ఒక నాయకుడిని నమ్మి ప్రజలు తమ ఓటుతో పట్టాభిషేకం చేస్తే.. ఆ రాజ్యాధికారం ఏవో వ్యక్తిగత బంధాల వలలో చిక్కుకుంటే సామాన్యుడికి ఒరిగేదేంటి? సినిమా వేరు, రాజకీయం వేరు.. కానీ ఆ రెండు కలిస్తే జరిగే పరిణామాలు ఒక రాష్ట్రాన్ని, కోట్లాది ప్రజల భవిష్యత్తును ఎలా ప్రమాదంలో పడేస్తాయో చెప్పే అతిపెద్ద ఉత్కంఠ ఇది! దశాబ్దాల ద్రావిడ కోటలను బద్దలుకొట్టిన 'దళపతి' విజయ్.. ఇప్పుడు తీసుకునే ఒక చిన్న నిర్ణయం ఆయన సామ్రాజ్యాన్నే కూల్చేయబోతోందా?
కూలిన సెంటిమెంట్.. దళపతి సృష్టించిన చరిత్ర!
చిరంజీవి, పవన్ కల్యాణ్, కమల్ హాసన్, విజయకాంత్.. వీరంతా వెండితెరపై దేవుళ్లే కావచ్చు. కానీ రాజకీయాల రణరంగంలో గ్లామర్తో దిగి అధికార పీఠాన్ని మాత్రం అందుకోలేకపోయారు. కానీ, ఆ సెంటిమెంట్ను బ్రేక్ చేస్తూ దళపతి విజయ్ ఆ అసాధ్యాన్ని సుసాధ్యం చేశాడు. మ్యాజిక్ ఫిగర్ రాకపోయినా సరే, ఈ ఎన్నికల్లో అత్యధిక సీట్లు సాధించి సింహాసనం వైపు దూసుకెళ్తున్నాడు. ఈ సక్సెస్తో ఇప్పుడు దేశవ్యాప్తంగా విజయ్ పేరు మారుమోగిపోతోంది.
రేగుతున్న రూమర్స్.. పాలిటిక్స్లోకి త్రిష ఎంట్రీ?
సరిగ్గా ఈ సంచలన విజయాల మధ్యే స్టార్ హీరోయిన్ త్రిష పేరు తమిళనాట హాట్ టాపిక్గా మారింది. అసలు ఎన్నికలకు ముందే వీరిద్దరి రిలేషన్పై ఎన్నో పుకార్లు షికార్లు చేశాయి. విజయ్ భార్య సంగీత విడాకుల పిటిషన్ వేయడం, ఆ తర్వాత విజయ్-త్రిషలు కలిసి ఒక పెళ్లికి హాజరు కావడంతో ఈ వార్తలకు మరింత బలం చేకూరింది. తాజాగా విజయ్ గెలిచిన వెంటనే త్రిష నేరుగా ఆయన ఇంటికెళ్లి మరీ అభినందనలు తెలపడం రాజకీయ వర్గాల్లో కొత్త ప్రకంపనలు సృష్టిస్తోంది. త్వరలోనే త్రిష రాజకీయాల్లోకి రాబోతోందని, విజయ్ పోటీ చేసి వదులుకోబోయే ఒక స్థానంలో ఆమెను బరిలోకి దించుతారని పెద్ద ఎత్తున చర్చ జరుగుతోంది.
