నిన్న రాత్రి లక్నో మరియు ముంబై జట్ల మధ్య జరిగిన ఉత్కంఠభరితమైన ఐపీఎల్ మ్యాచ్ అందరికీ గుర్తుండే ఉంటుంది. అయితే, ఈ మ్యాచ్ అనంతరం ముంబై జట్టు తీవ్ర విమర్శల పాలవుతోంది.
ముఖ్యంగా, మ్యాచ్ జరుగుతుండగానే తిలక్ వర్మను రిటైర్డ్ హర్ట్‌గా వెనక్కి పిలవడంపై మాజీ క్రికెటర్లు మరియు అభిమానులు ముంబై జట్టు యాజమాన్యంపై తీవ్ర ఆగ్రహం వ్యక్తం చేస్తున్నారు. ఇది తిలక్ వర్మను అవమానించడమేనని వారు మండిపడుతున్నారు. తిలక్ స్థానంలో వచ్చిన శాంట్నర్ ఎన్ని సిక్సర్లు కొట్టాడని వారు ప్రశ్నిస్తున్నారు. అంతేకాకుండా, చివరి ఓవర్‌లో శాంట్నర్‌కు హార్దిక్ పాండ్యా ఎందుకు స్ట్రైక్ ఇవ్వలేదని వారు నిలదీస్తున్నారు.
ఇంతకుముందు గుజరాత్‌తో జరిగిన మ్యాచ్‌లో విఫలమైన హార్దిక్ పాండ్యాను ఎందుకు రిటైర్డ్ హర్ట్‌గా పంపలేదని అభిమానులు ముంబై జట్టును దుమ్మెత్తిపోస్తున్నారు.
మరోవైపు, ఈ మ్యాచ్‌లో లక్నో జట్టు సమష్టిగా అద్భుతమైన ప్రదర్శన కనబరిచి విజయం సాధించింది. వారు ముంబైని 12 పరుగుల తేడాతో ఓడించారు. తొలుత బ్యాటింగ్ చేసిన లక్నో జట్టు నిర్ణీత 20 ఓవర్లలో 8 వికెట్లు కోల్పోయి 203 పరుగులు చేసింది. లక్నో బ్యాటర్లలో మిచెల్ మార్ష్ 60 పరుగులు, మార్ క్రమ్ 53 పరుగులు చేసి జట్టు విజయంలో కీలక పాత్ర పోషించారు. ఈ మ్యాచ్‌లో హార్దిక్ పాండ్యా 5 వికెట్లు తీయడం విశేషం.
