చాలా మంది హీరోయిన్లు చిన్న వయసులోనే ఇండస్ట్రీలోకి అడుగుపెట్టి స్టార్‌లుగా ఎదిగారు. ఎన్నో సూపర్ హిట్ సినిమాల్లో నటించి తమ అందం, అభినయంతో ప్రేక్షకులను విశేషంగా ఆకట్టుకున్నారు. పైన కనిపిస్తున్న నటి కూడా అలాంటి వారిలో ఒకరు. స్టార్ హీరోల సరసన నటించి ఇండస్ట్రీలో ధ్రువతారగా నిలిచింది.
కానీ చిన్న వయసులోనే కన్నుమూసి ఇండస్ట్రీకి తీరని లోటును మిగిల్చింది. పుట్టుకతోనే గుండె జబ్బుతో బాధపడుతున్న ఆమె 14 ఏళ్లకే ఇండస్ట్రీలోకి అడుగుపెట్టింది. తక్కువ సమయంలోనే స్టార్‌గా ఎదిగింది. ఎంతో మంది స్టార్ హీరోలతో సినిమాలు చేసింది. కాగా 36 ఏళ్ల వయసులోనే అనారోగ్యంతో కన్నుమూసింది. ఆ స్టార్ హీరోయిన్ ఎవరో మీకు తెలుసా?
అలనాటి అందాల తార మధుబాల
ఆమె ఎవరో కాదు.. అలనాటి అందాల తార మధుబాల. సీనియర్ హీరోయిన్ మధుబాల ఇండియన్ సినిమాల్లో అత్యంత ప్రసిద్ధ నటీమణులలో ఒకరు. హిందీ సినిమాల్లో తన అసాధారణ సౌందర్యం, నటనా ప్రతిభతో గుర్తింపు పొందింది. ఆమె ముంబైలో జన్మించి, బాల నటిగా తన కెరీర్‌ను ప్రారంభించింది.
14 ఏళ్ల వయసులోనే ఆమె సినిమాల్లోకి అడుగుపెట్టింది. "ముగల్-ఎ-ఆజం" సినిమాలో అనార్కలి పాత్రలో ఆమె నటన ఆమెను శాశ్వతంగా గుర్తుంచుకునేలా చేసింది. బాలీవుడ్‌లోనే "ముగల్-ఎ-ఆజం" ఒక కల్ట్ క్లాసిక్‌గా నిలిచిపోయింది. మధుబాల "మహల్" (1949), "చల్తీ కా నామ్ గాడీ" (1958), "బర్సాత్ కీ రాత్" (1960) వంటి అనేక హిట్ చిత్రాల్లో నటించింది. బాలీవుడ్‌లో ఆమె 15 ఇండస్ట్రీ హిట్ సినిమాల్లో భాగమైంది.
