కోలీవుడ్ స్టార్ హీరో సూర్య, టాలీవుడ్ డైరెక్టర్ వెంకీ అట్లూరి కాంబినేషన్లో వస్తున్న ఫ్యామిలీ రొమాంటిక్ డ్రామా 'విశ్వనాథ్ అండ్ సన్స్' రేపు (ఆగస్టు 14) థియేటర్లలోకి రాబోతోంది. అయితే రిలీజ్కు ముందే ఈ సినిమా రెమ్యునరేషన్స్ గురించి ఒక క్రేజీ న్యూస్ సోషల్ మీడియాలో విపరీతంగా వైరల్ అవుతోంది. ఈ సినిమా కోసం హీరో సూర్య తన పాత పారితోషికాన్ని డబుల్ చేస్తూ ఏకంగా రూ. 45 కోట్లు ఛార్జ్ చేశారని, అలాగే ఇతర నటీనటుల ఫీజుల వివరాలు ఇప్పుడు ట్రేడ్ వర్గాల్లో హాట్ టాపిక్గా మారాయి.
[FEATURED_IMAGE]
సితార ఎంటర్టైన్మెంట్స్ బ్యానర్పై నాగవంశీ నిర్మిస్తున్న భారీ ప్రతిష్టాత్మక చిత్రం 'విశ్వనాథ్ అండ్ సన్స్'. 'సార్', 'లక్కీ భాస్కర్' లాంటి కమర్షియల్ హిట్స్ తర్వాత డైరెక్టర్ వెంకీ అట్లూరి తెరకెక్కించిన ఈ మూవీలో ఒక నలభై ఏళ్ల మధ్య వయస్కుడికి, ఇరవై ఏళ్ల యువతికి మధ్య చిగురించే ప్రేమకథను ఎంతో ఎమోషనల్గా చూపించబోతున్నారు. ఇందులో 40 ఏళ్ల ఇంటర్నేషనల్ పిస్టల్ షూటర్ 'సంజయ్ విశ్వనాథ్' పాత్రలో సూర్య నటిస్తుండగా, మ్యాడీ అనే యువతి పాత్రలో 'ప్రేమలు' బ్యూటీ మమితా బైజు మెరవనుంది
అయితే ఈ సినిమా బడ్జెట్లో సగభాగం కేవలం నటీనటుల పారితోషికాలకే ఖర్చయిందనే టాక్ వినిపిస్తోంది. ముఖ్యంగా పాన్ ఇండియా స్థాయిలో ఉన్న మార్కెట్ దృష్ట్యా ఈ చిత్రం కోసం హీరో సూర్య ఏకంగా రూ. 45 కోట్లు రెమ్యునరేషన్ తీసుకున్నారని తెలుస్తోంది. గత చిత్రాలతో పోలిస్తే ఇది దాదాపు డబుల్ కావడం విశేషం. ఇక తన గ్లామర్, యాక్టింగ్తో సెన్సేషన్ క్రియేట్ చేస్తున్న మమితా బైజు ఈ మూవీకి రూ. 1.5 కోట్ల నుంచి రూ. 3 కోట్ల వరకు ఛార్జ్ చేసిందని సమాచారం.
వీరితో పాటు ఈ సినిమాలో కీలక పాత్ర పోషిస్తున్న సీనియర్ బాలీవుడ్ నటి రవీనా టాండన్ రూ. 2 నుంచి 3 కోట్ల వరకు పారితోషికం తీసుకున్నట్లు ట్రేడ్ వర్గాల్లో చర్చ నడుస్తోంది. అలాగే మరో సీనియర్ నటి రాధిక శరత్కుమార్ తన రోల్ కోసం సుమారు రూ. 40 లక్షలు తీసుకున్నారని టాక్. భారీ తారాగణం, జీవీ ప్రకాష్ కుమార్ అద్భుతమైన సంగీతం తోడవ్వడంతో సినిమాపై అంచనాలు ఆకాశాన్ని తాకాయి. ఈ క్రేజీ రెమ్యునరేషన్స్ లెక్కలతో రేపు (ఆగస్టు 14) ప్రపంచవ్యాప్తంగా థియేటర్లలోకి వస్తున్న ఈ చిత్రం, బాక్సాఫీస్ వద్ద ఎలాంటి వసూళ్ల సునామీ సృష్టిస్తుందో చూడాలి.
