రోడ్డు మీద వెళ్తున్న కారు సడన్గా గాల్లోకి లేచి.. ఏకంగా బస్సు మీదుగా దూసుకెళ్తే? హాలీవుడ్ యాక్షన్ సినిమా సీన్ను తలపించే ఈ ఘటన చూస్తే గుండె ఆగిపోవాల్సిందే!
రొమేనియాలోని ఒరాడియా సిటీలో ఒక షాకింగ్ రోడ్డు ప్రమాదం చోటుచేసుకుంది. 55 ఏళ్ల వ్యక్తి తన మెర్సిడెస్ కారులో వెళ్తుండగా, షుగర్ లెవల్స్ పడిపోవడంతో (Diabetes) ఒక్కసారిగా డ్రైవింగ్ సీట్లోనే స్పృహ కోల్పోయాడు. స్టీరింగ్ మీద నియంత్రణ కోల్పోవడంతో కారు రాంగ్ రూట్లోకి దూసుకెళ్లి, డివైడర్ను బలంగా ఢీకొట్టింది. ఆ వేగానికి కారు ఏకంగా గాల్లోకి లేచి.. ఎదురుగా వస్తున్న ఒక బస్సు, దాని వెనుక ఉన్న రెండు కార్ల పైనుంచి ఎగిరి రోడ్డు పక్కన ఉన్న స్తంభాన్ని ఢీకొట్టి ఆగింది.
వీడియో వైరల్.. డ్రైవర్ సేఫ్!
ఈ భయానక దృశ్యాలు అక్కడి సీసీటీవీ కెమెరాలో రికార్డయ్యాయి. ప్రస్తుతం ఈ వీడియో సోషల్ మీడియాలో వైరల్ అవుతోంది.
ప్రమాదం తర్వాత ఏం జరిగిందంటే:
ప్రాణాపాయం లేదు: కారు నుజ్జునుజ్జయినా, తీవ్రంగా గాయపడిన డ్రైవర్ను వెంటనే ఆసుపత్రికి తరలించారు. ప్రస్తుతం ఆయన ప్రాణాపాయం నుంచి బయటపడ్డారని వైద్యులు తెలిపారు.
భారీ జరిమానా: ప్రమాదానికి కారణమైన డ్రైవర్పై పోలీసులు కేసు నమోదు చేశారు. అతని లైసెన్స్ను 90 రోజుల పాటు రద్దు చేయడంతో పాటు, 1600 రొమేనియన్ లియు (సుమారు రూ. 27 వేలు) జరిమానా విధించారు.
This Mercedes driver in Romania handles roundabouts as well as our US Audi drivers handle roundabouts. pic.twitter.com/mkZxoirqJb
— Rob Carpenter (@Thewhitesmoke) December 6, 2025
