ఫుట్బాల్ దేవుడు లియోనల్ మెస్సి భారత్లో దిగిపోయారు! ఏకంగా 14 ఏళ్ల సుదీర్ఘ విరామం తర్వాత ఆయన మన దేశానికి రావడంతో ఫ్యాన్స్ ఆనందానికి అవధులు లేకుండా పోయాయి. కోల్కతా నుంచి హైదరాబాద్ వరకు సందడి మొదలైంది.
'గోట్ టూర్ ఆఫ్ ఇండియా' (GOAT Tour of India)లో భాగంగా మెస్సి ఈ తెల్లవారుజామున కోల్కతా చేరుకున్నారు. ఆయనతో పాటు స్టార్ ప్లేయర్స్ లూయిస్ సువారెజ్, రోడ్రిగో డిపాల్ కూడా వచ్చారు. ఎయిర్పోర్ట్లో అర్జెంటీనా జెండాలతో అభిమానులు 'మెస్సి.. మెస్సి' అంటూ నినాదాలతో స్వాగతం పలికారు. భద్రతా కారణాల వల్ల లేక్టౌన్లోని తన 70 అడుగుల విగ్రహాన్ని బాలీవుడ్ బాద్షా షారుక్ ఖాన్తో కలిసి మెస్సి వర్చువల్గా ఆవిష్కరించారు.
హైదరాబాద్లో సీఎం రేవంత్తో మ్యాచ్!
కోల్కతాలో మమతా బెనర్జీ, సౌరవ్ గంగూలీతో భేటీ తర్వాత మెస్సి నేరుగా హైదరాబాద్ రానున్నారు. ఇక్కడ షెడ్యూల్ ఆసక్తికరంగా ఉంది:
ఫలక్నుమా ప్యాలెస్: మెస్సి ముందుగా చారిత్రక ఫలక్నుమా ప్యాలెస్ను సందర్శిస్తారు.
ఉప్పల్ మ్యాచ్: సాయంత్రం ఉప్పల్ స్టేడియంలో 'గోట్ కప్' (GOAT Cup) పేరుతో ఎగ్జిబిషన్ మ్యాచ్ జరుగుతుంది.
సీఎం రేవంత్: ఈ మ్యాచ్లో తెలంగాణ సీఎం రేవంత్ రెడ్డి, మెస్సితో కలిసి ఫుట్బాల్ ఆడనుండటం విశేషం.
రాహుల్ గాంధీ: ఈ అద్భుత ఘట్టాన్ని వీక్షించేందుకు కాంగ్రెస్ అగ్రనేత రాహుల్ గాంధీ కూడా హైదరాబాద్ వస్తున్నారు.
72 గంటల నాన్-స్టాప్ టూర్
మొత్తం 3 రోజుల (72 గంటలు) పాటు మెస్సి పర్యటన సాగనుంది.
డిసెంబర్ 14: ముంబయిలో పలు కార్యక్రమాలు.
డిసెంబర్ 15: ఢిల్లీ పర్యటన.
ముగింపు: సోమవారం ప్రధాని నరేంద్ర మోదీతో భేటీ అనంతరం ఆయన టూర్ ముగుస్తుంది.
