రోజంతా ఆఫీసు పనులు, టార్గెట్లు, ట్రాఫిక్ కష్టాలతో విసిగిపోయిన సగటు మనిషికి ఇప్పుడు కావాల్సింది స్వచ్ఛమైన వినోదం. సోషల్ మీడియాలో నిమిషానికో రీల్ చూస్తూ నవ్వుకునే కంటే, థియేటర్లో వందలాది మందితో కలిసి పొట్టచెక్కలయ్యేలా నవ్వుకుంటే ఆ కిక్కే వేరు! సరిగ్గా ఇలాంటి పక్కా స్ట్రెస్ బస్టర్గానే మెగాస్టార్ చిరంజీవి ఐకానిక్ కామెడీ ఎంటర్టైనర్ 'శంకర్ దాదా ఎంబీబీఎస్' రీ-రిలీజ్కు సిద్ధమైంది. ఆగస్టు 22న చిరు బర్త్డే కానుకగా వస్తున్న ఈ సినిమా కోసం సామాన్య ప్రేక్షకుడు ఎందుకు థియేటర్కు వెళ్లాలో ఇక్కడ చూద్దాం.
[FEATURED_IMAGE]
20 ఏళ్ల నాటి మ్యాజిక్ రిపీట్
దర్శకుడు జయంత్ సి. పరాన్జీ 2004లో తెరకెక్కించిన ఈ చిత్రం టాలీవుడ్ చరిత్రలో ఒక ఎవర్ గ్రీన్ క్లాసిక్. మెగాస్టార్ చిరంజీవి అద్భుతమైన కామెడీ టైమింగ్, ఏటీఎం పాత్రలో శ్రీకాంత్ నటన, సోనాలి బింద్రే గ్లామర్ అప్పట్లో ప్రేక్షకులను ఉర్రూతలూగించాయి. దేవి శ్రీ ప్రసాద్ అందించిన మ్యూజిక్ ఇప్పటికీ ఎక్కడో ఒకచోట వినిపిస్తూనే ఉంటుంది.
ట్రెండ్ అవుతున్న రీ-రిలీజ్ ట్రైలర్
తాజాగా మేకర్స్ వదిలిన ఈ మూవీ రీ-రిలీజ్ ట్రైలర్ నెట్టింట వైరల్ అవుతోంది. ఈ సినిమాలోని డైలాగ్స్, కామెడీ సన్నివేశాలు ఇప్పటికీ ఇన్స్టాగ్రామ్ రీల్స్లో ట్రెండ్ అవుతూనే ఉండటం విశేషం. కేవలం మెగా అభిమానులే కాకుండా, ఆనాటి మ్యాజిక్ను బిగ్ స్క్రీన్పై చూడని ఈ తరం కుర్రకారు కూడా థియేటర్లలో ఎంజాయ్ చేసేందుకు ఎంతో ఆసక్తి చూపిస్తున్నారు.
మీరు ఇదివరకే ఈ సినిమాను టీవీలో వందసార్లు చూసి ఉండొచ్చు.. అయినా సరే వీకెండ్లో కాస్త టైమ్ దొరికితే థియేటర్కు వెళ్లి చూడండి. ఎందుకంటే 'శంకర్ దాదా ఎంబీబీఎస్' కేవలం సినిమా కాదు, ఫ్యామిలీ అంతా కలిసి ఎంజాయ్ చేయదగ్గ ఒక ఫీల్ గుడ్ ఎమోషన్. ప్రస్తుతం నడుస్తున్న రీ-రిలీజ్ ట్రెండ్లో వస్తున్న రొటీన్ మాస్, యాక్షన్ సినిమాల కంటే, ఇలాంటి ఫుల్ లెంగ్త్ కామెడీ ఎంటర్టైనర్స్ బాక్సాఫీస్ వద్ద మరింత భారీ వసూళ్లు రాబట్టడం ఖాయం.