సీఎం కుర్చీతో చెలగాటం.. దళపతికి విశ్లేషకుల వార్నింగ్
కానీ ఇక్కడే ఒక అతిపెద్ద ప్రమాదం పొంచి ఉందని రాజకీయ విశ్లేషకులు హెచ్చరిస్తున్నారు. ముఖ్యమంత్రి కుర్చీ అనేది పూలపాన్పు కాదు, అది ముళ్ల కిరీటం. ఆ పదవిలో ఉన్న వ్యక్తి రాష్ట్రంలోని ప్రజలకు నిత్యం జవాబుదారీగా ఉండాలి. త్రిషతో ఉన్న వ్యక్తిగత సాన్నిహిత్యం కారణంగా ఆమెను రాజకీయాల్లోకి లాగితే.. ప్రజల్లోకి అత్యంత చెడు సంకేతాలు వెళ్తాయి. ఎందుకంటే, తమిళ ప్రజలు ఓటేసింది కేవలం విజయ్ను చూసి మాత్రమే, త్రిషను చూసి కాదు! గతంలో బీజేపీ నేత నాగేంద్రన్ త్రిషపై వివాదాస్పద వ్యాఖ్యలు చేసినప్పుడు ఆమెకు కొంత సానుభూతి లభించి ఉండొచ్చు. కానీ, ఆ సానుభూతిని క్యాష్ చేసుకుని ఆమెను రాజకీయంగా ప్రమోట్ చేస్తే మాత్రం తీవ్రస్థాయిలో ప్రజా వ్యతిరేకతను ఎదుర్కోక తప్పదు. మొదటికే మోసం వస్తుంది.
తిరుచ్చి ఈస్ట్ టెన్షన్.. రాజకీయ పతనానికి నాంది?
రెండు స్థానాల్లో గెలిచిన విజయ్, ఇప్పుడు 'తిరుచ్చి ఈస్ట్' స్థానానికి కచ్చితంగా రాజీనామా చేయాల్సిన పరిస్థితి. ఈ నియోజకవర్గం రాజకీయంగా అత్యంత చైతన్యం ఉన్న ప్రాంతం. అక్కడ ప్రజలు కేవలం విజయ్ అనే నాయకుడిని నమ్మి ఓటేశారు. ఇప్పుడు అదే స్థానంలో జరగబోయే ఉప ఎన్నికలో త్రిషను నిలబెడితే, అది ఆరంభంలోనే విజయ్కు కోలుకోలేని దెబ్బ కొడుతుంది. అధికారంలోకి వచ్చిన పార్టీ, ఎదుర్కొనే తొలి ఉప ఎన్నికలోనే ఓడిపోతే.. ఆ పరాజయం ప్రభావం మొత్తం ఐదేళ్ల పాలనపై పడుతుంది. ఈ ప్రయోగం గనక బెడిసికొడితే అది కేవలం ఒక సీటు ఓటమి కాదు.. దళపతి విజయ్ రాజకీయ పతనానికి వేసే తొలి అడుగు అవుతుంది.
సినిమాల్లో హీరోయిన్కు సాయం చేసే హీరోకు క్లాప్స్ పడతాయి.. కానీ రియల్ పాలిటిక్స్లో పర్సనల్ లైఫ్ను, ప్రొఫెషనల్ లైఫ్ను కలగాపులగం చేస్తే ప్రజలు నిర్దాక్షిణ్యంగా రిజెక్ట్ చేస్తారు! సామాన్యుడిగా మనం అర్థం చేసుకోవాల్సింది ఒక్కటే.. అధికారం అంటే విలాసం కాదు, అది ఒక కఠినమైన బాధ్యత. ద్రవిడ ప్రజల మనోభావాలను గౌరవిస్తూ, త్రిషను రాజకీయాలకు దూరంగా ఉంచి.. కేవలం జనరంజకమైన పాలనపైనే విజయ్ దృష్టి పెడితే చరిత్రలో నిలిచిపోతాడు. లేదంటే, ఒక చిన్న తప్పు దశాబ్దాల కష్టాన్ని బూడిదలో పోసిన పన్నీరులా మార్చేయడం ఖాయం!
Also Read:
I-PAC Prashant Kishor : పీకేకు అఖిలేష్ బిగ్ షాక్!కలితా మాఝీ ఎవరు? దేశాన్ని ఆకర్షిస్తున్న బెంగాల్ బీజేపీ ఎమ్మెల్యే
TVK Keerthana Sampath : టీవీకే ఎమ్మెల్యే కీర్తనా సంపత్ సక్సెస్ స్టోరీ
కాంగ్రెస్ కండిషన్స్.. రెండు మంత్రి పదవులు ఇస్తేనే దళపతికి మద్దతు
TVK Pallavi Win: 8 నెలల గర్భిణి అపూర్వ విజయం
