మన హైదరాబాదీ బిర్యానీ రుచికి ప్రపంచమే ఫిదా అయిపోయింది! తాజాగా విడుదలైన గ్లోబల్ లిస్ట్లో మన బిర్యానీ సాధించిన స్థానం చూస్తే ప్రతి భారతీయుడు గర్వపడాల్సిందే.
ప్రపంచ ప్రఖ్యాతి గాంచిన ఆన్లైన్ ట్రావెల్ గైడ్ 'టేస్ట్ అట్లాస్' (Taste Atlas) విడుదల చేసిన 'వరల్డ్స్ బెస్ట్ రైస్ డిషెస్ లిస్ట్ ఆఫ్ 2025'లో హైదరాబాదీ బిర్యానీ సత్తా చాటింది. ఏకంగా టాప్-10లో చోటు దక్కించుకుని, 10వ స్థానంలో సగర్వంగా నిలిచింది.
ఈ లిస్ట్లో మన బిర్యానీ ప్రత్యేకతలు:
టాప్ 50లో చోటు దక్కించుకున్న ఏకైక భారతీయ వంటకం ఇదే కావడం విశేషం.
లక్నో, కశ్మీరీ, కోల్కతా వంటి ప్రముఖ బిర్యానీలను వెనక్కి నెట్టి మనదే నెంబర్ వన్గా నిలిచింది.
ప్రపంచవ్యాప్తంగా ఉన్న ప్రముఖ చెఫ్లు, ఫుడ్ క్రిటిక్స్, పర్యాటకులు ఇచ్చిన రేటింగ్స్ ఆధారంగా ఈ ర్యాంక్ దక్కింది.
జపాన్ వంటకాల హవా..
ఈ జాబితాలో జపాన్ వంటకాలదే పైచేయిగా ఉంది. నెగిటోరోడాన్, సుషీ, కైసెన్డాన్ వంటి జపనీస్ డిష్లు మొదటి మూడు స్థానాలను ఆక్రమించాయి. ఆసక్తికరంగా ఇరాన్కు చెందిన మరో బిర్యానీ వంటకం కూడా ఇందులో చోటు దక్కించుకుంది. ఏదేమైనా, ఘాటైన మసాలాలతో నోరూరించే మన హైదరాబాదీ బిర్యానీ అంతర్జాతీయ వేదికపై మరోసారి తన 'దమ్' చూపించింది.
