టీమిండియా స్టార్ క్రికెటర్, నేషనల్ క్రష్ స్మృతి మంధాన (Smriti Mandhana), మ్యూజిక్ డైరెక్టర్ పలాష్ ముచ్చల్ (Palash Muchhal) లవ్ స్టోరీకి ఎండ్ కార్డ్ పడి చాలా రోజులైంది. గతేడాది నవంబర్ 23న జరగాల్సిన పెళ్లి ఆఖరి నిమిషంలో ఎందుకు ఆగిపోయిందనేది ఇప్పటికీ మిస్టరీనే. కానీ ఇప్పుడు ఆ గుట్టు విప్పారు స్మృతి చిన్ననాటి ఫ్రెండ్ విజ్ఞాన్ మానే. ఆయన బయటపెట్టిన విషయాలు వింటే ఫ్యూజులు ఎగిరిపోవడం ఖాయం. పెళ్లి పీటల వరకు వచ్చిన బంధం విడిపోవడానికి కారణం పలాష్ మోసమేనా? పెళ్లి వేడుకల్లో అసలు ఏం జరిగింది? లేడీ క్రికెటర్లు పలాష్ ను ఎందుకు చితకబాదారు?
బెడ్రూంలో రెడ్ హ్యాండెడ్ గా..
విజ్ఞాన్ మానే ఓ పత్రికకు ఇచ్చిన ఇంటర్వ్యూలో సంచలన ఆరోపణలు చేశారు. పెళ్లి వేడుకలు జరుగుతున్న సమయంలోనే పలాష్ ముచ్చల్ మరో మహిళతో బెడ్రూంలో రెడ్ హ్యాండెడ్ గా దొరికిపోయాడని చెప్పారు. ఇది చూసిన స్మృతి సహచర మహిళా క్రికెటర్లు (Lady Cricketers) ఆగ్రహంతో ఊగిపోయారని, అక్కడికక్కడే పలాష్ ను చితకబాదారని (Thrashed) ఆయన పేర్కొన్నారు. ఈ షాకింగ్ ఘటన వల్లే పెళ్లి రద్దయినట్లు తెలుస్తోంది.
'చిల్లర దొంగలు'.. రూ. 40 లక్షల మోసం
కేవలం అమ్మాయి విషయమే కాదు, ఆర్థికంగా కూడా పలాష్ కుటుంబం మోసం చేసిందని విజ్ఞాన్ ఆరోపించారు.
సినిమా పేరుతో: పలాష్ తీస్తున్న 'నజరియా' సినిమాలో పెట్టుబడి పెడితే లాభాలు వస్తాయని నమ్మించి తన దగ్గర రూ. 40 లక్షలు తీసుకున్నారట.
బ్లాక్ మెయిల్: ఇప్పుడు బడ్జెట్ పెరిగిందని, మరో రూ. 10 లక్షలు ఇవ్వకపోతే పాత డబ్బులు కూడా తిరిగి ఇవ్వమంటూ పలాష్ తల్లి అమితా ముచ్చల్ బ్లాక్ మెయిల్ చేస్తున్నారని విజ్ఞాన్ వాపోయారు. వారిని 'చిల్లర దొంగలు'గా అభివర్ణించారు.
లీగల్ వార్
విజ్ఞాన్ ఆరోపణలను పలాష్ ముచ్చల్ ఖండించారు. ఇదంతా తన పరువు తీయడానికి చేస్తున్న కుట్ర అని, తన లాయర్ ద్వారా చట్టపరంగా ఎదుర్కొంటానని ఇన్స్టాగ్రామ్ లో పోస్ట్ పెట్టారు. అయితే విజ్ఞాన్ మాత్రం "నా దగ్గర కాల్ రికార్డింగ్స్, చాటింగ్ ప్రూఫ్స్ ఉన్నాయి.. ఎక్కడికైనా వస్తా" అని సవాల్ విసిరారు.
స్మృతి మౌనం
ఇంత జరుగుతున్నా స్మృతి మంధాన మాత్రం దీనిపై ఎక్కడా స్పందించలేదు. కానీ ఆమె ఫ్రెండ్ చేసిన వ్యాఖ్యలు, ముఖ్యంగా పలాష్ ను లేడీ క్రికెటర్లు కొట్టారన్న వార్త సోషల్ మీడియాలో దావానలంలా వ్యాపించింది.
నిజం నిప్పులాంటిది.. ఎప్పటికైనా బయటపడుతుంది!
ఆరేళ్ళ ప్రేమ ఒక్క తప్పుతో ముగిసిపోయింది. విజ్ఞాన్ మానే ఆరోపణల్లో నిజమెంతో పోలీసుల విచారణలో తేలాలి. ఒకవేళ ఇదే నిజమైతే, పలాష్ కెరీర్ కు, పరువుకు భారీ డ్యామేజ్ తప్పదు.
