ఆర్థిక విషయాలు మాట్లాడాల్సిన వేదికపై.. అమెరికా అధ్యక్షుడు డొనాల్డ్ ట్రంప్ తన ప్రెస్ సెక్రటరీ అందం గురించి వర్ణించి అందరినీ ఆశ్చర్యపరిచారు. "ఆమె పెదవులు మెషిన్ గన్లా ఉంటాయి" అంటూ ఆయన చేసిన వ్యాఖ్యలు ఇప్పుడు వైరల్ అవుతున్నాయి.
 |
| AI Generated Image |
అమెరికా అధ్యక్షుడు డొనాల్డ్ ట్రంప్ (Donald Trump) తనదైన శైలిలో మరోసారి వార్తల్లో నిలిచారు. పెన్సిల్వేనియాలో జరిగిన ఓ భారీ ర్యాలీలో.. తన ప్రభుత్వ విజయాల గురించి చెప్పడం పక్కనపెట్టి, వైట్ హౌస్ ప్రెస్ సెక్రటరీ కరోలిన్ లీవిట్ (Karoline Leavitt) సౌందర్యంపై ప్రశంసల వర్షం కురిపించారు.
"ఆమె ఓ సూపర్ స్టార్.."
79 ఏళ్ల ట్రంప్ ప్రసంగం మధ్యలో, తన 28 ఏళ్ల ప్రెస్ సెక్రటరీ కరోలిన్ను వేదికపైకి ఆహ్వానించారు. "మన సూపర్ స్టార్ కరోలిన్ ఇక్కడే ఉన్నారు.. ఆమె అద్భుతం కాదా?" అంటూ ప్రజలకు పరిచయం చేశారు. అక్కడితో ఆగకుండా ఆమె రూపాన్ని పొగుడుతూ వింత వ్యాఖ్యలు చేశారు.
మెషిన్ గన్: "ఆమె టీవీలో కనిపించినప్పుడు, ఆ అందమైన ముఖం, ఆగకుండా కదిలే ఆ పెదవులు.. అచ్చం ఒక 'మెషిన్ గన్'లా (Machine Gun) ఉంటాయి" అని ట్రంప్ అభివర్ణించారు.
భయం లేదు: తమ ప్రభుత్వ విధానాలు కరెక్ట్గా ఉన్నాయి కాబట్టే ఆమెకు భయం లేదని అన్నారు. మహిళల క్రీడల్లో పురుషులకు నో ఎంట్రీ, అక్రమ వలసల నివారణ వంటి స్ట్రాంగ్ నిర్ణయాల వల్ల ఆమె పని సులువైందని చెప్పుకొచ్చారు.
ఇది ఫస్ట్ టైమ్ కాదు!
ట్రంప్ ఇలా మాట్లాడటం కొత్తేమీ కాదు. గత ఆగస్టులోనూ ఓ ఇంటర్వ్యూలో "ఆమె ముఖం, మెదడు, ఆ పెదవులు.. మెషిన్ గన్లా కదులుతాయి" అని వ్యాఖ్యానించారు. కాగా, ట్రంప్ మొదటిసారి అధ్యక్షుడిగా ఉన్నప్పుడు అసిస్టెంట్గా పనిచేసిన కరోలిన్.. ఇప్పుడు అమెరికా చరిత్రలోనే 'అత్యంత పిన్న వయస్కురాలైన' (Youngest) వైట్ హౌస్ ప్రెస్ సెక్రటరీగా రికార్డు సృష్టించడం విశేషం.
