైన్మెంట్స్ బ్యానర్పై నాగవంశీ, సాయి సౌజన్య ఎంతో ప్రతిష్టాత్మకంగా నిర్మించిన ఈ సినిమాలో ప్రేమలు ఫేమ్ మమితా బైజు హీరోయిన్గా నటిస్తోంది. ఎన్నో అంచనాల మధ్య రేపు తమిళ, తెలుగు భాషల్లో గ్రాండ్గా విడుదల కాబోతున్న ఈ సినిమా అడ్వాన్స్ బుకింగ్స్ ఇప్పుడు ట్రేడ్ వర్గాలను సైతం ఆశ్చర్యపరుస్తున్నాయి.
బుకింగ్స్ ప్రారంభమైన తొలి రోజుల్లో బుక్ మై షోలో సుమారు 16 వేల టికెట్లు మాత్రమే అమ్ముడవగా, రిలీజ్ దగ్గర పడేసరికి ఆ నెంబర్ ఏకంగా 1,16,580 (116.58K)కి చేరుకుంది. అంటే గత 24 గంటల్లోనే టికెట్ల విక్రయాల్లో 629 శాతం భారీ వృద్ధి నమోదైంది. ఈ నంబర్స్ చూస్తుంటే సినిమాలో సూర్య స్టైలిష్ కోటీశ్వరుడి క్యారెక్టరైజేషన్, మేకర్స్ రిలీజ్ చేసిన కంటెంట్ ప్రేక్షకులకు గట్టిగానే కనెక్ట్ అయ్యాయని స్పష్టంగా అర్థమవుతోంది.
దీనికి తోడు రాధిక శరత్కుమార్, రవీనా టాండన్, నాజర్, వివా హర్ష వంటి భారీ తారాగణం ఈ సినిమాకు అదనపు బలం. సూర్య-జీవీ ప్రకాష్ కుమార్ కాంబినేషన్ అంటేనే మ్యూజికల్ హిట్స్ గ్యారెంటీ, ఈ చిత్రానికి కూడా జీవీ ప్రకాష్ అద్భుతమైన నేపథ్య సంగీతం అందించారు. ఫ్యామిలీ ఎమోషన్స్కు కమర్షియల్ హంగులు అద్దడంలో వెంకీ అట్లూరి స్టైల్ ప్రేక్షకులకు బాగా నచ్చుతుండటంతో సినిమాపై బజ్ అమాంతం పెరిగిపోయింది.
కంటెంట్పై నమ్మకంతో మేకర్స్ పక్కాగా ప్లాన్ చేసిన ప్రమోషన్స్ ఇప్పుడు ఈ రికార్డ్ స్థాయి బుకింగ్స్కు కారణమయ్యాయి. ప్రస్తుతం ఉన్న ట్రెండ్ చూస్తుంటే, రేపు ఉదయానికే ఈ నంబర్స్ మరింత పెరిగే అవకాశం కనిపిస్తోంది. భారీ హైప్తో రేపు ఉదయం ఫస్ట్ షో పడబోతున్న ఈ ఫ్యామిలీ ఎంటర్టైనర్, బాక్సాఫీస్ వద్ద ఏ స్థాయి కలెక్షన్లతో సంచలనాలు సృష్టిస్తుందో చూడాలి.
