పదేళ్లుగా బాలీవుడ్లో సరైన కమర్షియల్ బ్రేక్ కోసం ఎదురుచూసిన పంజాబీ భామ వామికా గబ్బి దశ ఒక్కసారిగా మారిపోయింది. ఇటీవల సౌత్లో వచ్చిన 'డీసీ' సినిమా సక్సెస్తో ఈ బ్యూటీకి ఇప్పుడు టాలీవుడ్ నుంచి భారీ ఆఫర్లు క్యూ కడుతున్నాయి. ముఖ్యంగా ప్రశాంత్ వర్మ డ్రీమ్ ప్రాజెక్ట్ 'జై హనుమాన్', అడివి శేష్ 'G2' (గూఢచారి 2) లాంటి పాన్ ఇండియా ప్రాజెక్టులలో అవకాశాలు దక్కించుకుని ఆమె సౌత్ ఇండస్ట్రీలో బిజీయెస్ట్ హీరోయిన్గా అవతరించింది.
[FEATURED_IMAGE]
వామికా గబ్బికి హిందీలో ఓటీటీ వెబ్ సిరీస్ల ద్వారా మంచి గుర్తింపు వచ్చినప్పటికీ, థియేట్రికల్ హిట్ మాత్రం దక్కలేదు. అయితే ఇటీవల ప్రేక్షకుల ముందుకు వచ్చిన 'డీసీ' సినిమాలో చంద్ర అనే పవర్ఫుల్ పాత్రలో నటించి అందరి దృష్టిని ఆకర్షించింది. తన అందంతో పాటు అద్భుతమైన నటనతో మెప్పించడంతో సౌత్ మేకర్స్ ఇప్పుడు ఆమె డేట్స్ కోసం గట్టిగానే ప్రయత్నిస్తున్నారు.
ఈ క్రమంలోనే టాలీవుడ్ మోస్ట్ అవేటెడ్ డివోషనల్ యాక్షన్ డ్రామా 'జై హనుమాన్'లో వామికా ఒక కీలక పాత్ర దక్కించుకున్నట్లు సమాచారం. ప్రశాంత్ వర్మ దర్శకత్వంలో రిషబ్ శెట్టి, రానా దగ్గుబాటి ప్రధాన పాత్రల్లో నటిస్తున్న ఈ మైథలాజికల్ ఫాంటసీ మూవీలో ఆమె క్యారెక్టర్ చాలా ప్రత్యేకంగా ఉండబోతోంది. త్వరలో హైదరాబాద్లో ప్రారంభం కానున్న కొత్త షెడ్యూల్లో ఆమె నేరుగా షూటింగ్లో పాల్గొననుంది.
మరోవైపు అడివి శేష్ హీరోగా తెరకెక్కుతున్న యాక్షన్ స్పై థ్రిల్లర్ 'G2'లో కూడా వామిక నటిస్తోంది. ఇందులో మహాలక్ష్మి అనే పాత్రలో ఆమె కనిపించనుండగా, ఇప్పటికే విడుదలైన ఫస్ట్ లుక్ విశేషంగా ఆకట్టుకుంది. వీటితో పాటు మలయాళంలో 'టికీ టాకా', తమిళంలో జయం రవి సరసన 'జీని', 'ఇరవ కాలం' వంటి క్రేజీ ప్రాజెక్టులతో ఈ బ్యూటీ పాన్ ఇండియా బాక్సాఫీస్ వద్ద తన సత్తా చాటేందుకు సిద్ధమవుతోంది.

